រាជធានីភ្នំពេញ ៖ បើទោះជាកីឡាករបរទេសដែលស្ថានីយទូរទស្សន៍អាស៊ីអាគ្នេយ៍ (SEATV) យកមកប្រកួតក្នុងវគ្គបើកឆាកលើកដំបូងក្នុងព្រឹត្តិការណ៍ប្រដាល់ កាលពីថ្ងៃទី២៧ មីនាម្សិលម៉្ងៃ គឺជាជើងខ្លាំងនៅក្នុងពិភពប្រដាល់ក៏ដោយ ក៏លទ្ធផលដែលកីឡាករបរទេសទាំង៣រូបទទួលបានគឺបរាជ័យទាំងអស់គ្នា ដែលមិនខុសពីស្ពាយភាពអាម៉ាស់ដូចគ្នាត្រឡប់ទៅវិញនោះទេ ។
រាជធានីភ្នំពេញ ៖ បើទោះជាកីឡាករបរទេសដែលស្ថានីយទូរទស្សន៍អាស៊ីអាគ្នេយ៍ (SEATV) យកមកប្រកួតក្នុងវគ្គបើកឆាកលើកដំបូងក្នុងព្រឹត្តិការណ៍ប្រដាល់ កាលពីថ្ងៃទី២៧ មីនាម្សិលម៉្ងៃ គឺជាជើងខ្លាំងនៅក្នុងពិភពប្រដាល់ក៏ដោយ ក៏លទ្ធផលដែលកីឡាករបរទេសទាំង៣រូបទទួលបានគឺបរាជ័យទាំងអស់គ្នា ដែលមិនខុសពីស្ពាយភាពអាម៉ាស់ដូចគ្នាត្រឡប់ទៅវិញនោះទេ ។
នេះគឺបណ្តាលមកពីកីឡាករកម្ពុជា ដែលត្រូវគេផ្គូផ្គងឱ្យប៉ះជាមួយ គឺជាជើងខ្លាំងដែលមានបទពិសោធន៍ខ្ពស់ទាំងថ្វីដៃ និងបច្ចេកទេស ។ គូអន្តរជាតិទី១ កីឡាករឈាន ហុង មកពីសមាគមកីឡាប្រដាល់ក្រសួងការពារជាតិ បានយកឈ្នះកីឡាករថៃ Mekdam Pumphanung ដោយវេទនាបំផុត ដោយសារតែក្នុងអំឡុង៥ទឹកកីឡាករថៃ ក៏បង្ហាញកម្រិតប្រកួតមិនព្រមចុះញ៉ម ។ រវាងគូនេះ កីឡាករកម្ពុជាដ្បិតថាមើលទៅមានប្រៀប បុ៉ន្តែកីឡាករថៃ ក៏បង្កើនសន្ទុះវាយទប់ និងវាយបកធ្វើឱ្យអ្នកទស្សនាស្រែកហ៊ោកញ្ជ្រៀវផងដែរ ។ គិតត្រឹមទឹកទី២ ម្នាក់ៗពិតជាប៉ាន់ស្មានថា កីឡាករថៃ នឹងឈ្នះ១០០% ពិសេសបន្ទាប់ពីកីឡាករថៃស្រាប់តែមានឱកាសទាត់ឆ្វេងស្តាំ និងវាយដោយកណ្តាប់ដៃបានល្អ ។
អ្នកគាំទ្រកីឡាករកម្ពុជាបុកពោះមិនតិចទេក្នុងពេលដែលកីឡាករឈាន ហុង ប្រឹងស្ទុះទាំងដៃ ទាំងជើង ក្នុងការវាយលុកបានល្អតាំងពីដើមទីហើយនៅតែធ្វើអ្វីកីឡាករថៃមិនបែក ។ បុ៉ន្តែចាប់ពីទឹកទី៣ កីឡាករកម្ពុជា បែរជាមានឱកាសជាងមុនក្នុងការវាយសង្គ្រុបទៅលើកីឡាករថៃ ។ យ៉ាងណាក៏ដោយ កីឡាករថៃក៏មិនមែននៅស្ងៀមហើយធ្វើបាវសាក់ឱ្យកីឡាករខ្មែរសម្រេចគោលដៅបាននោះដែរ ដោយគេបានតតាំង និងវាយសង្គ្រុប ធ្វើឱ្យកីឡាករកម្ពុជាត្រដាបត្រដួសច្រើនអន្លើ ។ គូអន្តរជាតិនេះ កីឡាករថៃបានស្ពាយការបរាជ័យដោយពិន្ទុត្រឡប់ទៅវិញ ។ គូអន្តរជាតិទី២ កីឡាករឡៅ ស៊ីណាត មកពីក្លិបកងទ័ពឆត្រយោង៩១១ ក៏ជាអ្នកបំបាក់កីឡាករ Andre Teixeira ជនជាតិប្រេស៊ីលឱ្យចាញ់យ៉ាងអាម៉ាស់ដូចគ្នាផងដែរ ។ គ្រាន់តែបើកឆាកប្រយុទ្ធភ្លាមមិនបានប៉ុន្មាននាទីផង កីឡាករ Andre Teixeira បានដួលសន្លប់តែម្តងក្រោមដៃកីឡាករឡៅ ស៊ីណាត ដែលបានវាយឆ្វេងផងស្តាំផង ត្រូវចំចុងដង្ហើមរបស់កីឡាករបរទេស ។
ក្រឡេកមើលមួយភ្លែត ម្នាក់ៗពិតជាគិតថា កីឡាករប្រេស៊ីលជាកីឡាករអន់ និងគ្មានសមត្ថភាព បុ៉ន្តែបើពិនិត្យពីបច្ចេកទេស និងលក្ខណៈនៃការប្រកួត ទើបគេដឹងថា នោះមកពីកីឡាករកម្ពុជា ឡៅ ស៊ីណាត មានសមត្ថភាពខ្ពស់ក្នុងការវាយចំគោលដៅ ក្នុងពេលកីឡាករប្រេស៊ីលដែលរហ័សទាំងដៃទាំងជើងភ្លាត់ស្នៀតតែបន្តិច។ កីឡាករប្រេស៊ីលប្រកាច់លើរេញយ៉ាងអាម៉ាស់នៅពាក់កណ្តាលទឹកទី១ ដោយស្ទើរតែគ្មានអ្នកទស្សនាណាម្នាក់មើលទាន់ថា គេរងរបួសចំចំណុចណាទើបធ្លាក់ក្នុងសភាពបែបនេះ ។ ភាពសន្លប់របស់កីឡាករប្រេស៊ីល មិនត្រឹមតែជួយឱ្យកីឡាករកម្ពុជាទទួលបាននូវមោទនភាពបុ៉ណ្ណោះទេ គឺថែមទាំងជួយឱ្យកីឡាករឡៅ ស៊ីណាត ទទួលបានការឧបត្ថម្ភចំនួន១០០ដុល្លារភ្លាមៗពីតារាកំប្លែងនាយឃ្លោក ដែលបានទៅទស្សនាព្រឹត្តិការណ៍នោះថែមទៀតផង ។
គូអន្តរជាតិទី៣ កីឡាករសេន ប៊ុនថេន មកពីសមាគមកីឡាប្រដាល់ក្រសួងមហាផ្ទៃ ក៏ជាអ្នកធ្វើឱ្យកីឡាករ Richard Kekkei Gemkai ជនជាតិស្លូវ៉ាគី ទទួលការអាម៉ាស់ដូចគ្នា បើធៀបនឹងគូទី២ ។ គូនេះគ្រាន់តែចូលទឹកទី២ភ្លាម គេឃើញកីឡាករបរទេសដេកប្រកាច់លើរេញតែម្តង បន្ទាប់ពីកីឡាករកម្ពុជាទាត់ត្រូវហើមត្រង់ភ្លៅ ហើយធ្វើឱ្យមានរបួសធ្ងន់ត្រង់ចំណុចនោះ ។ កីឡាករបរទេសត្រូវគេមើលឃើញថា រហ័សដៃ និងរហ័សជើង បុ៉ន្តែភាពខ្លាំងរបស់គេ ហាក់មិនជួយឱ្យគេគេចផុតពីរន្ទះជើងដ៏ខ្លាំងរបស់ សេន ប៊ុនថេន នោះទេ ទើបត្រូវដួលសន្លប់ក្នុងទឹកទី២ បន្ទាប់ពី សេន ប៊ុនថេន ទាត់ហើយទាត់ទៀតត្រង់កន្លែងភ្លៅហើមធ្វើឱ្យដួលងើបលែងរួចតែ ម្តង ។
លទ្ធផលគូនេះ កីឡាករសេន ប៊ុនថេន ក៏ត្រូវតារាកំប្លែងនាយឃ្លោកឡើងរេញប្រគល់ប្រាក់លើកទឹកចិត្តឱ្យចំនួន១០០ដុល្លារផងដែរ បន្ទាប់ពីឃើញគេស្វាហាប់ក្នុងការវាយលុក ហើយទទួលបានជោគជ័យ ៕
ចែករំលែកព័តមាននេះ