ទីភ្នាក់ងារព័ត៌មាន AFP បានផ្សាយថា រដ្ឋមន្ត្រីក្រសួងការពារជាតិអ៊ុយក្រែន បានថ្លែងកាលពីថ្ងៃទី២៧ មីនា ថា មានកងទ័ពរុស្ស៊ីជិតមួយសែននាក់ បានដាក់ពង្រាយនៅតាមព្រំដែននាពេលបច្ចុប្បន្ន និងចាត់ទុកថាជាតួលេខខ្ពស់ជាងការប៉ាន់ប្រមាណរបស់អាមេរិក ក្រោមវិបត្តិដ៏តានតឹង ក្រោយពីតំបន់គ្រីមេត្រូវបានដាក់ឱ្យស្ថិតក្រោមការគ្រប់គ្រងរបស់រុស្ស៊ី ។
ទីភ្នាក់ងារព័ត៌មាន AFP បានផ្សាយថា រដ្ឋមន្ត្រីក្រសួងការពារជាតិអ៊ុយក្រែន បានថ្លែងកាលពីថ្ងៃទី២៧ មីនា ថា មានកងទ័ពរុស្ស៊ីជិតមួយសែននាក់ បានដាក់ពង្រាយនៅតាមព្រំដែននាពេលបច្ចុប្បន្ន និងចាត់ទុកថាជាតួលេខខ្ពស់ជាងការប៉ាន់ប្រមាណរបស់អាមេរិក ក្រោមវិបត្តិដ៏តានតឹង ក្រោយពីតំបន់គ្រីមេត្រូវបានដាក់ឱ្យស្ថិតក្រោមការគ្រប់គ្រងរបស់រុស្ស៊ី ។
លោក អានគ្រី ប៉ារូប៊ី ប្រធានក្រុមប្រឹក្សាសន្តិសុខជាតិអ៊ុយក្រែន បានបង្ហើបឱ្យដឹងថា ក្រោយពីចូលលុកលុយនៅតំបន់គ្រីមេរួចមក រុស្ស៊ីក៏បានរៀបផែនការបែងចែកទឹកដីនៅតំបន់ដែលទន់ខ្សោយដទៃទៀត ដែលបញ្ហានេះធ្វើឱ្យរដ្ឋាភិបាលក្រុងគៀវ មានក្តីបារម្ភថា អាចរងការចូលលុកលុយពីសំណាក់រុស្ស៊ីនៅភាគខាងកើតរបស់ប្រទេសទៀត ។
លោក អានគ្រី បា៉រូប៊ី បានបញ្ជាក់ទៀតថា អ៊ុយក្រែនក៏បានត្រៀមកម្លាំងសម្រាប់ទប់ទល់នឹងការរុករាន ទោះបីជាកើតឡើងនៅថ្ងៃណាក៏ដោយ ។ កាលពីមុននេះ មន្ត្រីមន្ទីរប៉ង់តាហ្គោន របស់សហរដ្ឋអាមេរិកបានបញ្ជាក់ថា មានទ័ពរុស្ស៊ីច្រើនជាង២០.០០០នាក់ ក្នុងនោះមានទាំងទ័ពអាកាស និងកងរថក្រោះ ត្រូវបញ្ជូនទៅប្រចាំការនៅតាមព្រំដែនអ៊ុយក្រែន ក្នុងគោលបំណងដើម្បីកាន់កាប់នៅភូមិភាគខាងកើត ។
ប៉ុន្តែកាលពីថ្ងៃទី២៧ មីនា កន្លងមក អាជ្ញាធរអ៊ុយក្រែន បានសម្តែងការសង្ស័យលើតួលេខពីការព្យាករខាងលើ ដោយលោក ប៉ារូប៊ី ប្រធានក្រុមប្រឹក្សាសន្តិសុខជាតិអ៊ុយក្រែន នឹងគាំទ្រសកម្មភាពរបស់ប្រទេសលោកខាងលិចនៅក្នុងការកំណត់លើបទដ្ឋានការដាក់ទោសរុស្ស៊ី និងស្នើសុំឱ្យបង្ហាញសម្ព័ន្ធមិត្តផ្នែកយោធា ដើម្បីបញ្ជូនសញ្ញាប្រកាសអាសន្នដល់ក្រុងមូស្គូ ៕
ចែករំលែកព័តមាននេះ