ADផ្ទាំងផ្សព្វផ្សាយពាណិជ្ជកម្ម

Metfone Cambodia League ៖ ក្រុមជើងខ្លំាងដែលស្ថិតក្នុងលំដាប់កំពូលតារាងនឹងជួបគ្នានៅរសៀលថ្ងៃទី២៩ មីនា

11 ឆ្នាំ មុន

២៨ ខែ មីនា ឆ្នាំ ២០១៤ ម៉ោង ១០:១៤

រាជធានីភ្នំពេញ ៖ ព្រឹត្តិការណ៍ប្រកួតបាល់ទាត់ពានរង្វាន់ Metfone Cambodia League ប្រចំាឆ្នំា២០១៤ នឹងវិលជួបបងប្អូនទស្សនិជនគំាទ្រដែល ស្រឡាញ់វិស័យកីឡាបាល់ទាត់សារជាថ្មីបន្តទៀតហើយ បន្ទាប់ពីសម្រាកកាលពីថ្ងៃទី៣ មីនា កន្លងមកនេះ។ សម្រាប់ការប្រកួតដែលនឹងធ្វើឡើងនៅថ្ងៃទី២៩ មីនា គឺប្រមូលផ្តុំទៅដោយក្រុមជើងខ្លំាងមានពិន្ទុលំដាប់កំពូលតារាងជាច្រើនក្រុម ជួបប្រកួតគ្នាដើម្បីដណ្តើមភាពជោគជ័យជូនក្រុមរៀងៗខ្លួន ។

ក្រុមបាល់ទាត់ដែលនឹងជួបប្រកួតគ្នានៅថ្ងៃទី២៩ មីនា ខាងមុខនេះ មានចំនួន៤ប្រកួត លេងលើ២ទីលាន ដោយទីលានស្តាតចាស់ ចាប់ផ្តើមពីម៉ោង១និង៣០នាទីរសៀលតទៅ រវាងក្រុមសាកលវិទ្យាល័យអាស៊ីអឺរ៉ុបជួបប្រកួតជាមួយក្រុមចំការកៅស៊ូបឹងកេត។ ខណៈមួយប្រកួតទៀតរវាងក្រុមអគ្គស្នងការនគរបាលជាតិប្រកួតជាមួយក្រុមណាហ្គាខប។

ចំណែកទីលានពហុកីឡដ្ធានជាតិវិញ ការប្រកួតធ្វើឡើងនៅម៉ោង៣និង៣០នាទីរសៀល រវាងក្រុមក្រសួងការពារជាតិប្រកួតជាមួយក្រុមបៀលប្រាយយូណាយធីត និងមួយប្រកួតទៀតក្រុមត្រាយអាស៊ីប្រកួតជាមួយក្រុមភ្នំពេញក្រោន។

ADផ្ទាំងផ្សព្វផ្សាយពាណិជ្ជកម្ម

អត្តបទផ្សេងៗទៀត