រាជធានីភ្នំពេញ ៖ សុខ សុវណ្ណ មកពីក្លិបកងពលតូចលេខ៣១ ជួបនឿន សាវឌី មកពីក្លិបអេភូថងកីឡានៅក្នុងវគ្គប្រកួតជម្រុះវិលជុំឈានទៅដណ្តើមខ្សែក្រវាត់ជើងឯកស្រាបៀរលីអូនៅលើសង្វៀនទូរទស្សន៍ CTN ថ្ងៃសៅរ៍ ទី២៩ មីនា ខាងមុខនេះ គេមានសង្ឃឹមច្រើនថាអាចរកបាន៣ពិន្ទុបន្ថែម
រាជធានីភ្នំពេញ ៖ សុខ សុវណ្ណ មកពីក្លិបកងពលតូចលេខ៣១ ជួបនឿន សាវឌី មកពីក្លិបអេភូថងកីឡានៅក្នុងវគ្គប្រកួតជម្រុះវិលជុំឈានទៅដណ្តើមខ្សែក្រវាត់ជើងឯកស្រាបៀរលីអូនៅលើសង្វៀនទូរទស្សន៍ CTN ថ្ងៃសៅរ៍ ទី២៩ មីនា ខាងមុខនេះ គេមានសង្ឃឹមច្រើនថាអាចរកបាន៣ពិន្ទុបន្ថែមទៀត ខណៈផាន់ គ្រាន់ មកពីក្លិបព្រះខ័នរាជនៃកងរាជអាវុធហត្ថលើផ្ទៃប្រទេស និងឆាយ មាស មកពីក្លិបសំរោងកោងកីឡាខេត្តបាត់ដំបង ជួបគ្នាលើកនេះមិនហ៊ានសន្យាទុកមុនពីលទ្ធផលចាញ់ឈ្នះដូចគ្នា ។
សុខ សុវណ្ណ ប្រកួតបាន៣លើកមិនទាន់ស្គាល់ចាញ់ម្តងណាឡើយ កំពុងតែមានពិន្ទុនាំមុខគេនៅក្នុងតារាងជាបណ្តោះអាសន្ន ។ ចំណែកឯ នឿន សាវឌី ប្រកួតបាន៣លើកចាញ់ទាំង៣លើក បើសិនលើកនេះចាញ់ម្តងទៀតនោះនឹងអាចជ្រុះចេញពីវគ្គជម្រុះនេះមិនខាន ។ រីឯ សុខ សុវណ្ណ បើសិនជាឈ្នះលើកនេះទៀត គេនឹងឡើងទៅប្រកួតនៅវគ្គពាក់កណ្តាលផ្តាច់ព្រ័ត្រជាបន្តទៀតដោយស្វ័យប្រវត្តិ ។ ទោះជាយ៉ាងណា សុខ សុវណ្ណ ប៉ះនឿន សាវឌី លើកនេះគេមិនសូវជាបារម្ភបុ៉ន្មានឡើយ ដោយសារគេមានសមត្ថភាពប្រកួតល្អជាង នឿន សាវឌី ឆ្ងាយណាស់ ទាំងការប្រើស្នៀតកែង និងជង្គង់ឡើងទៅ ។
ផាន់ គ្រាន់ និងឆាយ មាស ជួបគ្នាលើកនេះទាំងសងខាងបាត់មាត់ដូចគេចុក មិនមាននរណាម្នាក់ហ៊ានអះអាងទុកមុនពីលទ្ធផលចាញ់ឈ្នះឡើយ ។ រវាងគូនេះប្រកួតបាន៣លើកម្នាក់រួចមកហើយ ក្នុងនោះ ផាន់ គ្រាន់ ឈ្នះ២លើក និងចាញ់១លើក ឯឆាយ មាស ឈ្នះ១លើក ចាញ់២លើក ។ ដូច្នេះ ផាន់ គ្រាន់ មានសង្ឃឹមច្រើន បើសិនជាឈ្នះការប្រកួតលើកនេះ តែបើសិនជាចាញ់វិញនោះ ក៏មិនសូវជាល្អបុ៉ន្មានដែរ ព្រោះអីក្នុងចំណោមកីឡាករជើងខ្លាំងទាំង៨រូបមានមួយចំនួនកំពុងតែមានពិន្ទុច្រើនលើសលប់រួចទៅហើយ ។ រីឯឆាយ មាស វិញ ចាំបាច់ត្រូវយកឈ្នះគូប្រកួតឱ្យបាន បើមិនដូច្នោះទេ ឱកាសឡើងទៅប្រកួតនៅវគ្គបន្តពិតជាគ្មានសោះឡើយ។ ចាំមើល គូនេះនរណាជាអ្នកក្តោបក្តាប់ជ័យជម្នះ ?
ចែករំលែកព័តមាននេះ