អង្គការលើកលែងទោសអន្តរជាតិ(Amne sty International)បាននិយាយកាលពីថ្ងៃព្រហស្បតិ៍ ទី២៧ មីនា ថា ចំនួននៃការកាត់ទោសប្រហារជីវិតនៅលើពិភពលោកបានកើនឡើងយ៉ាងហោចណាស់៧៧៨ករណីកាលពីឆ្នាំ២០១៣ បន្ទាប់ពីមានការកើនឡើងនៅប្រទេសអីុរ៉ាក់ និងអីុរ៉ង់ប៉ុន្តែនៅប្រទេសចិននៅតែជាប្រទេសកាត់ទោសប្រហារជីវិតធំបំផុតនៅលើពិភពលោករហូតមកដល់
អង្គការលើកលែងទោសអន្តរជាតិ(Amne sty International)បាននិយាយកាលពីថ្ងៃព្រហស្បតិ៍ ទី២៧ មីនា ថា ចំនួននៃការកាត់ទោសប្រហារជីវិតនៅលើពិភពលោកបានកើនឡើងយ៉ាងហោចណាស់៧៧៨ករណីកាលពីឆ្នាំ២០១៣ បន្ទាប់ពីមានការកើនឡើងនៅប្រទេសអីុរ៉ាក់ និងអីុរ៉ង់ប៉ុន្តែនៅប្រទេសចិននៅតែជាប្រទេសកាត់ទោសប្រហារជីវិតធំបំផុតនៅលើពិភពលោករហូតមកដល់ពេលនេះ ។
អង្គការសិទ្ធិមនុស្សដែលមានមូលដ្ឋាននៅទីក្រុងឡុងដ៍ ប្រទេសអង់គ្លេសនិយាយថា ទីក្រុងប៉េកាំង ត្រូវបានគេគិតថា បានសម្លាប់ពលរដ្ឋរបស់ខ្លួនរាប់ពាន់នាក់ ពោលគឺច្រើនជាងប្រទេសទាំងអស់ លើពិភពលោកទាំងមូលបូកបញ្ចូលគ្នាទៅទៀត ។ ប៉ុន្តែបើយោងតាមរបាយការណ៍ប្រចាំឆ្នាំស្តីពីការកាត់ទោសប្រហារជីវិតទូទាំងពិភពលោកនិយាយថា អាជ្ញាធរចិនបន្តចាត់ទុកតួលេខស្តីពីការកាត់ទោសប្រហារជីវិតជារឿងសម្ងាត់របស់រដ្ឋ ។
នាយកផ្នែកបញ្ហាពិភពលោករបស់អង្គការលើកលែងទោសអន្តរជាតិ អ្នកស្រីAudrey Gaughran បានប្រាប់ទីភ្នាក់ងារព័ត៌មានAFPថា យើងពិតជាចាំបាច់ត្រូវយកចិត្តទុកដាក់លើអាថ៌កំបាំងជុំវិញការកាត់ទោសប្រហារជីវិតនៅប្រទេសចិន ។ អាជ្ញាធរនៅប្រទេសចិននិយាយថា ចាប់តាំងពីឆ្នាំ២០០៧មក គេបានកាត់បន្ថយការប្រើប្រាស់ទោសប្រហារជីវិត ។ ហេតុដូច្នេះបញ្ហាប្រឈមរបស់យើងចំពោះគេ គឺប្រសិនបើអ្នកមានមែន សូមចេញផ្សាយទិន្នន័យ និងបង្ហាញយើងផង ។
បើទោះបីជាទីក្រុងប៉េកាំងនិយាយកាលពីខែវិច្ឆិកា ថា ខ្លួនបានកាត់បន្ថយចំនួនឧក្រិដ្ឋកម្មសម្រាប់ទោសប្រហារជីវិតពីចំនួន៥៥ករណីនាពេលបច្ចុប្បន្នមែនក៏ប្រទេសនេះនៅតែនាំមុខបណ្តាប្រទេសកំពូលទាំងប្រាំដែលប្រើប្រាស់ទោសប្រហារជីវិតកាលពីឆ្នាំ២០១៣ ដែលរួមមានប្រទេសអីុរ៉ាក់ អីុរ៉ង់ អារ៉ាប៊ីសាអូ៊ឌីត និងអាមេរិក ។របាយការណ៍បានឲ្យដឹងថា កាលពីឆ្នាំ២០១២ ការប្រើប្រាស់ទោសប្រហារជីវិតដែលបានដឹងមានចំនួនយ៉ាងហោចណាស់៦៨២នាក់ ភាគច្រើនចេញពីប្រទេសអីុរ៉ាក់ និងអីុរ៉ង់ ។ ប្រទេសអីុរ៉ង់បានកាត់ទោសប្រហារជីវិតមនុស្សអស់៣៦៩នាក់ កាលពីឆ្នាំ២០១៣ កើនឡើងពី៣១៤នាក់ កាលពីឆ្នាំ២០១២ ហើយអង្គការលើកលែងទោសអន្តរជាតិនិយាយថា មានភ័ស្ដុតាងគួរឲ្យទុកចិត្តបានពីប្រភពជាច្រើននៅក្នុងប្រទេសនេះនិយាយថា មានការប្រហារជីវិតបន្ថែមយ៉ាងហោចណាស់៣៣៥នាក់ ដែលត្រូវបានធ្វើដោយលាក់បាំង ។
ចំណែកប្រទេសអីុរ៉ាក់វិញ បានប្រហារជីវិតមនុស្សយ៉ាងហោចណាស់១៦៩នាក់ កាលពីឆ្នាំ២០១៣ កើនឡើងពី៤០នាក់ ដែលបានប្រហារជីវិតកាលពីឆ្នាំ២០១១ និង១០១នាក់ កាលពីឆ្នាំ២០១០ ដោយការកាត់ទោសប្រហារជីវិតនៅទីនោះតែងតែធ្វើឡើងបន្ទាប់ពីការវិនិច្ឆ័យទោសដោយអយុត្តិធម៌ ៕
ចែករំលែកព័តមាននេះ