រាជធានីភ្នំពេញ ៖ ក្រោយពីមានសកម្មភាពវាយសម្លា.ប់មនុស្សនៅក្នុងពិធីរាំវង់មង្គលការមួយនៅក្នុងសង្កាត់រលួស កាលពី៤ថ្ងៃមុន ពេលនេះត្រូវបានកម្លាំងប៉ូលិសខណ្ឌដង្កោស្រាវជ្រាវកំណត់មុខសញ្ញាចាប់ខ្លួនបានម្នាក់ហើយ ដែលឃាតករដៃដល់គឺជាកូនកំលោះតែម្តង ចំណែកបក្សពួក៤នាក់ទៀតកំពុងរត់គេចខ្លួននៅឡើយ ។
រាជធានីភ្នំពេញ ៖ ក្រោយពីមានសកម្មភាពវាយសម្លាប់មនុស្សនៅក្នុងពិធីរាំវង់មង្គលការមួយនៅក្នុងសង្កាត់រលួស កាលពី៤ថ្ងៃមុន ពេលនេះត្រូវបានកម្លាំងប៉ូលិសខណ្ឌដង្កោស្រាវជ្រាវកំណត់មុខសញ្ញាចាប់ខ្លួនបានម្នាក់ហើយ ដែលឃាតករដៃដល់គឺជាកូនកំលោះតែម្តង ចំណែកបក្សពួក៤នាក់ទៀតកំពុងរត់គេចខ្លួននៅឡើយ ។
ឃាតករដៃដល់ត្រូវបានចាប់ខ្លួនកាលពីវេលាម៉ោង៩ និង១៥នាទីយប់ ថ្ងៃទី២៣ មីនា ២០១៤ នៅក្នុងភូមិព្រះធាតុ សង្កាត់រលួស ខណ្ឌដង្កោ។
ឃាតករដៃដល់ឈ្មោះឡា ប៊ុនហេង ហៅចិន ភេទប្រុស អាយុ២៣ឆ្នាំ ជាជាងធ្វើតុទូ ស្នាក់នៅក្នុងភូមិព្រះធាតុ សង្កាត់រលួស ខណ្ឌដង្កោ ចំណែកបក្សពួក៤នាក់ទៀតត្រូវគេស្គាល់អត្តសញ្ញាណអស់ហើយ ហើយសមត្ថកិច្ចកំពុងតាមប្រម៉ាញ់ ។
ដោយឡែកជនរងគ្រោះឈ្មោះគាំ ឌីណា ភេទប្រុស អាយុ២៣ឆ្នាំ ជាជាងផ្សារដែក មានស្រុកកំណើតភូមិរំចេក ឃុំត្នោត ស្រុកបាទី ខេត្តតាកែវ ត្រូវជនដៃដល់ប្រើដំបងដែកវាយសំពងបណ្តាលឱ្យបែកក្បាលផុងលលាដ៏ស្លាប់ភ្លាមៗនៅនឹងកន្លែង រីឯអ្នករបួសធ្ងន់ឈ្មោះសុខ ភក្តី ហៅតឿ ភេទប្រុស អាយុ២២ឆ្នាំ មានស្រុកកំណើតភូមិហង្សបក្សី ឃុំជាងទងស្រុកបាទី ខេត្តតាកែវ។
គួររំលឹកថា កាលពី៤ថ្ងៃមុនភាគីជនរងគ្រោះ និងក្រុមឃាតករដៃដល់បានទៅចូលរួមរាំលេងក្នុងពិធីមង្គលការរបស់ឈ្មោះឡា ប៊ុនហេង ហៅចិន ដែលបានធ្វើឡើងនៅក្នុងភូមិកើតហេតុខាងលើ ខណៈនោះដោយសារតែមានការរាំកាច់កុងឌឺដងដាក់គ្នាទើបបណ្តាលឱ្យមានទំនាស់នៅក្នុងវង់រាំឈានដល់ប្រើហិង្សាដេញវាយគ្នាយ៉ាងប្រសេចប្រសាចបណ្តាលឱ្យយុវជនម្នាក់ស្លាប់ និងម្នាក់ទៀតរបួសធ្ងន់ ហើយក្រុមជនដៃដល់បាននាំគ្នារត់គេចខ្លួនបាត់អស់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ