«គ្មានអ្វីមកជំនួសបានទេ»៖ កម្ពុជាសោកស្តាយប្រាសាទព្រះវិហារ និងតាក្របី ដែលត្រូវថៃកម្ទេច
លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានប្រកាសនាព្រឹកថ្ងៃទី១៥ ខែធ្នូ ឆ្នាំ២០២៥នេះថា ៖ «ផ្ទះខូច យើងអាចធ្វើបាន…
លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានប្រកាសនាព្រឹកថ្ងៃទី១៥ ខែធ្នូ ឆ្នាំ២០២៥នេះថា ៖ «ផ្ទះខូច យើងអាចធ្វើបាន តែចំពោះប្រាសាទរបស់យើងគឺ គ្មានអីមកធ្វើបានដូចដើមទេ»! ម្ចាស់ពិត ពិតជាឈឺចាប់បំផុត ។
រដ្ឋមន្ត្រីក្រសួងព័ត៌មាន បានបញ្ជាក់ថា ពលរដ្ឋខ្មែរដែលជាម្ចាស់ប្រាសាទបង្ហាញពីភាពសោកស្តាយ និងឈឺចាប់ ក្រោយទាហានថៃបានបំផ្លាញប្រាសាទបុរាណ និងជាសម្បត្តិវប្បធម៌ជាតិ-ពិភពលោក ។
យោធាថៃបានធ្វើសកម្មភាពឈ្លានពានប្រដាប់អាវុធរបស់ខ្លួនមកលើទឹកដីកម្ពុជា មិនមែនត្រឹមតែយកជនស៊ីវិលជាគោលដៅនៃការវាយប្រហារប៉ុណ្ណោះទេ បានយកប្រាសាទដែលជាកេរិ៍តំណែលពីដូចតា និងជាបេតិកភណ្ឌពិភពលោកជាគោលដៅនៃការដណ្តើម និងវាយកម្ទេចថែមទៀត ។
លោកបានបន្តថា ប្រាសាទព្រះវិហារជាបេតិកភណ្ឌពិភពលោក រួមនឹងអគារសម្រាប់អ្នកជំនាញធ្វើការអភិរក្សត្រូវបានយោធាថៃបាញ់បំផ្លាញ ហើយប្រាសាទតាក្របី ក៏ត្រូវបានយោធាថៃទម្លាក់គ្រាប់កម្ទេចគ្មានត្រាប្រណី ៕
ចែករំលែកព័តមាននេះ