ខេត្តកណ្តាល ៖ ខណៈដែលកងកម្លាំងនៅសមរភូមិមុខ កំពុងយកជីវិតទៅប្ដូរ ដើម្បីការពារទឹកដីពីការឈ្លានពានរបស់ចោរថៃ អធិការដ្ឋាននគរបាលក្រុងតាខ្មៅ បានសំណូមពរយ៉ាងទទូចដល់បងប្អូននៅមូលដ្ឋានដែលជា «អ្នកសមរភូមិក្រោយ» សូមមេត្តាផ្អាកច្រៀងរាំសប្បាយក្អាកក្អាយមួយគ្រាសិន ។…
ខេត្តកណ្តាល ៖ ខណៈដែលកងកម្លាំងនៅសមរភូមិមុខ កំពុងយកជីវិតទៅប្ដូរ ដើម្បីការពារទឹកដីពីការឈ្លានពានរបស់ចោរថៃ អធិការដ្ឋាននគរបាលក្រុងតាខ្មៅ បានសំណូមពរយ៉ាងទទូចដល់បងប្អូននៅមូលដ្ឋានដែលជា «អ្នកសមរភូមិក្រោយ» សូមមេត្តាផ្អាកច្រៀងរាំសប្បាយក្អាកក្អាយមួយគ្រាសិន ។
អធិការដ្ឋាននគរបាលក្រុងតាខ្មៅ បានប្រកាសនាយប់ថ្ងៃទី១៤ ខែធ្នូ ឆ្នាំ២០២៥នេះថា ៖ ក្នុងដំណាក់កាល ដែលប្រទេសជាតិយើងកំពុងត្រូវបានចោរសៀមឈ្លានពាន ហើយកម្លាំងយោធា នគរបាល និងប្រជាពលរដ្ឋស្លូតត្រង់ មួយចំនួនត្រូវពលីដើម្បីបុព្វហេតុជាតិនៅសមរភូមិមុខ ។
អធិការដ្ឋាននគរបាលក្រុងតាខ្មៅ បានបញ្ជាក់ថា យើងអ្នកសមរភូមិក្រោយ គួរតែផ្អាកការហូបចុក ជួបជុំសប្បាយសិនទៅ ការហូបចុកច្រៀងលេងសប្បាយជាសិទ្ធិរបស់បងប្អូន ប៉ុន្តែសូមអោយមានការទទួលខុសត្រូវ និងមានកំណត់ ចំណែកការរក្សាសណ្តាប់ធ្នាប់ និងរបៀបរាបរយសាធារណៈក្នុងមូលដ្ឋានជាកាតព្វកិច្ចរបស់កងកម្លាំង ។
សូមបញ្ជាក់ថា ការផ្អាកនេះ មិនមែនជាការបិទសិទ្ធិសេរីភាពទេ តែជាការបង្ហាញការគោរព ភាពទទួលខុសត្រូវ និងការឈឺឆ្អាលចំពោះវីរភាពរបស់កងកម្លាំង និងពលរដ្ឋដែលបានពលី ។ សូមបងប្អូនចូលរួមសហការ ដើម្បីឱ្យកងកម្លាំងសមត្ថកិច្ចអាចផ្តោតអារម្មណ៍ពេញលេញ លើការការពារសន្តិសុខ និងសណ្តាប់ធ្នាប់ជូនបងប្អូនវិញ ៕
ចែករំលែកព័តមាននេះ