ខេត្តមណ្ឌលគិរី ៖ ក្នុងស្មារតីស្នេហាជាតិមាតុភូមិ រួមកម្លាំងសាមគ្គីជាតិ និងដើម្បីផ្ដល់កម្លាំងចិត្តបង្ហាញពីការដឹងគុណយ៉ាងជ្រាលជ្រៅចំពោះវីរកងទ័ពទាំងអស់ដែលបានលះបង់កម្លាំងកាយចិត្តការពារបូរណភាពទឹកដី នៅតាមខ្សែបន្ទាត់ព្រំដែន (កម្ពុជា-ថៃ) កាលពីរសៀលថ្ងៃទី១៤ ខែធ្នូ ឆ្នាំ២០២៥នេះ…
ខេត្តមណ្ឌលគិរី ៖ ក្នុងស្មារតីស្នេហាជាតិមាតុភូមិ រួមកម្លាំងសាមគ្គីជាតិ និងដើម្បីផ្ដល់កម្លាំងចិត្តបង្ហាញពីការដឹងគុណយ៉ាងជ្រាលជ្រៅចំពោះវីរកងទ័ពទាំងអស់ដែលបានលះបង់កម្លាំងកាយចិត្តការពារបូរណភាពទឹកដី នៅតាមខ្សែបន្ទាត់ព្រំដែន (កម្ពុជា-ថៃ) កាលពីរសៀលថ្ងៃទី១៤ ខែធ្នូ ឆ្នាំ២០២៥នេះ ។
លោក ហ៊ាញ ប៊ុណ្ណា អភិបាលរងខេត្តមណ្ឌលគិរី ចូលរួមជាមួយអាជ្ញាធរស្រុកកោះញែក និងប្រជាពលរដ្ឋ ព្រះសង្ឃ យុវជន និងសិស្សានុសិស្សជាច្រើននាក់បានរួមគ្នា ដាល់អំបុកនៅវត្តរតនមណ្ឌលរង្សី (ហៅវត្តទី៩) ស្ថិតនៅភូមិរង្សី ឃុំស្រែសង្គម ស្រុកកោះញែក សម្រាប់ផ្តល់ជូនដល់វីរកងទ័ពដែលកំពុងឈរជើងនៅជួរមុខ និងជនភៀសសឹក នៅតាមបណ្តោយព្រំដែនកម្ពុជា-ថៃ ស្របតាមតាមពាក្យស្លោក «អំបុកស្រូវថ្មី វាយសត្រូវឈ្លានពាន»របស់សម្ដេចអគ្គមហាសេនាបតី តេជោ ហ៊ុន សែន ។
លោក សី ទូច អភិបាលស្រុកកោះញែកបានឲ្យដឹងថា ការរៀបចំព្រឹត្តិការណ៍ដាល់អំបុកនេះ គឺមានគោលបំណងដើម្បីបញ្ជូនទៅជួយជាស្បៀងដល់វីរកងទ័ពនៅជួរមុខ និងជនភៀសសឹក ហើយកាលដាល់អំបុកនៅពេលនេះ គឺមិនត្រឹមតែជួយដល់វីរកងទ័ពប៉ុណ្ណោះទេ តែក៏បានបង្ហាញពីស្មារតីការរួបរួមសាមគ្គីភាពឯកភាពជាតិខ្មែរតែមួយ ៕
ចែករំលែកព័តមាននេះ