រាជធានីភ្នំពេញ ៖ យោងតាមសេចក្តីជូនដំណឹងរបស់សហព័ន្ធកីឡា ទ្រីយ៉ាត្លុងកម្ពុជា កាលពីពេលថ្មីៗនេះបានឱ្យដឹងថា សហព័ន្ធកីឡា ទ្រីយ៉ាត្លុងកម្ពុជា សហការជាមួយនឹងមណ្ឌល កីឡា Cambdian Coutry Club (C.C.C) នឹងរៀបចំព្រឹត្តិការណ៍ប្រកួតកីឡា AQUATHLON (ហែលទឹក+រត់ប្រណាំង) លើកទី៣ ដែលនឹងចាប់ផ្ដើមនៅថ្ងៃទី៤ ឧសភា ២០១៤ខាងមុខនេះ នៅមណ្ឌលកីឡា Cambdian Coutry Club (C.C.C) ចាប់ពីម៉ោង៧ព្រឹកតទៅ។
រាជធានីភ្នំពេញ ៖ យោងតាមសេចក្តីជូនដំណឹងរបស់សហព័ន្ធកីឡា ទ្រីយ៉ាត្លុងកម្ពុជា កាលពីពេលថ្មីៗនេះបានឱ្យដឹងថា សហព័ន្ធកីឡា ទ្រីយ៉ាត្លុងកម្ពុជា សហការជាមួយនឹងមណ្ឌល កីឡា Cambdian Coutry Club (C.C.C) នឹងរៀបចំព្រឹត្តិការណ៍ប្រកួតកីឡា AQUATHLON (ហែលទឹក+រត់ប្រណាំង) លើកទី៣ ដែលនឹងចាប់ផ្ដើមនៅថ្ងៃទី៤ ឧសភា ២០១៤ខាងមុខនេះ នៅមណ្ឌលកីឡា Cambdian Coutry Club (C.C.C) ចាប់ពីម៉ោង៧ព្រឹកតទៅ។
ចំពោះ វិញ្ញាសានៃការប្រកួតចែកចេញជា៣ ១-អាយុ ១៣-១៧ ឆ្នាំ (បុរស-នារី) ហែលទឹកចម្ងាយ ១៥០ម៉ែត្រ និងរត់ចម្ងាយ ៣,២០០ ម៉ែត្រ (៤ជុំ)។ ,២-អាយុ១៨ឆ្នាំ ដល់៣៥ឆ្នាំ (បុរស នារី) ហែលទឹកចម្ងាយ៣៥០ម៉ែត្រ និងរត់ចម្ងាយ៤៨០០ម៉ែត្រ៦ជុំ និង៣-អាយុលើ៣៥ឆ្នាំ បុរសហែលចម្ងាយ២៥០ម៉ែត្រ និងរត់ចម្ងាយ៤០០០ម៉ែត្រ (៥ជុំ) ។
តាមការឱ្យដឹងពីអគ្គលេខាធិការនៃសហព័ន្ធទ្រីយ៉ាត្លុងកម្ពុជាលោក ងិន សុខបញ្ញា ថា ព្រឹត្តិការណ៍ប្រកួតកីឡាAQUATHON (ហែលទឹក+រត់ប្រណាំង) នេះ លោកសង្ឃឹមថា នឹងមានអត្តពលិកជាង៤០០នាក់ចូលរួមប្រកួត ខណៈកាលពីឆ្នាំមុនសហ័ពន្ធទទួលបាន កីឡាករ កីឡាការិនីទាំងបរទេស និងខ្មែរ ជាង៣០០នាក់ មកពីតាមក្លឹបសមាគមនិងមហាជន។ លោកបន្តថាព្រឹត្តិការណ៍នេះធ្វើឡើងក្នុងគោលបំណងពង្រឹង សមត្ថភាព កីឡាករកម្ពុជាឱ្យមានស្តង់ដារអន្តរជាតិ តាមរយៈការបង្កើនចម្ងាយនៃការហែល និងរត់ឲ្យមានចម្ងាយឆ្ងាយជាងមុន និងដើម្បីបង្កើតទំនាក់ទំនង រវាងកីឡាករជាតិ និងបរទេសផងដែរ ។
សូមបញ្ចាក់ថា សហព័ន្ធចាប់ផ្តើមទទួលពាក្យពីថ្ងៃផ្សាយដំណឹងនេះតទៅ រហូតដល់ថ្ងៃទី៣០ មេសា នៅទីស្នាក់ការគណៈកម្មាធិការជាតិអូឡាំពិកកម្ពុជា និងនៅ Cambodian Country Club (C.C.C) ។
ចែករំលែកព័តមាននេះ