នាងម៉ារីយ៉ា សារ៉ាប៉ូវ៉ា ដណ្ដើមយកមកវិញនូវចង្វាក់ប្រកួតដ៏ធំរបស់ខ្លួនបន្ទាប់ពីបានស្ថិតក្នុងគ្រោះថ្នាក់នៃការជំរុញការប្រកួតឱ្យដល់៣សិតចំនួន២លើក ដោយបានយកឈ្នះនាងប៉េត្រា គ្វីតូវ៉ា ក្នុងលទ្ធផលពិន្ទុ៧-៥និង៦-១ កាលពីថ្ងៃអង្គារឈានចូលដល់វគ្គពាក់កណ្តាលផ្តាច់ព្រ័ត្រព្រឹត្តិការណ៍វាយកូនបាល់ Sony Open ។
នាងម៉ារីយ៉ា សារ៉ាប៉ូវ៉ា ដណ្ដើមយកមកវិញនូវចង្វាក់ប្រកួតដ៏ធំរបស់ខ្លួនបន្ទាប់ពីបានស្ថិតក្នុងគ្រោះថ្នាក់នៃការជំរុញការប្រកួតឱ្យដល់៣សិតចំនួន២លើក ដោយបានយកឈ្នះនាងប៉េត្រា គ្វីតូវ៉ា ក្នុងលទ្ធផលពិន្ទុ៧-៥និង៦-១ កាលពីថ្ងៃអង្គារឈានចូលដល់វគ្គពាក់កណ្តាលផ្តាច់ព្រ័ត្រព្រឹត្តិការណ៍វាយកូនបាល់ Sony Open ។
ជ័យជម្នះរយៈពេល៩០នាទីរបស់កីឡាការិនីចំណាត់ថ្នាក់លេខ៤ នៃកម្មវិធីជាតិរុស្ស៊ីរូបនេះទៅលើកីឡាការិនីឆែក ជាមិត្តធ្លាប់ស្គាល់គ្នានៅក្របខ័ណ្ឌធំ Wimbledon គឺការសង្គ្រោះមួយសម្រាប់សារ៉ាប៉ូវ៉ា ដែលធ្លាប់ឈានចូលដល់វគ្គផ្តាច់ព្រ័ត្រនៅទីនេះចំនួន៥លើករួចមកហើយនោះ ។ ពេលនោះវាមានការទំនាក់ទំនងដោយផ្ទាល់ទៅកាន់ហ្វូងអ្នកគាំទ្រ ខណៈរូបនាងកំពុងឈោងចាប់ពាននៅទីនេះជាលើកទី១ ក្នុងអាជីព ។
នាងបាននិយាយថា ៖ «ខ្ញុំបានចាប់ផ្តើមយឺតៗនៅក្នុងសិតទីមួយ ប៉ុន្តែភ្លាមៗនោះ ខ្ញុំទទួលបានថាមពលមកវិញ និងចាប់ផ្តើមបញ្ចេញខ្លាំងនៅសិតទី២ ។ នៅពេលនោះ ការប្រកួតរបស់ខ្ញុំកាន់តែល្អទៅៗ ពោលគឺដូចអ្វីដែលខ្ញុំចង់បាន» ។
សារ៉ាប៉ូវ៉ា ដែលជាម្ចាស់ជើងឯកក្របខ័ណ្ឌធំ៤សម័យកាលបានបំបាក់គូប្រកួតចំនួនបួនដង ពោល គឺក្នុងខណៈដែលនាងគ្វីតូវ៉ាគ្មានលទ្ធភាពធ្វើព្យុះភ្លៀងនៅដំណាក់កាលដំបូង ។ នាងបានថ្លែងថា ៖ «ខ្ញុំធ្វើមិនបានល្អទេនៅ២-៣វគ្គដំបូង ដូច្នេះខ្ញុំសប្បាយចិត្តដែលអាចរក្សាការប្រកួតបាននឹងថ្កល់ ។ លទ្ធផលនៃការប្រកួតនេះគឺជាការលើកទឹកចិត្តមួយ ខណៈពេលចាប់ផ្តើម ខ្ញុំបានធ្វើឱ្យមានកំហុស unforced errors ច្រើនរាប់មិនអស់» ។
សារ៉ាប៉ូវ៉ា ទទួលបានការគោរពដ៏អស្ចារ្យមួយក្នុងនាមជាម្ចាស់ជើងឯកក្របខ័ណ្ឌធំWimbledon ឆ្នាំ២០១១ ពោលគឺបន្ទាប់ពីនាងបង្ហាញពីកម្លាំងគ្រប់គ្រងក្នុងសិតទី២ ។ នាងបានបន្ថែមថា ៖«គ្វីតូវ៉ាធ្លាប់ជាម្ចាស់ជើងឯកក្របខ័ណ្ឌធំម្នាក់ ។ ដូច្នេះយើងមិនអាចមើលស្រាលបុគ្គលដែលមានបទពិសោធន៍ដូចជារូបនាងបានទេ ។ នាងជាបុគ្គលដែលមានសមត្ថភាពប្រកួតបានយ៉ាងល្អឥតខ្ចោះម្នាក់ ហើយខ្ញុំគិតថា គ្រប់ៗគ្នាពិតជាបានដឹងរឿងនេះ» ។
ការឈានចូលដល់វគ្គពាក់កណ្តាលផ្តាច់ព្រ័ត្រលើកនេះគឺបញ្ជាក់ថា សារ៉ាប៉ូវ៉ា មានសមត្ថភាពស្តារឡើងវិញនូវអ្វីដែលនាងធ្វើបាននាឆ្នាំ២០១៣ ដែលពេលនោះនាងបានឈានចូលដល់វគ្គផ្តាច់ព្រ័ត្រ ប៉ុន្តែត្រូវបានបំបាក់ដោយនាងស៊េរីណា វីលៀម ៕
ចែករំលែកព័តមាននេះ