នៅប្រទេសថៃ…អតីតនាយករដ្ឋមន្ត្រីលោកថាក់ស៊ីន ស៊ីណាវ៉ាត្រា…ធ្លាក់ពីមុខតំណែងដោយរដ្ឋប្រហារ…បានសម្ងំរស់នៅក្រៅប្រទេស…ប្រកបមុខរបរនៅក្រៅប្រទេស…មិនបានធ្វើនយោបាយវាយប្រហារប្រទេសរបស់លោកទេ…ទោះបីរដ្ឋអំណាចថ្មីរបស់ថៃរឹបអូសទ្រព្យសម្បត្តិអស់ក៏ដោយ ។
ក្រុមអ្នកតាមដានបានវិភាគថា…លោកថាក់ស៊ីន មិនបានប្រកាសប្រឆាំងសង្គមជាតិថៃរបស់លោកទេ…មិនបានប្រកាសរកអ្នកគាំទ្រឱ្យជួយ «ទប់ជើងគ្រែ» របស់លោកដែលរលំបាក់ទៅហើយនោះទេ…មិនដែលឮប្រកាសផ្តួលរំលំរដ្ឋអំណាចប្រទេសរបស់លោកឡើយ…មិនបានទាមទារកៅអីនាយករដ្ឋមន្ត្រីវិញទេ…ចាត់ទុកជា «មហាបុរស» ដែលគោរពច្បាប់…មិនថោកទាបទាមទារអំណាចមកវិញឡើយ ។
ចំណែកនៅកម្ពុជាឯណេះវិញ…លោកសម រង្ស៊ី ដែលខ្មែរ «មិនខ្មែរ»…រស់នៅក្រៅប្រទេសតាំងពីកំណើត…រត់ចោលស្រុកដោយសារតែមាន «កំហុសធំៗ» មានឈ្មោះថា «ក្បត់ជាតិ»…កំពុងបំផ្លាញកិត្តិយសរបស់ជាតិឯងពីក្រៅប្រទេស…និងកំពុងព្យាយាមស្វែងរកយុទ្ធសាស្ត្រ «ដណ្តើមអំណាច» ពី «មហាបុរសខ្លាំង» តេជោសែន…តាមពិនិត្យសភាពការណ៍បច្ចុប្បន្ន…លោកសម រង្ស៊ី នឹងបាត់បង់ «ជីវិតនយោបាយ»…ព្រោះតែគ្មានអ្នកគាំទ្រ ។
ក្រុមអ្នកសង្កេតការណ៍ទូទៅបានវិភាគថា…លោកសម រង្ស៊ី មានប៉ាស្ព័រ២…មួយសញ្ជាតិខ្មែរ មួយទៀតសញ្ជាតិបារាំង…ប្រៀបដូចខ្លួនមួយក្បាលពីរ…ឬប្រៀបដូច «ខ្លួនមួយជិះទូកពីរ» ។ បើខ្លួនមួយក្បាលពីរ…វាគ្រាន់តែជាមនុស្ស «ពិភពចម្លែក»…ប៉ុន្តែបើ «ខ្លួនមួយជិះទូកពីរ»…ជីវិតនឹងបាត់បង់…វាគង់តែ «ធ្លាក់ទឹក» មិនយូរទេ ។
អ្នកវិភាគមួយក្រុមនិយាយថា…កម្ពុជាជាប្រទេសឯករាជ្យ មានអធិបតេយ្យភាព មាននីតិរដ្ឋ…ឈ្មោះដែលបានប្រព្រឹត្តកំហុសតូច-ធំ…ទោះបីអ្នកឯងជាចិន ជាបារាំង អាមេរិកាំង ឬក៏ធ្លាក់ពីលើមេឃក៏ដោយ…ចៀសមិនរួចពី «ចាប់ខ្លួន»។ ជាពិសេស «មុខសម រង្ស៊ី» ជាដើម…គ្មានអភ័យឯកសិទ្ធិណាមួយ…ថាច្បាប់មិនហ៊ាននោះឡើយ…កុំថា អញសញ្ជាតិបារាំង…កាន់ប៉ាស្ព័របារាំង…ឬអាមេរិកស្ពាយតាម…ខ្មែរអត់ហ៊ានចាប់ ! ពិតជាយល់ច្រឡំធំហើយ ។
ក្រុមអ្នកតាមដានដដែលរង់ចាំកត់សម្គាល់ថ្ងៃ៩ វិច្ឆិកា…ចាំមើលវត្តមានលោកសម រង្ស៊ី ដែល «ជិះទូកពីរ»…តើធ្លាក់ទឹកដែរ ឬអត់? ពិតជា «ធ្លាក់ទឹក» យ៉ាងប្រាកដ…េហ ! េហ !
ចែករំលែកព័តមាននេះ