រាជធានីភ្នំពេញ ៖ ស្រ្តីចំណាស់ ជនជាតិវៀតណាមម្នាក់ បាត់កូនស្រីរយៈពេល២ថ្ងៃ ហើយមិនទៅណានិងមិនទាន់ឃើញវិលត្រឡប់ ទៅផ្ទះវិញ ធ្វើឲ្យគាត់មានការព្រួយ បារម្ភយ៉ាងខ្លាំងនិងបាន ដើរស្វែងរក គ្រប់ទីកន្លែង នៅតែមិនបានឃើញទៀត ទើបគាត់ព្យាយាម តាមរករហូត ដល់សាលា សង្កាត់ចោមចៅ និងបានសាកសួរ មន្រ្តីនៅទីនោះ ពីភិនភាគកូនស្រី ប៉ុន្តែមិន
រាជធានីភ្នំពេញ ៖ ស្រ្តីចំណាស់ ជនជាតិវៀតណាមម្នាក់ បាត់កូនស្រីរយៈពេល២ថ្ងៃ ហើយមិនទៅណានិងមិនទាន់ឃើញវិលត្រឡប់ ទៅផ្ទះវិញ ធ្វើឲ្យគាត់មានការព្រួយ បារម្ភយ៉ាងខ្លាំងនិងបាន ដើរស្វែងរក គ្រប់ទីកន្លែង នៅតែមិនបានឃើញទៀត ទើបគាត់ព្យាយាម តាមរករហូត ដល់សាលា សង្កាត់ចោមចៅ និងបានសាកសួរ មន្រ្តីនៅទីនោះ ពីភិនភាគកូនស្រី ប៉ុន្តែមិនមានមន្រ្តីណាម្នាក់ បានស្គាល់នោះ ឡើយ ហើយស្រ្តីរូបនោះ បានត្រឹមតែ បង្ហូរទឹកភ្នែកសោកា ប៉ុណ្ណោះព្រោះកន្លង មកធ្លាប់បាត់ម្ដងហើយ បានតាមរកឃើញ នៅក្នុងសាលា សង្កាត់ចោមចៅនោះ ទើបពេលនេះ គាត់បានតាមទៅរកទីនោះទៀត។
ហេតុការណ៏នោះបានកើតឡើង កាលពីវេលាល្ងាច ថ្ងៃទី២៤ ខែមីនា ឆ្នាំ២០១៤ នៅក្នុងសាលា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ ស្រ្តីចំណាស់ខាងលើ នោះឈ្មោះ យ៉ាំង ហុកងឿង អាយុ៥៣ឆ្នាំ ស្នាក់នៅក្នុងសង្កាត់បឹងសាឡាង ខណ្ឌទួលគោក ចំណែកឯកូនស្រី ដែលបានបាត់ខ្លួន មិនដឹងមូលហេតុនោះ ឈ្មោះយ៉ ធីម៉ឺយ អាយុ១៨ឆ្នាំ មុខរបរលក់កាហ្វេ នៅម្ដុំផ្សារអូស្សី ខណ្ឌ៧មករា ។
ស្រ្តីចំណាស់ ជនជាតិវៀតណាមម្នាក់នោះ បាននិយាយភាសាខ្មែរប៉ៃឡាំៗប្រាប់ឲ្យគេដឹងថា កូនស្រីរបស់គាត់បាន ស្នាក់នៅក្នុងហាងកាហ្វេ របស់អ៊ំស្រីនាង នៅម្ដុំផ្សារអូរឫស្សី ហើយនាងបានបាត់ ខ្លួនកាលពីវេលាល្ងាច ថ្ងៃទី២២ ខែមីនា ឆ្នាំ២០១៤មិនដឹងថា ទៅទីណាឡើយ សូម្បីតែអ៊ំស្រីរបស់គេ ក៍មិនបានប្រាប់ឲ្យដឹងដែរ ដែលប្រការនោះបានធ្វើឲ្យគាត់ មានការព្រួយបារម្ភយ៉ាងខ្លាំង។
បន្ទាប់មក បានដើររកគ្រប់ទីកន្លែង ប៉ុន្តែមិនបានប្រទះឃើញនោះឡើយ ហើយដោយ សារកន្លងមក កូនស្រីកាត់ធ្លាប់បាត់ ម្ដងហើយនិងបានរកឃើញ នៅក្នុងសាលា សង្កាត់ចោមចៅនោះ ទើបពេលនេះគាត់បានទៅរកនៅទីនោះម្ដងទៀត ប៉ុន្តែមិន បានឃើញឡើយនិងមិនដឹងថាកូនស្រីទៅកន្លែងណាទេ ហើយមានសេចក្ដីសុខ ឬទុក្ខយ៉ាងណាឡើយ ពិតជាគួរឲ្យព្រួយបារម្ភ បំផុត ពេលនេះបើបងប្អូនណា បានឃើញសូមមេត្តាជួយផ្ដល់ដំណឹងផង។
ចែករំលែកព័តមាននេះ