ស្ករក្នុងឈាមគឺជាថាមពលមួួយផ្នែកដែលរាងកាយត្រូវការចាំបាច់ដើម្បីបំពេញមុខងារសំខាន់ៗរបស់ខ្លួន ។ នៅពេលក្នុងចរន្តឈាមរបស់លោកអ្នកមិនមានស្ករគ្រប់គ្រាន់ នោះមានន័យថា អ្នកខ្វះស្ករ ។ ផ្ទុយមកវិញ នៅពេលរាងកាយលោកអ្នកមានស្ករច្រើនគឺកំណត់ថា លើសស្ករ ។ ក្នុងករណីមិនព្យាបាលឱ្យបានត្រឹមត្រូវ លក្ខខណ្ឌទាំង២នេះ(លើសនិងខ្វះស្ករ)អាចបណ្តាលឱ្យមានបញ្ហាស្មុគស្មាញដល់សុខភាពជាទូទៅ ។
ស្ករក្នុងឈាមគឺជាថាមពលមួួយផ្នែកដែលរាងកាយត្រូវការចាំបាច់ដើម្បីបំពេញមុខងារសំខាន់ៗរបស់ខ្លួន ។ នៅពេលក្នុងចរន្តឈាមរបស់លោកអ្នកមិនមានស្ករគ្រប់គ្រាន់ នោះមានន័យថា អ្នកខ្វះស្ករ ។ ផ្ទុយមកវិញ នៅពេលរាងកាយលោកអ្នកមានស្ករច្រើនគឺកំណត់ថា លើសស្ករ ។ ក្នុងករណីមិនព្យាបាលឱ្យបានត្រឹមត្រូវ លក្ខខណ្ឌទាំង២នេះ(លើសនិងខ្វះស្ករ)អាចបណ្តាលឱ្យមានបញ្ហាស្មុគស្មាញដល់សុខភាពជាទូទៅ ។
+កម្រិតធម្មតាស្ករក្នុងឈាមសម្រាប់អ្នកដែលមិនមានជំងឺទឹកនោមផ្អែម ៖
-មុនទទួលទានអាហារពី៧០-១១០mg
-ក្រោយការទទួលទានអាហារពី៧០-១៤០mg
+កម្រិតធម្មតាស្ករក្នុងឈាមសម្រាប់អ្នកកើតជំងឺទឹកនោមផ្អែម ៖
-មុនពេលអាហារ ពី ៩០-១៣០mg
-ក្រោយអាហារ១ទៅ២ម៉ោង ក្រោម ១៨០ mg ។
១- ជំងឺខ្វះស្ករ ៖
+ជំងឺនេះកើតមាននៅពេលដែលកម្រិតស្ករក្នុងឈាមធ្លាក់ក្រោម ៧០mg/dL ។ រោគសញ្ញារបស់វារួមមាន ៖
-ឃ្លាន
-ញ័រនិងភ័យ
-បែកញើសស្អិតៗ
-វិលមុខឬឈឺក្បាលតិចៗ
-ងងុយដេក និងខ្សោយ ។ល។
+មូលហេតុដែលនាំឱ្យខ្វះស្ករ ៖
-មិនទទួលទានអាហារ ឬទទួលទានដែរ ប៉ុន្តែតិចតួច
-ប្រើថ្នាំព្យាបាលជំងឺទឹកនោមផ្អែមឬចាក់អាំងស៊ុយលីនច្រើនជ្រុល
-ហាត់ប្រាណច្រើនហួសឬធ្វើសកម្មភាពរាងកាយលើសកម្លាំង
– ទទួលទានគ្រឿងស្រវឹងលើសកម្រិត
+វិធីបង្ការការខ្វះស្ករ មានវិធីជាច្រើនដែលអ្នកអាចជៀសវាងការខ្វះស្ករក្នុងនោះមាន ៖
– សម្រាប់អ្នកជំងឺទឹកនោមផ្អែម គួរលេបថ្នាំតាមវេជ្ជបញ្ជា តាមពេលវេលានិងកម្រិតត្រឹមត្រូវ ។
– ទទួលទានអាហារឱ្យបានទៀងទាត់៣ពេលក្នុងមួយថ្ងៃ ។ មិនត្រូវគេចវេះការទទួលទានអាហារហើយជំនួសដោយអាហារសម្រន់នោះឡើយ ។
– គួររក្សាអាហារសម្រន់ដែលផ្តល់នូវសុខភាពនៅក្បែរដៃ ជាពិសេសក្នុងពេលធ្វើការងារធ្ងន់ដែលប្រើកម្លាំងច្រើន ។
– ចូរប្រយ័ត្នចំពោះការទទួលទានគ្រឿងស្រវឹង ជាពិសេសការទទួលទានអំឡុងពេលក្រពះទទេ ។ ត្រូវចងចាំថា គ្រឿងស្រវឹងអាចធ្វើឱ្យអ្នកខ្វះស្កររហូតដល់២ថ្ងៃក្រោយ ។
ក្នុងករណី ការខ្វះមានកម្រិតធ្ងន់ធ្ងរ អ្នកជំងឺអាចនឹងសន្លប់ ។
២- ជំងឺលើសស្ករ ៖
+លើសស្ករអាចសម្គាល់ដោយរោគសញ្ញាមួួយចំនួនដូចជាខាងក្រោម ៖
– បត់ជើងតូចញឹកញាប់
– បង្កើនការស្រេកទឹក
– ស្រវាំងភ្នែក
– អស់កម្លាំង
– ឈឺក្បាល
+មូលហេតុដែលនាំឱ្យលើសស្ករ ៖
– រាងកាយគ្មានសកម្មភាព
– មានជំងឺបង្កដោយវីរុសឬបាក់តេរី
– មានរបួសឬវះកាត់
– ជួបបញ្ហាតានតឹងផ្លូវចិត្តខ្លាំង (stress)។ ជំងឺឬ stress អាចបណ្តាលឱ្យស្ករក្នុងឈាមឡើងខ្ពស់ ពីព្រោះ បណ្តាអ័រម៉ូនដែលត្រូវបានផលិតប្រឆាំងនឹង stressក៏ដូចជា ជំងឺផ្សេងៗនោះក៏អាចធ្វើឱ្យស្ករឡើងខ្ពស់បានដែរ ៕
ចែករំលែកព័តមាននេះ