ខេត្តមណ្ឌលគិរី៖ បើតាមសេចក្តីរាយការណ៍បឋមបានឱ្យដឹងថា គិតត្រឹមម៉ោង១០និង៤៤នាទីព្រឹក ថ្ងៃទី០៩ ខែកញ្ញា ឆ្នាំ២០១៩នេះ បានឲ្យដឹងថា ជនសង្ស័យម្នាក់ជាប្រពន្ធត្រូវបានសមត្ថកិច្ចខេត្តមណ្ឌលគិរីចាប់ខ្លួនបន្ទាប់ពីមានករណីឃាតកម្មលើគ្រួសារកសិករ បណ្តាលឲ្យស្លាប់ទាំងប្តីនិងប្រពន្ឋ កាលពីល្ងាចថ្ងៃទី០៧ ខែកញ្ញា ចំណែកបុរសជាប្តីដែលជាប់ពាក់ព័ន្ធសមត្ថកិច្ចកំពុងស្រាវជ្រាវចាប់ខ្លួន។
សេចក្តីរាយការណ៍បន្តថា សពជនរងគ្រោះមានឈ្មោះ រ៉ា ហៅ ម៉ៅ អាយុ៣៧ឆ្នាំ ជាប្ដី ប្រពន្ធមានឈ្មោះ អុល អាយុ៣៣ឆ្នាំ។ សពអ្នកទាំង២នាក់ជាជនជាតិខ្មែរ ហើយទើបមកពីខេត្តកំពង់ធំ ធ្វើចំការនៅចំណុចខាងលើបាន៩ខែ មានកូនតូចៗ៣នាក់ ដោយកូនប្រុសច្បងអាយុ៧ឆ្នាំ កូនទី២ស្រីអាយុ៥ឆ្នាំ និងប្អូនទី៣ស្រី អាយុ៤ឆ្នាំ។ ចំណែកជនសង្ស័យឈ្មោះ យាយ អាន ភេទស្រី មុខរបរកសិករ ស្នាក់នៅកន្លែងកើតហេតុខាងលើ រីឯបុរសជាប្តីដែលជាប់ពាក់ព័ន្ធករណីឃាតកម្មនេះកំពុងរត់គេចខ្លួន។
មេបញ្ជាការអាវុធហត្ថស្រុកកូនមុំ បានឲ្យដឹងថា បើតាមការឲ្យដឹងពីអ្នកជិតខាងថាក្រុមគ្រួសារទាំ២ខាងលើនេះគឺទំនាស់ទាស់គ្នាជាច្រើនលើកច្រើនសារមកហើយ ព្រោះតែរឿងដី ដែលជនដៃដល់បានឲ្យទៅជនរងគ្រោះ។ ក្រោយមកក្រុមគ្រួសារអ្នកទាំងពីរក៏មានទំនាស់នឹងគ្នា ហើយជនដៃដល់មកទាមទារយកដីមកវិញ តែខាងជនរងគ្រោះមិនព្រមឲ្យ ។
ប្រភពដដែលបន្តថា លុះដល់ថ្ងៃកើតហេតុ ជនរងគ្រោះរួមទាំងអ្នកជិតខាងបានចាក់ធុងបាសផឹកស្រា មានគ្នា៥ទៅ៦នាក់តាំងពីម៉ោងប្រមាណជាង៣រសៀលរហូតដល់ម៉ោង៧យប់ទើបឈប់។ នៅពេលអ្នកជិតខាង បំបែកគ្នាទៅផ្ទះវិញនោះ ជនដៃដល់ក៏មកស្ទាក់តាមផ្លូវរករឿងឈ្លោះគ្នា រឿងចាក់ធុងបាស់ ហើយជនរងគ្រោះឮដូច្នោះក៏ចេញពីផ្ទះទាំង២នាក់ប្ដីប្រពន្ធទៅសួរនាំ ស្រាប់តែត្រូវខ្មាន់កាំភ្លើងទាំង២នាក់ប្ដីប្រពន្ធនោះ បាញ់ប្រហារទៅលើប្ដីប្រពន្ធជនរងគ្រោះ បណ្ដាលឲ្យស្លាប់ភ្លាមៗនៅនឹងកន្លែងតែម្តង។
ប្រភពបានបញ្ជាក់ថា ខ្មាន់កាំភ្លើងបាញ់ប្រហារជាប្រពន្ធ ត្រូវសមត្ថកិច្ចស្រុកកោះញែក ខេត្តមណ្ឌលគិរី ចាប់ខ្លួនប្រពន្ធបបានហើយ នៅឡើយតែប្ដីសមត្ថកិច្ចកំពុងស្រាវជ្រាវតាមចាប់ខ្លួន។
គួររំលឹកថា ពេលនេះ ខ្មាន់កាំភ្លើងបាញ់សម្លាប់២នាក់ប្តីប្រពន្ធ ត្រូវបានវែកមុខហើយ ។
គួររំលឹកទៀតថា មុននេះបន្តិចផ្អើល ករណីប្តីប្រពន្ធ១គូត្រូវខ្មាន់កាំភ្លើងបាញ់យ៉ាងសាហាវ។ (កែសម្រួលដោយ ៖ បុប្ផា)
ចែករំលែកព័តមាននេះ