ខេត្តមណ្ឌលគិរី ៖ បើសេចក្តីរាយការណ៍បឋមបានឲ្យដឹងថា ប្តីប្រពន្ធមួយគូត្រូវបានខ្មាន់កាំភ្លើងបាញ់សម្លាប់ បណ្តាលឱ្យស្លាប់យ៉ាងអាណោចអាធ័មនៅនឹងកន្លែងកើតហេតុ រួចខ្មាន់បានរត់គេចខ្លួនបាត់ កាលពីល្ងាចថ្ងៃទី៧ ខែកញ្ញា ឆ្នាំ 2019…
ខេត្តមណ្ឌលគិរី ៖ បើសេចក្តីរាយការណ៍បឋមបានឲ្យដឹងថា ប្តីប្រពន្ធមួយគូត្រូវបានខ្មាន់កាំភ្លើងបាញ់សម្លាប់ បណ្តាលឱ្យស្លាប់យ៉ាងអាណោចអាធ័មនៅនឹងកន្លែងកើតហេតុ រួចខ្មាន់បានរត់គេចខ្លួនបាត់ កាលពីល្ងាចថ្ងៃទី៧ ខែកញ្ញា ឆ្នាំ 2019 ស្ថិតនៅក្នុងភូមិសាស្ត្រចំណុចព្រៃខៀវ ភូមិរវ៉ាក់ ឃុំរយ៉ ស្រុកកោះញែក។
បើតាមសមត្ថកិច្ចបានឱ្យដឹងថា ជនរងគ្រោះខាងលើឈ្មោះ រ៉ា ហៅម៉ៅ ភេទប្រុស អាយុ៣៧ឆ្នាំ មុខរបកសិករ ស្នាក់នៅបណ្ដោះអាសន្ននៅចំណុចភូមិ-ឃុំកើតហេតុខាងលើ ត្រូវជាប្ដី ហើយត្រូវជនសង្ស័យបាញ់ចំនួន១គ្រាប់ត្រូវចំក្រោមដោះខាងឆ្វេងធ្លាយចេញមកក្រោមក្លៀកខាងស្ដាំ បណ្ដាលឱ្យស្លាប់នៅនឹងកន្លែង ។
ប្រភពដដែលបន្តថា ចំណែកជនរងគ្រោះម្នាក់ទៀតឈ្មោះ អាន អុល ភេទស្រី អាយុ៣៤ឆ្នាំ មុខរបរកសិករ ត្រូវជាប្រពន្ធ ហើយត្រូវជនសង្ស័យបាញ់២គ្រាប់ ដោយគ្រាប់ទី១ត្រូវចំពីលើចង្កេះឆ្វេងផ្នែកខាងក្រោយចេញមកក្រោមដោះក្បែរចុងដង្ហើមផ្នែកខាងឆ្វេង និងគ្រាប់ទី២ ត្រូវចំគល់ដោះខាងឆ្វេងផ្នែកខាងក្រោមចេញមកខាងលើចុងដោះខាងឆ្វេង បណ្ដាលឱ្យស្លាប់នៅតាមផ្លូវ ខណៈពេលដឹកយកទៅសង្គ្រោះបន្ទាន់នៅមន្ទីរពេទ្យ ។
សេចក្តីរាយការណ៍បន្តថា ពាក់ព័ន្ធករណីនេះត្រូវបានគេដាក់ការសង្ស័យថា អាចជារឿងទំនាស់ដីធ្លី។
ក្រោយពេលកើតហេតុ គឺម៉ោង8និង20នាទីព្រឹក ថ្ងៃទី៨ ខែកញ្ញានេះ សមត្ថកិច្ចបានធ្វើកំណត់លើមុខសញ្ញាជនដៃដល់រួចហើយ និងកំពុងបន្តធ្វើការតាមនីតិវិធី ដើម្បីនាំខ្លួនជនសង្ស័យមកដាក់ទោសតាមច្បាប់។ (កែសម្រួលដោយ ៖ បុប្ផា)
ចែករំលែកព័តមាននេះ