រាជធានីភ្នំពេញ ៖ កោះសន្ដិភាពបានទទួលអ៊ីម៉ែលពី ប្រិយមិត្ដអ្នកអានមួយរូប គឺលោកឈាង ភិរម្យ ដោយភ្ជាប់មកនូវរូបមេអំបៅទំលើ ធ្នឹមផ្ទះដោយលោកហៅថា ជាមេអំបៅ អច្ឆរិយមានទំហំ១៣x១៧សង្ទីម៉ែត្រ។ ទោះ បីជាបែបណាក្ដីលោកបានបង្ហាញយ៉ាងច្បាស់ ពីចំណុចកត់សំគាល់ដោយមានគូសជាសញា ព្រួញ និងដាក់លេខចំណាំ ហើយបង្ហាញថា លើស្លាបមេអំបៅសងខាង លេខ១ គឺមាន
រាជធានីភ្នំពេញ ៖ កោះសន្ដិភាពបានទទួលអ៊ីម៉ែលពី ប្រិយមិត្ដអ្នកអានមួយរូប គឺលោកឈាង ភិរម្យ ដោយភ្ជាប់មកនូវរូបមេអំបៅទំលើ ធ្នឹមផ្ទះដោយលោកហៅថា ជាមេអំបៅ អច្ឆរិយមានទំហំ១៣x១៧សង្ទីម៉ែត្រ។ ទោះ បីជាបែបណាក្ដីលោកបានបង្ហាញយ៉ាងច្បាស់ ពីចំណុចកត់សំគាល់ដោយមានគូសជាសញា ព្រួញ និងដាក់លេខចំណាំ ហើយបង្ហាញថា លើស្លាបមេអំបៅសងខាង លេខ១ គឺមាន សណ្ឋានជាក្បាលពស់ លេខ២ គឺជាម្រាមដៃ ទាំង៥ត្រកងក្បាលពស់លេខ៣ ជាកំភួនដៃ និងលេខ៤ ជាដើមដៃ។
តាមព័ត៌មានដែលទទួលបានពីលោក ឈាង ភិរម្យ ឱ្យដឹងថា មេអំបៅដែលមាន ស្លាបបង្ហាញពីក្បាលពស់ និងដៃមនុស្សនេះ ជួបប្រទះកាលពីថ្ងៃទី២៣ មករា កន្លងមក គឺចំថ្ងៃបុណ្យសពលោកតា“មុត” នៅភូមិ កោះរះលើ ឃុំកោះរះលើ ស្រុកល្វាឯម ខេត្ដ កណ្ដាល។ ការពិតមេអំបៅនេះបានបង្ហាញ ខ្លួនតាំងពីថ្ងៃទី២១ មករា មកម្ល៉េះ តែគ្រប់គ្នា ស្មានថាជាមេអំបៅជ័រដោយសារតែរូប រំលេចលើស្លាបមានសណ្ឋានដូចក្បាលពស់ និងដៃរបស់មនុស្ស។ នៅថ្ងៃទី២១ មករា ជាថ្ងៃសូត្រមន្ដដំបូងនៃពិធីបុណ្យសពលោក តាមុត ដែលបានធ្វើមរណកាលក្នុងជន្មាយុ ៩២ឆ្នាំ រហូតដល់ថ្ងៃទី២២ មករា គ្រប់គ្នា នៅតែឃើញមេអំបៅនេះទំលើធ្នឹមចំពីលើ សព តែអត់មានការចាប់អារម្មណ៍ទេ ពិសេស តាអាចារ្យដែលកំពុងចាត់ចែងក្នុងពិធីបុណ្យ ទៅតាមទំនៀមទំលាប់ព្រះពុទ្ធសាសនា ។
លុះមកដល់ថ្ងៃទី២៣ មករា ទើបមានការ ភ្ញាក់ផ្អើលគ្រប់គ្នាដែលជាវេលាព្រឹកថ្ងៃ បង្ហើយពិធីបុណ្យ។តាមលោកឈាង ភិរម្យ និយាយថាប្អូន ថ្លៃប្រុសរបស់លោក (កូនម្ចាស់ផ្ទះ)ក៏បាន ឃើញ ហើយនាំគ្នាផ្អើលទៅមើលយ៉ាងច្រើន ព្រមទាំងបានថតរូបតាមទូរស័ព្ទគ្រប់គ្នា ។ទោះបីជាមនុស្សម្នានាំគ្នាឡើងលើផ្ទះទៅ មើលច្រើនគ្នាក៏ដោយ ក៏មិនបានធ្វើឱ្យមេ អំបៅនេះភ្ញាក់ផ្អើលឡើយ។ពេលនោះ លោកតាអាចារ្យបានយកក្រមាបក់ ព្រោះ គាត់មានមន្ទិលថា មិនមែនជាមេអំបៅពិត ទេ តែជាមេអំបៅជ័រស្រាប់តែវាហើរចេញ តាមបង្អួចទៅទំលើផ្ទះបាយប្រជាពលរដ្ឋ ម្នាក់ទៀតនៅក្បែរផ្ទះបុណ្យដែលលោក ឈាង ភិរម្យ ប្រាប់ថា ជាផ្ទះឪពុកមារបស់ លោក។
លោកឈាង ភិរម្យ បន្ដថា ក្រោយពីដឹង ថាជាមេអំបៅចំលែកមិនធ្លាប់ជួបប្រទះ មនុស្សម្នាភ្ញាក់ផ្អើលនាំគ្នាទៅតាមមើល។ការប៉ុនប៉ងចាប់មេអំបៅនេះមិនបានសំរេច ឡើយ និងគួរឱ្យស្ដាយ ព្រោះវាមិនបានទំលើ ផ្ទះទៀតទេ គឺបានហើរចេញទៅបាត់ដោយ បន្សល់ទុកចម្ងល់ពីស្លាបរបស់វាដែលមាន សណ្ឋានដូចក្បាលពស់ និងដៃមនុស្ស តើវា ជាការចៃដន្យនៃធម្មជាតិ ឬយ៉ាងណា? គ្មាន ចំលើយទេ ហើយមេអំបៅនេះក៏មិនដឹងថា វិវត្ដខ្លួនមកពីដង្កូវ ឬយ៉ាងណានោះទេ៕
ចែករំលែកព័តមាននេះ