Barcelona យក Neymar មិនបានបង្វែរគោលដៅតាមយកកីឡាករកង់សាគួរវិញ
តាមប្រភពព័ត៌មាន The Sun បានឱ្យដឹងថា ក្លិបអ្នកមានបុណ្យ ត្រូវបានគេរាយការណ៍ប្រាប់មកថា មានការចាប់អារម្មណ៍ជាមួយនឹងកីឡាករ Lucas Moura តែត្រូវខកចិត្តវិញ…
តាមប្រភពព័ត៌មាន The Sun បានឱ្យដឹងថា ក្លិបអ្នកមានបុណ្យ ត្រូវបានគេរាយការណ៍ប្រាប់មកថា មានការចាប់អារម្មណ៍ជាមួយនឹងកីឡាករ Lucas Moura តែត្រូវខកចិត្តវិញ…
តាមប្រភពព័ត៌មាន The Sun បានឱ្យដឹងថា ក្លិបអ្នកមានបុណ្យ ត្រូវបានគេរាយការណ៍ប្រាប់មកថា មានការចាប់អារម្មណ៍ជាមួយនឹងកីឡាករ Lucas Moura តែត្រូវខកចិត្តវិញ ព្រោះខាង Tottenham ទារតម្លៃដល់ទៅ៤៥លានផោនចំពោះការទិញកីឡាករមួយណាក៏ដោយ ។ ក្លិបយក្សអេស្ប៉ាញបានឃើញកីឡាករនេះថា ជាជម្រើសទីពីរ ក្រោយពីទិញយក Neymar មិនបានពីក្លិបអ្នកមានបុណ្យបារាំង ។
សារព័ត៌មាន Mundo Deportivo បានផ្សាយថា Barca សម្រេចដកចិត្តវិញ ព្រោះតែយល់ថានេះមិនមែនជាការទិញដូរល្អនោះទេ ។ កីឡាករ Lucas អាយុ២៧ឆ្នាំ ត្រូវបានលក់ដោយក្លិប PSG កាលពីខែមករា ឆ្នាំ២០១៨ ក្នុងតម្លៃ២៥លានផោន ក្រោយពីក្លិបបារាំងទិញយក Neymar ពីក្លិប Barcelona បាន៥ខែ ។
Neymar មានបំណងចង់មកលេងនៅក្លិបអេស្ប៉ាញវិញយ៉ាងខ្លាំង ដល់ថ្នាក់មានសារព័ត៌មានខ្លះចុះផ្សាយថា Neymar សុខចិត្តយកលុយខ្លួនឯងបន្ថែមដាក់ឱ្យគ្រប់ថ្លៃផ្តាច់កុងត្រាទៀតផង។ តែក្រោយមក អ្វីៗមិនទៅតាមការចង់បានរបស់ Neymar ទេ ដោយសារតែពេលនេះគេត្រូវនៅលេងឱ្យ PSG យ៉ាងតិចណាស់ដល់ខែមករាឆ្នាំក្រោយ។
គួរបញ្ជាក់ផងដែរថា មកដល់ពេលនេះ Lucas ក៏មិនទាន់ទៅណាកើតដែរ ដោយសារតែកុងត្រារបស់គេជាមួយនឹង Tottenham មានរយៈពេលដល់ទៅ៥ឆ្នាំ ដែលតម្រូវឱ្យគេនៅលេងដល់ឆ្នាំ២០២៤។ បើចង់ចេញ តម្លៃខ្លួនរបស់គេក៏ត្រូវថ្លៃដល់ទៅ៤៥លានផោន ដែល Barcelona មិនអាចជះលុយបានឡើយ ព្រោះតែគេបានទិញ Antoine Griezmann ក្នុងតម្លៃ១០៧.៦លានផោនរួចទៅហើយ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ