រាជធានីភ្នំពេញ ៖ ការប្រកួតប្រដាល់កំពូលអ្នកប្រយុទ្ធគុនខ្មែរវគ្គ២នៅលើសង្វៀន CTN ថ្ងៃអាទិត្យទី១៦ មីនា ខាងមុខនេះឈានចូលដល់វគ្គបញ្ចប់ជម្រុះវិលជុំជាបណ្ដើរៗហើយ ។ នៅសប្ដាហ៍នេះកីឡាករដែលជាបេក្ខភាពដណ្ដើមខ្សែក្រវាត់មានតែ៤គូប៉ុណ្ណោះ ក្នុងចំណោម៥គូដែលត្រូវឡើងរេញប្រកួតគ្នា ។
រាជធានីភ្នំពេញ ៖ ការប្រកួតប្រដាល់កំពូលអ្នកប្រយុទ្ធគុនខ្មែរវគ្គ២នៅលើសង្វៀន CTN ថ្ងៃអាទិត្យទី១៦ មីនា ខាងមុខនេះឈានចូលដល់វគ្គបញ្ចប់ជម្រុះវិលជុំជាបណ្ដើរៗហើយ ។ នៅសប្ដាហ៍នេះកីឡាករដែលជាបេក្ខភាពដណ្ដើមខ្សែក្រវាត់មានតែ៤គូប៉ុណ្ណោះ ក្នុងចំណោម៥គូដែលត្រូវឡើងរេញប្រកួតគ្នា ។ ប្រភេទទម្ងន់៦៥គីឡូក្រាមមានមួយគូ គឺជាការជួបគ្នារវាងអ្នកឈ្នះ និងអ្នកឈ្នះកាលពីវគ្គមុនគឺកីឡាករមាស ម៉ើ មកពីក្លិបបញ្ជាការដ្ឋានកងទ័ពជើងគោក ជួបជាមួយកីឡាកររិន សារដ្ឋ មកពីខេត្ដព្រៃវែង ។
មាស ម៉ើ ប្រកួតបាន៦លើក មិនទាន់ស្គាល់ចាញ់ម្ដងណាឡើយ ។ ចំណែកឯរិន សារដ្ឋ ប្រកួតបាន៥លើកឈ្នះទាំង៥លើក ដូច្នេះគូនេះបានឡើងទៅប្រកួតនៅវគ្គពាក់កណ្ដាលផ្ដាច់ព្រ័ត្រដោយស្វ័យប្រវត្ដិ ទោះជាចាញ់ ឬឈ្នះក៏ដោយ ។ ប្រភេទទម្ងន់៦០គីឡូក្រាមដែលមាន១គូដែរនោះ គឺជាការជួបគ្នារវាងកីឡាករឈាន ហំ មកពីក្លិបមជ្ឈមណ្ឌលកីឡានៃកងយោធពលខេមរភូមិន្ទ និងកីឡាករអៀង អាន មកពីក្លិបរស្មីកុមារកំព្រា ។ រវាងគូនេះប្រកួតគ្នាដើម្បីបង្គ្រប់កិច្ចតែប៉ុណ្ណោះ ព្រោះអីការប្រកួតទាំង៦លើករបស់ពួកគេកន្លងមកនេះអត់ដែលស្គាល់ឈ្នះម្ដងណាឡើយ ដូច្នេះមានតែផ្លូវហាលខោប៉ុណ្ណោះ ។ ប្រភេទទម្ងន់៥៧គីឡូក្រាមដែលមានចំនួន២គូនោះគឺឈុំ បញ្ញា មកពីក្លិបខេមរភូមិន្ទមានឫទ្ធិ ជួបជាមួយឡាញ់ ផល្លា មកពីក្លិបអេភូថងកីឡា ខណៈស៊ឹម ប៊ុនស្រ៊ន់ មកពីក្លិបខេត្ដកំពង់ចាម ជួបជាមួយរឿង ដេត មកពីក្លិបសំរោងកោងកីឡាខេត្ដបាត់ដំបង ។
រវាងឈុំ បញ្ញា និងឡាញ់ ផល្លា ប្រកួតគ្នាលើកនេះធ្វើឡើងដើម្បីបង្គ្រប់កិច្ចច្រើនជាង ព្រោះឈុំ បញ្ញា ប្រកួតបាន៥លើក ចាញ់ទាំង៥លើក រីឯឡាញ់ ផល្លា ប្រកួតបាន៤លើក ចាញ់ទាំង៤លើក ។ ដោយឡែកស៊ឹម ប៊ុនស្រ៊ន់ និងរឿង ដេត វិញនោះ អាចនៅមានផ្លូវអ៊ុតខ្លះ ។ ស៊ឹម ប៊ុនស្រ៊ន់ ប្រកួតបាន៥លើក ឈ្នះ៣ ចាញ់២ ឯរឿង ដេត ប្រកួតបាន៦លើក ឈ្នះ៣ ចាញ់៣ ដូច្នេះលើកនេះ បើនរណាឈ្នះនឹងមានសង្ឃឹមច្រើនបានឡើងទៅប្រកួតនៅវគ្គពាក់កណ្ដាលផ្ដាច់ព្រ័ត្រជាបន្ដទៀត ។ ចំណែកគូប្រកួតមិត្ដភាពវិញនោះគឺ សំអាង ឌុន មកពីក្លិបអេភូថងកីឡា ជួបជាមួយវ៉ន សាវី មកពីក្លិបឃ្លាំងមឿងកីឡាខេត្ដពោធិ៍សាត់ ៕
ចែករំលែកព័តមាននេះ