ខេត្តកំពង់ឆ្នាំង ៖ យុវជនម្នាក់រងរបួសធ្ងរដោយគ្រូពេទ្យប្រាប់ថា មានសង្ឃឹមតិចតួចណាស់ បន្ទាប់ពីយុវជនរូបនោះបានជិះម៉ូតូយ៉ាងលឿនទៅបុកនឹងកន្ទុយរថយន្តធំមួយគ្រឿង ខណៈពេលបត់កាត់ទទឹងថ្នល់ជាតិ កាលពីវេលាម៉ោង៧ និង៣០នាទីយប់ថ្ងៃទី១៣ មីនា ២០១៣ ស្ថិតនៅលើកំណាត់ផ្លូវជាតិលេខ៥មុខផ្សាពង្រ ក្នុងភូមិថ្មី ឃុំពង្រ ស្រុករលាប្អៀរ ។
ខេត្តកំពង់ឆ្នាំង ៖ យុវជនម្នាក់រងរបួសធ្ងរដោយគ្រូពេទ្យប្រាប់ថា មានសង្ឃឹមតិចតួចណាស់ បន្ទាប់ពីយុវជនរូបនោះបានជិះម៉ូតូយ៉ាងលឿនទៅបុកនឹងកន្ទុយរថយន្តធំមួយគ្រឿង ខណៈពេលបត់កាត់ទទឹងថ្នល់ជាតិ កាលពីវេលាម៉ោង៧ និង៣០នាទីយប់ថ្ងៃទី១៣ មីនា ២០១៣ ស្ថិតនៅលើកំណាត់ផ្លូវជាតិលេខ៥មុខផ្សាពង្រ ក្នុងភូមិថ្មី ឃុំពង្រ ស្រុករលាប្អៀរ ។
ប្រភពបានឱ្យដឹងថា ជនរងគ្រោះត្រូវបានស្គាល់ឈ្មោះហែម វ៉ាន់ថា អាយុ១៧ឆ្នាំ មានទីលំនៅក្នុងភូមិចំការឃ្លៃ ឃុំស្វាយជ្រុំ ស្រុករលាប្អៀរ ។
បើតាមមន្ត្រីប៉ូលិសការិយាល័យចរាចរណ៍ផ្លូវគោកបានឱ្យដឹងថា មុនពេលកើតហេតុ មានរថយន្តមួយគ្រឿងម៉ាកហ៊ីយ៉ាន់ដាយ ចំណុះ២តោនកន្លះ ពណ៌ខៀវ ពាក់ស្លាកលេខកំពង់ចាម 3A-0956 បើកបរដោយជនពុំស្គាល់ឈ្មោះ បានបើកពីត្បូងទៅជើង តាមបណ្តោយផ្លូវជាតិ លុះពេលមកដល់ចំណុចកើតហេតុ រថយន្តខាងលើបានបត់ឆ្វេងកាត់ថ្នល់ បម្រុងចូលផ្សារពង្រ ស្របពេលជាមួយគ្នានោះ ក៏មានម៉ូតូមួយគ្រឿងជិះបុកពីក្រោយតែម្តង ។
ចែករំលែកព័តមាននេះ