ADផ្ទាំងផ្សព្វផ្សាយពាណិជ្ជកម្ម

ឡានដឹកទំនិញធុនធំបុ.កផ្ទប់ឡានដឹកកញ្ចក់ រុញបុ.ករះចូលផ្ទះពលរដ្ឋ៤ខ្នង ផ្អើលមហាវិថីឈ្នះឈ្នះ

9 ម៉ោង មុន

ភ្នំពេញ
០៧ ខែ ធ្នូ ឆ្នាំ ២០២៥ ម៉ោង ១០:០៩

រាជធានីភ្នំពេញ ៖ បុរសម្នាក់សង្ស័យងងុយដេក បានបើករថយន្តធន់ធំសណ្តោងរ៉ឺម៉កដឹកទំនិញមួយគ្រឿង ក្នុងល្បឿនលឿនក៏រេចង្កូតជ្រុលទៅបុកផ្ទុបពីក្រោយរថយន្តដឹកកញ្ចក់ដែលកំពុងឈប់ចតនៅលើចិញ្ចើមផ្លូវ រុញទៅមុខបុករះចូលផ្ទះប្រជាពលរដ្ឋ៤ខ្នងរងការខូចខាតសំភារៈមួយចំនួនធំនិងបណ្តាលអោយបុរសម្នាក់រងរបួសធ្ងន់ធ្ងរ។ ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង ៣ និង ៥…

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង ៣ និង ៥ នាទីឈានចូលព្រឹកថ្ងៃទី៧ខែធ្នូឆ្នាំ២០២៥ ស្ថិតនៅលើផ្លូវមហាវិថីឈ្នះឈ្នះ ត្រង់ចំណុចមន្ទីពេទ្យជាតិ តេជោសន្តិភាព ភូមិកប់ស្រូវធំសង្កាត់គោករការ ខណ្ឌព្រកព្នៅ រាជធានីភ្នំពេញ។

រថយន្តបង្កម៉ាក HYUNDAI ពណ៌ស សណ្ដោងស៉ឺមីររ៉ឺម៉ក ពាក់ផ្លាកលេខ កំពង់ចាម 4A-0186 អ្នកបើកបរ (គេចខ្លួនពីកន្លែងកើតហេតុមិនស្គាល់អត្តសញ្ញាណ) ។

រថយន្តរងគ្រោះដឹកកញ្ចក់ម៉ាកHYUNDAI ពណ៌ស ពាក់ផ្លាកលេខ ភ្នំពេញ 3C-3798 បើកបរដោយឈ្មោះ ឡ អើយ ភេទប្រុស អាយុ ៣៥ឆ្នាំ មុខរបរបើកបរ ស្នាក់នៅភូមិសត្វពង ឃុំសត្វពង ស្រុកឈូក ខេត្តកំពត ។

បុករះចូលផ្ទះប្រជាពលរដ្ឋចំនួន ៤ខ្នង រួមមាន ម្ចាស់ផ្ទះទី១ ឈ្មោះ ឡុង ទិត្យ ភេទប្រុស អាយុ ៦២ឆ្នាំ មុខរបរលក់ដូរ ស្នាក់នៅភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ ខូចទ្វារដែក២ កៅអីជ័រ៨ ចង្ក្រាន១ ទូតាំង១ ។

ម្ចាស់ផ្ទះទី២ ឈ្មោះ សេង សុភាពភេទប្រុស អាយុ ៤៤ឆ្នាំ មុខរបរលក់ដូរ ស្នាក់នៅភូមិដំណាក់ជ្រៃ ឃុំពាមជីកង ស្រុកកងមាស ខេត្តកំពង់ចាម ខូចសំយ៉ាបផ្ទះ២ល្វែង តុ១០ កៅអីជ័រ៥០ ទូតាំង៣ ទូរទឹកកក១ ទ្វាររូតផ្ទះ១ របាំងការពារ២ ។

ម្ចាស់ផ្ទះទី៣ ឈ្មោះ ប៉ាក់ សុវ៉ា ភេទស្រី អាយុ ៣៥ឆ្នាំ មុខរបរលក់ដូរ ស្នាក់នៅភូមិកប់ស្រូវធំ សង្កាត់គោកការ ខណ្ឌព្រែកព្នៅ រាជធានីភ្នំពេញ របួសម្ចាស់ផ្ទះធ្ងន់ ០១នាក់ ខូចទូរសព្ទ០២ គ្រឿងទូកាហ្វេ៤ ទូខោអាវ៤ ទូបាយ១ ម៉ូតូ ០១គ្រឿង ។

ម្ចាស់ផ្ទះទី៤ឈ្មោះ អ៊ុន ស្រីមុំ ភេទស្រី អាយុ ៤៥ឆ្នាំ មុខរបរលក់ដូរ ស្នាក់នៅភូមិបឹងត្រើយ ឃុំសូរគង ស្រុកកងមាស ខេត្តកំពង់ចាម ខូចម៉ូតូ ០១គ្រឿង តុ ១៦ កៅអីដែក៣០ សំយាបផ្ទះ០១ល្វែង ។

បើតាមការបញ្ជាក់ពីកន្លែងកើតហេតុបានអោយដឹងថា នៅមុនពេលកើតហេតុគេឃើញ រថយន្តមួយគ្រឿងHYUNDAI ពណ៌ស ពាក់ភ្នំពេញ 3C-3798 ធ្វើដំណើរតាមបណ្តោយផ្លូវមហាវិថី ឈ្នះ ឈ្នះ ដឹកកញ្ចក់ពេញចេញពីភ្នំពេញទៅខេត្តត្បូងឃ្មុំដោយសារអ្នកបើកបរងងុយដេកក៏បានឈប់អែបនៅលើចិញ្ចើមផ្លូវមហាវិថីឈ្នះ ឈ្នះ ក្បែរផ្ទះកើតហេតុខាងលើក្រោយមកស្រាប់តែគេឃើញមានរថយន្តបង្កដឹកទំនិញធន់ធំមួយគ្រឿងម៉ាក HYUNDAI ពាក់ ស្លាកលេខ កំពង់ចាម 4A-0186 បើកបរដោយបុរសម្នាក់ ធ្វើដំណើរតាមបណ្ដោយផ្លូវមហាវិថីឈ្នះឈ្នះក្នុងទិសដៅពីលិចទៅកើតក្នុងលល្បឿលឿនដោយសារងួកមួយភាំងក៏រេចង្កូតជ្រុលទៅបុកផ្ទប់ពីក្រោយរថយន្តដឹកកញ្ចក់យ៉ាងពេញទំហឹងរុញបន្តបុរះចូលផ្ទះប្រជាពលរដ្ឋលកអីវ៉ាន់ចាប់ហួយនិងលក់បាយគុយទាវកហ្វេចំនួន៤ខ្នង ជាបន្តបន្ទាប់បណ្តាលអោយរងការខូចខាតសំភារៈអស់ជាច្រើននិងបុរសជាម្ចាស់ផ្ទះម្នាក់រងរបួសធ្ងន់ត្រូវបានដឹកបញ្ជូនទៅសង្គ្រោះប្រៀបៗផងដែរ។ ចំណែកម្ចាស់រថយន្តបង្កបានបេីកទ្វារចុះរត់គេចខ្លួនបាត់ស្រមោ ល ។

ក្រោយកើតហេតុខាងលើសមត្ថកិច្ចមូលដ្ឋានសហការជាមួយនឹងមន្ត្រីជំនាញចរាចរណ៍ចុះមកដល់ធ្វើការវាស់វែងយករថយន្តទាំងពីរគ្រឿងទៅរក្សាទុកជាបណ្ដោះអាសន្ននៅការិយាល័យចរាចរណផ្លូវគោករាជធានីភ្នំពេញរង់ចាំការដោះស្រាយគ្នាជាមួយម្ចាស់ផ្ទះនៅពេលក្រោយ៕