ខេត្ដប៉ៃលិន ៖ កងកម្លាំងនគរបាល​ព្រហ្មទណ្ឌកម្រិតស្រាល​នៃស្នងការនគរបាលខេត្ត​ ចាប់ឃាត់ខ្លួនម្តាយ និងកូនតាមដីកា ព្រះរាជអាជ្ញាអមសាលាដំបូង​ខេត្ត ពីបទលួចគ្រឿងអលង្ការ និងប្រាក់ជនរងគ្រោះ​ចេញពីខេត្ដប៉ៃលិន រួចរត់គេចខ្លួន​ទៅរស់​នៅស្រុក​ ឧដុង្គ ខេត្ដកំពង់ស្ពឺ ​ដែលគិតជាទឹកប្រាក់ប្រហែលជិត២ម៉ឺនដុល្លារ ។ ហេតុការណ៍ចាប់ឃាត់ខ្លួនជនសង្ស័យទាំង២នាក់ដែលប្រព្រឹត្ដបទល្មើសនេះ​បានកើតឡើងកាល​ពីវេលាម៉ោង១១ និង១៥នាទី​រសៀល ថ្ងៃទី១១ ខែមីនា ឆ្នាំ២០១៤ ​ស្ថិតនៅភូមិត្រញំងត្រយឹង ឃុំពោធិ៍ចំរើន ស្រុកឧដុង្គ ខេត្ដកំពង់ស្ពឺ ។

បើតាមការរៀបរាប់​ពីលោក កែវ សុភិន នាយរងការិយាល័យព្រហ្មទណ្ឌកម្រិត​ស្រាលនៃស្នងការនគរបាលខេត្ដប៉ៃលិន បាន​ឱ្យ​ដឹងថា បន្ទាប់ពីទទួលបញ្ជាពី លោក ជុំ សែនសទ្ធា ព្រះរាជអាជ្ញាអមសាលាដំបូងខេត្ត និងទទួលបញ្ជាផ្ទាល់ពីលោក ឡី ចាន់​ឆាយ ស្នងការនគរ បាលខេត្ដ ដោយមានកិច្ចសហការជាមួយមេប៉ុស្ដិ៍ ឃុំពោធិ៍ចំរើន អធិការស្រុកឧដុង្គ ទើបកងក ម្លាំង​របស់​លោកបានធ្វើការឃាត់ខ្លួនម្ដាយ​និងកូន ដែលធ្វើតាមពាក្យបណ្ដឹងរបស់ស្ដ្រីម្នាក់ ឈ្មោះ អ៊ុល អេវ អាយុ៣៩ឆ្នាំ រស់នៅ​ក្រុង​ប៉ៃលិន ។លោកបានបន្តទៀត​ថា ជនសង្ស័យជាកូន ឈ្មោះ សាក់ សេរី ហៅវាសនា អាយុ២៧ឆ្នាំ ជាកម្មករ រស់នៅភូមិត្រញំង​ត្រយឹង ឃុំពោធិ៍ចំរើន ស្រុកឧដុង្គ និងម្ដាយ ឈ្មោះ អ៊ឹម ញ៉ាញ់ អាយុ៥០ឆ្នាំ ជាកសិករ រស់នៅភូមិជាមួយគ្នា ។ ប្រភពដដែលបានឱ្យដឹងទៀតថា ក្រោយពីសមត្ថកិច្ចធ្វើការឃាត់ខ្លួនម្ដាយ និងកូនរួចមក ត្រូវបានឃុំខ្លួនបណ្ដោះអាសន្ន​នៅ​ប៉ុស្ដិ៍នគរបាលពោធិ៍ចំរើនអស់រយៈពេលមួយយប់ ហើយក៏បានបញ្ជូនបន្ដមកស្នងការ ដ្ឋាននគរបាលខេត្ដប៉ៃលិន ។

លោក កែវ សុភិន បានបញ្ជាក់បន្ដទៀតថា បន្ទាប់ពីសួរនាំជនសង្ស័យទាំងពីរនាក់ បានសារភាពថា ពួកគេពិតជាបានលួចយក​ប្រាក់​ពីស្ដ្រីម្នាក់ ឈ្មោះ អ៊ុល អេវ អាយុ៣៩ឆ្នាំ ដែលស្ដ្រីរូបនេះបានចោទប្រកាន់២នាក់ម្ដាយនិងកូន​ថាបានលួចលុយគាត់​យកទៅភូមិត្រញំងត្រយឹង ឃុំពោធិ៍ចំរើន លុះក្រោយមក ទើបគាត់ដាក់ពាក្យបណ្ដឹងឱ្យសមត្ថកិច្ចជួយ​រកជនសង្ស័យ​យក​មកផ្ដន្ទាទោសតាមច្បាប់ ។ ទាក់ទិនទៅនឹងបញ្ហានេះជនរងគ្រោះ ឈ្មោះ អ៊ុល អេវ បានបន្ដថា ទ្រព្យសម្បត្ដិដែលបាត់បង់​នោះគឺមានបា្រក់​ចំនួន ១ម៉ឺន២០០ដុល្លារ, ប្រាក់បាតចំនួន ៣ម៉ឺនបាត , ខ្សែក.បា្លទីន១ខ្សែ និងចិញ្ចៀន១វង់ផងដែរ ។ ក្រោយមកនៅ ព្រឹកថ្ងៃទី១៣ ខែមីនា ២០១៤ សមត្ថកិច្ចបានរៀបចំ បញ្ជូនពួកគេទៅអយ្យការអមសាលាដំបូងខេត្ត​ដើម្បីកាត់ទោសតាមនីតិវិ ធីច្បាប់ ៕