កីឡាការិនីលំដាប់ទី២ ពិភពលោក លីណា កំពុងខិតចូលកាន់តែជិតពានជើងឯកប្រកួតវាយកូនបាល់កម្មវិធី BNP Paribas Open ខណៈកាលពីថ្ងៃពុធ ទី១២ មីនា នាងបានឆ្លងចូលដល់វគ្គ១/៤ ផ្តាច់ព្រ័ត្របន្ទាប់ពីបានបំបាក់គូប្រកួតរបស់ខ្លួនក្នុងជុំទី៤ រួចមក ។ សូមបញ្ជាក់ថា កម្មវិធីប្រកួតនេះត្រូវបានរៀបចំធ្វើក្នុងទីក្រុង Indian Wells រដ្ឋកាលីហ្វ័រញ៉ា សហរដ្ឋអាមេរិក ។
កីឡាការិនីលំដាប់ទី២ ពិភពលោក លីណា កំពុងខិតចូលកាន់តែជិតពានជើងឯកប្រកួតវាយកូនបាល់កម្មវិធី BNP Paribas Open ខណៈកាលពីថ្ងៃពុធ ទី១២ មីនា នាងបានឆ្លងចូលដល់វគ្គ១/៤ ផ្តាច់ព្រ័ត្របន្ទាប់ពីបានបំបាក់គូប្រកួតរបស់ខ្លួនក្នុងជុំទី៤ រួចមក ។ សូមបញ្ជាក់ថា កម្មវិធីប្រកួតនេះត្រូវបានរៀបចំធ្វើក្នុងទីក្រុង Indian Wells រដ្ឋកាលីហ្វ័រញ៉ា សហរដ្ឋអាមេរិក ។
លីណាបានយកឈ្នះកីឡាការិនីកាណាដា Aleksandra Wozniak ក្នុងលទ្ធផលពីរសិតជាប់ៗគ្នាគឺ ៦-១និង៦-៤ ដោយប្រើថិរវេលាអស់១ម៉ោង និង៣២នាទី ។ ឆ្នាំកន្លងទៅ កីឡាការិនីវ័យ៣២ឆ្នាំរូបនេះមិនបានមកចូលរួមប្រកួតនៅទីនេះនោះទេ បន្ទាប់ពីមានរបួសដែលតម្រូវឱ្យបញ្ឈប់ការប្រកួតមួយរយៈពេល ។
នាងបានថ្លែងថា ៖ «ស្វាគមន៍ការវិលមកកាន់សមាគម WTA Tour សាជាថ្មី ។ រឿងដែលគួរឱ្យអស់សំណើចសម្រាប់ការប្រកួតលើកនេះ គឺខ្ញុំមានអារម្មណ៍តានតឹង និងភ័យបុកពោះពេលចាប់ផ្តើមប្រកួត ។ បន្ទាប់មក ខ្ញុំគិតថា តើនឹងមានអ្វីកើតឡើង ។ ហេតុអ្វីបានជាខ្ញុំមិនអាចបញ្ចប់ការប្រកួតលើកនេះបាន ។ គូប្រកួតរបស់ខ្ញុំមិនបោះបង់ទេ ។ នាងបានព្យាយាមការពារនិងសន្សំគ្រប់ពិន្ទុ ។ ប៉ុន្តែ ខ្ញុំមានសំណាងល្អបន្តវត្តមានក្នុងកម្មវិធីបន្តទៅទៀត ។ ពេលនេះខ្ញុំនៅតែអាចញញឹមបាន»។
លីណា នៅវគ្គបន្ទាប់នឹងប៉ះជាមួយនាង ដូមីនីកា ស៊ីប៊ុលកូវ៉ា ដែលធ្លាប់បរាជ័យក្រោមថ្វីដៃរបស់នាងក្នុងវគ្គផ្តាច់ព្រ័ត្រក្របខ័ណ្ឌ Australian Open ។ នាងស៊ូប៊ុលកូវ៉ា បានឡើងមកដល់វគ្គនេះបន្ទាប់ពីយកឈ្នះនាង Petra Kvitova ក្នុងលទ្ធផល៦-៣ និង៦-២។
ចំណែកលទ្ធផលនៃការប្រកួតផ្នែកបុរសវិញ កីឡាករជើងខ្លាំងរបស់អង់គ្លេស អ៊ែនឌី មូរ៉េ បានវេចសម្ពាយត្រឡប់ទៅផ្ទះវិញ ក្រោយពីបរាជ័យក្រោមថ្វីដៃកីឡាករកាណាដា Milos Raonic ក្នុងលទ្ធផល៤-៦, ៧-៥ និង៦-៣ ។
មូរ៉េ បានទទួលស្គាល់ថា សម្រាប់ការប្រកួតលើកនេះ ខ្លួនគ្មានទំនុកចិត្តច្រើននោះទេ ហើយថា រូបគេពិតជាបារម្ភខ្លាំងបន្ទាប់ពីវាយសឺវីសមិនបានល្អចំនួន២លើកក្នុងសិតចុងក្រោយ ។ «ត្រូវបានគេបំបាក់២លើកបន្តបន្ទាប់គ្នាក្នុងស្ថានភាពនោះ គឺពិតជាមិនល្អនោះទេ ។ នៅដំណាក់កាលនោះ ការប្រកួតរបស់ខ្ញុំពិតជាអន់ខ្លាំងណាស់ ។ ទាំងការវាយសឺវីស និងទាំងការទទួលសឺវីស គឺសុទ្ធតែធ្វើមិនបានល្អដូចគ្នា» ។
សម្រាប់កីឡាករ Raonic នេះជាជ័យជម្នះលើកទី៣ ហើយនៅក្នុងការជួបគ្នាចំនួន៤លើកជាមួយ មូរ៉េ ។ នៅវគ្គបន្ទាប់ រូបគេនឹងប៉ះជាមួយអ្នកឈ្នះរវាង ណាដាល់ និង Dolgopolov៕
ចែករំលែកព័តមាននេះ