ខេត្តបន្ទាយមានជ័យ ៖ បុរសប្រមឹក០១នាក់បានកាន់ដបស្រា និងកាំបិតខ្វែវគំរាមសំឡុតយកលុយពីកូនស្រីជំទាវម្នាក់ ដែលគេស្គាល់ថាជាម្ចាស់ភូមិ ចំនួន ១០មឺុនបាតមិនបានសម្រេច ក៏កា.ប់ដៃនាងបណ្តាលឱ្យរបួស ហើយត្រូវបានប្រជាពលរដ្ឋនៅទីនោះចាប់ប្រដៅយ៉ាងចាស់ដៃហើយយកទៅប្រគល់ឱ្យសមត្ថកិច្ថ។ សកម្មភាពខាងលើបានកើតឡើងនៅវេលាម៉ោង១២ថ្ងៃ
ខេត្តបន្ទាយមានជ័យ ៖ បុរសប្រមឹក០១នាក់បានកាន់ដបស្រា និងកាំបិតខ្វែវគំរាមសំឡុតយកលុយពីកូនស្រីជំទាវម្នាក់ ដែលគេស្គាល់ថាជាម្ចាស់ភូមិ ចំនួន ១០មឺុនបាតមិនបានសម្រេច ក៏កាប់ដៃនាងបណ្តាលឱ្យរបួស ហើយត្រូវបានប្រជាពលរដ្ឋនៅទីនោះចាប់ប្រដៅយ៉ាងចាស់ដៃហើយយកទៅប្រគល់ឱ្យសមត្ថកិច្ថ។ សកម្មភាពខាងលើបានកើតឡើងនៅវេលាម៉ោង១២ថ្ងៃ ត្រង់ ទី១២ មីនា២០១៤ នៅឯព្រំដែនខ្មែរ-ថៃ ស្ថិតនៅភូមិចំបក់ ឃុំស្លរក្រាម ស្រុកស្វាយចេក ខេត្តបន្ទាយមានជ័យ ។
លោកវិរៈសេនីយ៍ត្រី ជា ស្លូញ អធិការនគរបាល ស្រុកស្វាយចេក បានឱ្យដឹងថាជនរងគ្រោះដោយអំពើរគម្រាម សំឡុតយកលុយខាងលើ មានឈ្មោះ តែ ដៃណា ភេទស្រី អាយុ១៩ឆ្នាំ រស់នៅភូមិចក់ពួក ឃុំស្លរក្រាម ស្រុកស្វាយចេក ខេត្តបន្ទាយមានជ័យ ជាកូនស្រីរបស់លោកជំទាវ ចក់ ពួក។ចំណែក ឯជនសង្ស័យមានឈ្មោះ ចង យ៉ុង ភេទប្រុស អាយុ៣៩ឆ្នាំ រស់នៅភូមិ ឃុំជាមួយគ្នា។
លោកអធិការបានបញ្ជាក់ថា ពេលនោះជនរងគ្រោះបានយកលុយទៅបើកឱ្យកម្មករ ពេលនោះជនសង្ស័យដែលស្រវឹងស្រាជោគ មានដបស្រានិងកាំបិតខ្វែវក្នុងដៃ ពេលដែលជួបជាមួយជនរងគ្រោះបុរសប្រមឹកនេះបាន គម្រាមសំឡុតយកលុយ១០មឺុនបាតបើមិនឱ្យគេនិងកាប់ ពេលនោះជនរងគ្រោះបានប្រាប់ថាមានលុយ១០មឺុនបាតណាមកឱ្យពូឯង បើត្រឹម១មឺុន ២មឺុនខ្ញុំឱ្យទិញស្រាផឹក។ ទើបតែនិយាយចប់ជននេះបានកាប់ជនរងគ្រោះរបួស កដៃខាងស្តាំ ប្រជាពលរដ្ឋនៅទីនោះឃើញបានចាប់មកស្វាគមន៏យ៉ាងចាស់ដៃ បណ្តាលឱ្យបែកក្បាលរួចបញ្ជូនទៅសមត្ថកិច្ច។
បច្ចុប្បន្នជនសង្ស័យ បានយកមកកាន់អធិការនគរបាលស្រុកធ្វើការសាកសូរ និង រៀបចំសំណុំរឿងបញ្ជូនមកស្នងការដ្ឋានខេត្តបន្ទាយមានជ័យដើម្បីចាត់ការបន្ត។
ចែករំលែកព័តមាននេះ