ការវិនិយោគផ្នែកសណ្ឋាគារនៅអាស៊ីបានកើនឡើង២១៨%គិតជាទឹកប្រាក់៧,៥ពាន់លានដុល្លារ កាលពីឆ្នាំ២០១៣ នេះបើយោងតាមក្រុមហ៊ុនឯកទេសខាងអចលនទ្រព្យJones Lang LaSalle ដែលមានមូលដ្ឋាននៅទីក្រុងឈីកាហ្គោ សហរដ្ឋអាមេរិក ។
កំណើននេះធ្វើឲ្យឆ្នាំ២០១៣ជាឆ្នាំដែលរឹងមាំបំផុតសម្រាប់ទីផ្សារមួយនេះចាប់តាំងពីវិបត្តិហិរញ្ញវត្ថុសកលបានចាប់ផ្តើមកាលពីឆ្នាំ២០០៧ នៅពេលដែលប្រតិបត្តិការមានទឹកប្រាក់ចំនួន១០,៣ពាន់លានដុល្លារ ។ ក្រុមហ៊ុននេះបានព្យាករថា ឆ្នាំនេះនឹងប្រហាក់ប្រហែលឆ្នាំមុនដែរ បើទោះបីជាប្រតិបត្តិការធ្លាក់ចុះដោយសារការផ្គត់ផ្គង់មានកំណត់ហើយតម្រូវការខ្លាំងក្លាក៏ដោយ ។
សិង្ហបុរី ជប៉ុន និងចិនជាប្រទេសមានកំណើននាំមុខគេនៅក្នុងតំបន់ ដោយប្រទេសជប៉ុនកើនឡើង៤៨០%គិតជាទឹកប្រាក់២,៧ពាន់លានដុល្លារ ខណៈដែលការធ្វើពាណិជ្ជកម្មមានភាពល្អប្រសើរស្របគ្នានឹងកំណើនសេដ្ឋកិច្ចក្នុងស្រុក និងកំណើនបន្តបន្ទាប់របស់ក្រុមហ៊ុន និងការធ្វើដំណើរកម្សាន្ត ។
ចំណែកប្រទេសចិនដីគោកមានចំនួនស្មើនឹង១៣%នៃសកម្មភាពវិនិយោគ ឬ១,១ពាន់លានដុល្លារ ខណៈដែលរដ្ឋាភិបាលបច្ចុប្បន្នប្រកាសពង្រឹងការខិតចូលកៀកហិរញ្ញវត្ថុដែលបានជំរុញចិត្តវិនិយោគិននៅក្នុងអំឡុងឆមាសទី២ឆ្នាំមុន ។ដោយឡែកទីផ្សារផ្សេងៗទៀតដែលបានទទួលកំណើនដ៏ខ្លាំងក្លានៅក្នុងតំបន់ដោយសារទំនាក់ទំនងល្អប្រសើរ និងការធ្វើដំណើរក្រៅប្រទេសពីសំណាក់ប្រទេសចិនដីគោករួមមាន ហុងកុង កើនឡើង១៩% ដល់៤៨៦,៧លានដុល្លារ ថៃកើនឡើង៣១%ដល់៣៣៧លានដុល្លារ និងម៉ាល់ឌីវកើនឡើងដល់ទៅ៦១៤%ដល់២៦៧,៦លានដុល្លារ ៕
ចែករំលែកព័តមាននេះ