រាជធានីភ្នំពេញ ៖ សាកសពបុរសម្នាក់ដែលលោតទឹកសម្លាប់ខ្លួនពីលើស្ពានជ្រោយចង្វាកាលពីរំលងអធ្រាត្រឈានចូលថ្ងៃទី១១មីនា ម្សិលមិញនេះ នៅមិនទាន់រកឃើញនៅឡើយទេគិតត្រឹមម៉ោង ៩និង០៥នាទីព្រឹកថ្ងៃទី១២ មីនា ២០១៤ ។ បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងនៅប៉ុន្មាននាទីមុននេះថា សាកសពបុរសខាងលើ បានត្រូវជនជាតិខ្មែរអ៊ិស្លាមប្រទះឃើញនៅម៉ោង៣ទាបភ្លឺថ្ងៃពុធនេះ ប៉ុន្តែបានរុញច្រានបន្ត
រាជធានីភ្នំពេញ ៖ សាកសពបុរសម្នាក់ដែលលោតទឹកសម្លាប់ខ្លួនពីលើស្ពានជ្រោយចង្វាកាលពីរំលងអធ្រាត្រឈានចូលថ្ងៃទី១១មីនា ម្សិលមិញនេះ នៅមិនទាន់រកឃើញនៅឡើយទេគិតត្រឹមម៉ោង ៩និង០៥នាទីព្រឹកថ្ងៃទី១២ មីនា ២០១៤ ។ បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងនៅប៉ុន្មាននាទីមុននេះថា សាកសពបុរសខាងលើ បានត្រូវជនជាតិខ្មែរអ៊ិស្លាមប្រទះឃើញនៅម៉ោង៣ទាបភ្លឺថ្ងៃពុធនេះ ប៉ុន្តែបានរុញច្រានបន្ត មិនដឹងជាអណ្តែត ឬ ទើរនៅកន្លែងណានោះទេ ។
មកដល់ម៉ោង៩និង១០នាទីព្រឹកនេះដែរ ក្រុមគ្រួសារបាននឹងកំពុងតាមរុករកនិងបានធ្វើរោងបុណ្យត្រៀមរួចរាល់អស់ហើយ រង់ចំាតែសាកសពមកដល់ប៉ុណ្ណោះ ។
គួររំលឹកថា បុរសម្នាក់ដែលគេអះអាងថា មានវិបត្តិស្នេហា ដោយត្រូវឪពុកម្តាយក្មេកបំបែកបំបាក់ពីប្រពន្ធជាទីស្រលាញ់ បានធ្វើដំណើរមកលោតទឹកសម្លាប់ខ្លួនពីលើស្ពានជ្រោយចង្វា ហើយលិចបាត់រកសពពុំឃើញ ។ ការធ្វើអត្តឃាតនេះបានធ្វើឱ្យមានការភ្ញាក់ផ្អើល កាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី១១ មីនា នៅលើស្ពានជ្រោយចង្វាផ្នែកខាងលិច ក្នុងសង្កាត់ស្រះចក ខណ្ឌដូនពេញ ខណៈពេលដែលបុរសរូបនោះធ្វើដំណើរមកចូលរួមមង្គលការមិត្តភក្តិនៅភ្នំពេញ ។
បុរសដែលគិតខ្លីមិនអាចប្រឈមមុខនឹងរឿងរ៉ាវវជីវិតបាននេះ ឈ្មោះចៅ ចិន្តា អាយុ២៥ឆ្នាំ ជាជនជាតិខ្មែរ ចូលសាសនាអ៊ិស្លាម មានទីលំនៅភូមិត្រាស់ ឃុំបល្ល័ង្គ ស្រុកបារាយណ៍ ខេត្តកំពង់ធំ ។ តាមមន្ត្រីនគរបាលអង្គភាពការពារគោលដៅទី៣ ស្ពានជ្រោយចង្វា បានឱ្យដឹងថា នៅមុនពេលកើតហេតុ គេឃើញបុរសម្នាក់នោះជិះម៉ូតូអាយខនមួយគ្រឿង ដោយមិត្តភក្តិជាអ្នកឌុបធ្វើដំណើរឡើងស្ពានជ្រោយចង្វា ក្នុងទិសដៅពីលិចទៅកើត ។ នៅពេលធ្វើដំណើរជិតដល់កណ្តាលស្ពាន ស្រាប់តែបុរសរូបនោះចុះពីលើម៉ូតូរួចរត់ទៅតោងបង្កាន់ដៃស្ពានលោតចុះទៅក្នុងទន្លេ ហើយលិចបាត់តែម្តង ។ បន្ទាប់ពីមិត្តភក្តិលោតទឹក បុរសដែលឌុបក៏បានជិះម៉ូតូទៅបាត់ ហើយប្រាប់បងប្អូនរបស់បុរសមានវិបត្តិនោះ និងមកប្តឹងនគរបាលការពារស្ពានជ្រោយចង្វា ទើបធ្វើឱ្យមានការភ្ញាក់ផ្អើលឡើង ។ បើតាមមន្ត្រីនគរបាលការពារស្ពានជ្រោយចង្វាឱ្យដឹងតាមការរៀបរាប់ប្រាប់របស់ឪពុកបុរសដែលលោតទឹកនេះថា មូលហេតុដែលធ្វើឱ្យកូនប្រុសគាត់មិនចង់រស់នៅ ដោយសារតែមានវិបត្តិស្នេហាតូចចិត្តខ្លួនឯង ដែលឪពុកម្តាយក្មេកបំបែកបំបាក់បង្ខំឱ្យប្រពន្ធលែងលះ ជាហេតុធ្វើឱ្យគិតខ្លីក៏មកលោតទឹកសម្លាប់ខ្លួនតែម្តង ។
តាមព័ត៌មានឱ្យដឹងទៀតថា បុរសមានវិបត្តិនេះបានស្រលាញ់ស្ត្រីម្នាក់ឈ្មោះ ម៉ារីយ៉ា អាយុ២២ឆ្នាំ ជាខ្មែរអ៊ិស្លាមដែលមានជីវភាពធូរធារ ។ ដោយសារតែក្តីស្រលាញ់ធ្វើឱ្យបុរសនោះសុខចិត្តចូលសាសនាអ៊ិស្លាម ហើយចូលដណ្តឹងក្រមុំអ៊ិស្លាមធ្វើជាប្រពន្ធតាំងពីដើមឆ្នាំ២០១៣មកម៉្លេះ ។ ទោះបីជាយ៉ាងណា ចំណងស្នេហ៍នេះមិនបានធ្វើឱ្យ២នាក់ប្តី-ប្រពន្ធនេះរស់នៅជាមួយគ្នាបានសេចក្តីសុខឡើយ ដោយក្រុមគ្រួសារឪពុកម្តាយខាងស្រីមិនពេញចិត្តក៏បំបែកបំបាក់ ហើយបានបង្ខំឱ្យស្ត្រីជាប្រពន្ធសុំលែងលះរយៈពេល៦ខែមកហើយ ។
តាមព័ត៌មានឱ្យដឹងទៀតថា បន្ទាប់ពីលែងលះគ្នា ធ្វើឱ្យបុរសរូបនេះរស់នៅដោយក្តីអស់សង្ឃឹម ហើយបានប្រាប់បងប្អូនថា មិនចង់រស់ឡើយ ។ ទោះបីជាយ៉ាងណា ពួកគេទាំង២នាក់នៅតែមានទំនាក់ទំនងគ្នាតាមទូរស័ព្ទ ។ នៅថ្ងៃទី៨ មីនា បុរសរូបនេះបានធ្វើដំណើរមកពីខេត្តកំពង់ធំ ដើម្បីចូលរួមមង្គលការមិត្តភក្តិនៅភ្នំពេញ ដែលបានចូលរោងនៅថ្ងៃទី៩ មីនា ។ លុះនៅយប់ថ្ងៃទី១០ មីនា បុរសមានវិបត្តិរូបនេះក៏បានធ្វើដំណើរទៅចូលរួមផឹកស៊ីជាមួយមិត្តភក្តិនៅក្នុងខណ្ឌទួលគោក រហូតដល់យប់ជ្រៅក៏ឱ្យមិត្តភក្តិឌុបទៅព្រែកលៀប តែពេលឆ្លងកាត់ស្ពានជ្រោយចង្វាក៏លោតទឹកសម្លាប់ខ្លួន ហើយលិចបាត់រកសពពុំឃើញ ។
តាមព័ត៌មានឱ្យដឹងថា ចាប់តំាងព្រឹកថ្ងៃទី១១ មីនា រហូតមកដល់ព្រឹកថ្ងៃទី១២មីនានេះ ឪពុកម្តាយបងប្អូនបានធ្វើដំណើរទៅទាក់ទងជាមួយមន្ត្រីនគរបាលយាមស្ពានជ្រោយចង្វា និងបានជួលទូកខ្មែរអ៊ិស្លាម ដើម្បីស្វែងរកសពយកទៅធ្វើបុណ្យតាមប្រពៃណី ។ សូមបញ្ជាក់ថា ដើមឆ្នាំ២០១៤នេះ តាមការកត់ត្រារបស់សមត្ថកិច្ចការពារស្ពាននិយាយថា នេះជាលើកទី៥ហើយ ដែលលោតទឹកទន្លេពីលើស្ពានជ្រោយចង្វា ៕
ចែករំលែកព័តមាននេះ