ខេត្តបាត់ដំបង ៖ ក្រោយពីបង្ក្រាបក្រុមចោរហារយ ដែលដកហូតម៉ូតូចាស់ៗបានជាង១០គ្រឿង កាលពីចុងសប្តាហ៍មុននៅក្នុងស្រុកឯកភ្នំ សមត្ថកិច្ចនៃស្នងការដ្ឋានខេត្ត បានសម្រេចប្រគល់ម៉ូតូទាំងនោះមួយចំនួនជូនម្ចាស់ដើមវិញ ជាបណ្តើរៗហើយ ក្រោយពីម្ចាស់មកដាក់ពាក្យស្នើសុំជាបន្តបន្ទាប់ រហូតមកដល់ព្រឹកថ្ងៃទី១១ មីនា នេះ ទៅតាមគោលការណ៍របស់លោកស្នងការខេត្ត និង
ខេត្តបាត់ដំបង ៖ ក្រោយពីបង្ក្រាបក្រុមចោរហារយ ដែលដកហូតម៉ូតូចាស់ៗបានជាង១០គ្រឿង កាលពីចុងសប្តាហ៍មុននៅក្នុងស្រុកឯកភ្នំ សមត្ថកិច្ចនៃស្នងការដ្ឋានខេត្ត បានសម្រេចប្រគល់ម៉ូតូទាំងនោះមួយចំនួនជូនម្ចាស់ដើមវិញ ជាបណ្តើរៗហើយ ក្រោយពីម្ចាស់មកដាក់ពាក្យស្នើសុំជាបន្តបន្ទាប់ រហូតមកដល់ព្រឹកថ្ងៃទី១១ មីនា នេះ ទៅតាមគោលការណ៍របស់លោកស្នងការខេត្ត និងតំណាងអយ្យការ ។
នាយរងការិយាល័យព្រហ្មទណ្ឌកម្រិតស្រាលលោកម៉េង លៀង បានឱ្យដឹងថា បើគិតមកដល់ព្រឹកថ្ងៃទី១១ មីនា នេះ ម្ចាស់ម៉ូតូដែលបាត់បានមកទទួលយកម៉ូតូរបស់ខ្លួនវិញចំនួន៥នាក់ហើយ ។ លោកបញ្ជាក់ថា តាមគោលការណ៍របស់លោកស្នងការខេត្ត និងលោកព្រះរាជអាជ្ញា គឺម៉ូតូចាស់ៗទាំង១៤គ្រឿង ដែលដកហូតបានពីក្រុមចោរនោះ នឹងប្រគល់ជូនម្ចាស់ដើមវិញ បើម្ចាស់ម៉ូតូទាំងនេះមានឯកសារបញ្ជាក់គ្រប់គ្រាន់ ។ បើតាមការបំភ្លឺរបស់ម្ចាស់ម៉ូតូ គឺក្រុមចោរហារយបានលួចយកម៉ូតូទាំងនេះ ក្នុងហេតុផលផ្សេងៗគ្នា ។ លោកម៉េង លៀង ប្រាប់ថា ម៉ូតូខ្លះបាត់ពេលយប់ គ្រាដែលទុកក្រោមផ្ទះ ឬនៅក្បែរផ្លូវសាធារណៈ និងខ្លះទៀតបាត់ពេលទៅបង់សំណាញ់ ខ្លះទៅមើលស្រែ និងខ្លះពេលម្ចាស់ឡើងត្នោត ។ល។
នៅពេលមកទទួលយកម៉ូតូពីស្នងការដ្ឋានខេត្ត នៅព្រឹកថ្ងៃទី១១ មីនា បុរសឈ្មោះស៊ុន ប៊ុនហ៊ត អាយុ២៩ឆ្នាំ នៅឃុំឈើទាល ស្រុកបាណន់ ក៏បាននិយាយដែរថា ម៉ូតូកូរ៉េកញ្ចាស់របស់គាត់បានបាត់នៅរសៀលថ្ងៃទី៧ មីនា ពេលគាត់ជិះទៅទុកក្បែរដំបូក រួចទៅឈរមើលគេឈូសឆាយភ្លឺស្រែ ។ ដោយឡែកលោកខេង ឈឿង អាយុ៥៧ឆ្នាំ ប្រាប់ថា ម៉ូតូកញ្ចាស់របស់គាត់ក៏បាត់នៅយប់ថ្ងៃទី៦ មីនា នេះដែរ គ្រាដែលគាត់ទុកក្បែរគ្រែក្រោមផ្ទះ ហើយដេកលក់ ។
ចែករំលែកព័តមាននេះ