រាជធានីភ្នំពេញ៖ ក្រុមសហជីពនិងសម្ព័ន្ឋសហជីពចំនួន៨ បានសម្រេចលើកពេលធ្វើកូដកម្មដែលតាមគម្រោងនឹងធ្វើនៅថ្ងៃស្អែក ទៅធ្វើនៅក្រោយចូលឆ្នាំខ្មែរវិញ ដោយសារតែមានសំណូមពរពីក្រុមកម្មករមួយចំនួនបារម្ភពីការបាត់បង់បា្រក់ឈ្នួលសម្រាប់ពិធីបុណ្យចូលឆ្នាំខ្មែរ ។
រាជធានីភ្នំពេញ៖ ក្រុមសហជីពនិងសម្ព័ន្ឋសហជីពចំនួន៨ បានសម្រេចលើកពេលធ្វើកូដកម្មដែលតាមគម្រោងនឹងធ្វើនៅថ្ងៃស្អែក ទៅធ្វើនៅក្រោយចូលឆ្នាំខ្មែរវិញ ដោយសារតែមានសំណូមពរពីក្រុមកម្មករមួយចំនួនបារម្ភពីការបាត់បង់បា្រក់ឈ្នួលសម្រាប់ពិធីបុណ្យចូលឆ្នាំខ្មែរ ។
ការសម្រេចលើកពេលធ្វើកូដកម្មនេះ បានធ្វើឡើងនៅក្នុងកិច្ចប្រជុំមួយនាព្រឹកថ្ងៃទី១១ មីនា ២០១៤ ។ នេះបើយោងតាមលោក អាត់ ធន់ ប្រធានសម្ព័ន្ឋសហជីពប្រជាធិបតេយ្យកម្មករកាត់ដេរកម្ពុជា( CCAWDU) ដែលបា្រប់កោះសន្តិភាពតាមទូរស័ព្ទនៅរសៀលថ្ងៃអង្គារនេះ ។
យ៉ាងណាក៏ដោយបើតាមលោក ប៉ាវ ស៊ីណា ប្រធានសម្ព័ន្ឋសហជីពចលនាកម្មករបានបា្រប់ប្រព័ន្ឋផ្សព្វផ្សាយក្នុងស្រុកឲ្យដឹងថា នៅថ្ងៃទី១២ មីនា ស្អែកនេះ សម្ព័ន្ឋសហជីពមួយនិងសមាគមមួយនៅតែប្រកាន់ជំហរធ្វើកូដកម្មដដែល ។
បើតាមលោក ប៉ាវ ស៊ីណា សម្ព័ន្ឋសហជីពនិងសមាគមដែលរក្សាជំហរក្នុងការធ្វើកូដកម្មនៅថ្ងៃស្អែកនេះ មានសម្ព័ន្ឋសហជីពជាតិ ដឹកនំាដោយលោកស្រី យ៉ាង សោភ័ណ្ឌ និង សមាគមគ្រូបង្រៀនកម្ពុជាឯករាជ្យ ដែលដឹកនំាដោយ លោក រ៉ុង ឈុន ។
លោក ប៉ាវ ស៊ីណា បានបញ្ជាក់ទៀតថា ការធ្វើកូដកម្មនឹងចាប់ផ្តើមពីថ្ងៃទី១៧ ដល់ថ្ងៃទី២១ មេសា ២០១៤ ដើម្បីទាមទារឲ្យមានការដោះលែងមនុស្សចំនួន២១នាក់ និង អោយមានការចរចាពីបា្រក់ឈ្នួលកម្មករឡើងវិញ ៕
ចែករំលែកព័តមាននេះ