Patrick Reed បានសម្តែងនូវក្តីរីករាយជាខ្លាំង បន្ទាប់ពីក្លាយជាម្ចាស់ពានឆ្នាំ២០១៤ របស់កម្មវិធី WGC – CadillacChampionship ដែលមានទឹកប្រាក់រង្វាន់សរុប៩លានដុល្លារប្រារព្វធ្វើនៅលើទីលាន Doral Golf Resort And Spa ស្ថិតក្នុងទីក្រុងម៉ៃអាមី រដ្ឋផ្លរីដា សហរដ្ឋអាមេរិក កាលពីថ្ងៃអាទិត្យ ទី៩ មីនាម្សិលមិញ ។ ស្របពេលជាមួយគ្នានោះ នៅឯទីលានវាយកូនគោល Trump
Patrick Reed បានសម្តែងនូវក្តីរីករាយជាខ្លាំង បន្ទាប់ពីក្លាយជាម្ចាស់ពានឆ្នាំ២០១៤ របស់កម្មវិធី WGC – CadillacChampionship ដែលមានទឹកប្រាក់រង្វាន់សរុប៩លានដុល្លារប្រារព្វធ្វើនៅលើទីលាន Doral Golf Resort And Spa ស្ថិតក្នុងទីក្រុងម៉ៃអាមី រដ្ឋផ្លរីដា សហរដ្ឋអាមេរិក កាលពីថ្ងៃអាទិត្យ ទី៩ មីនាម្សិលមិញ ។ ស្របពេលជាមួយគ្នានោះ នៅឯទីលានវាយកូនគោល Trump International Golf Club ស្ថិតក្នុងទីក្រុង Rio Grande ប្រទេសព័រតូរីកូ កីឡាករ Chesson Hadley បានយកឈ្នះពានជើងឯកកម្មវិធី Puerto Rico Open ដែលមានទឹកប្រាក់រង្វាន់សរុប៣លាន និង៥សែនដុល្លារអាមេរិក ។
Patrick Reed ឆ្លងកាត់ការប្រកួត៤ជុំធ្វើបានលទ្ធផលសរុប ៤អាន់ឌ័រ ២៨៤យកឈ្នះពានជើងឯក ព្រមទាំងទទួលបានប្រាក់រង្វាន់ជាង១លានដុល្លារ ។ ចំណាត់ថ្នាក់លេខ២ បានទៅលើកីឡាករម្ចាស់ផ្ទះអាមេរិកដដែល គឺ Bubba Watson ។ Watson ឆ្លងកាត់ការប្រកួត៤ជុំធ្វើបានលទ្ធផលសរុប ៣អាន់ឌ័រ ២៨៥ និងទទួលបានប្រាក់រង្វាន់ជាង៨៤ម៉ឺនដុល្លារ ស្ថិតនៅចំណាត់ថ្នាក់លេខ២ស្ទួនជាមួយកីឡាករ Jamie Donaldson ដែលបញ្ចប់ការប្រកួតក្នុងលទ្ធផលស្មើគ្នា ។
ចំណែកកីឡាករអាហ្វ្រិកខាងត្បូង Richard Sterne ឆ្លងកាត់៤ជុំប្រកួតធ្វើបានលទ្ធផល Even ប៉ា ២៨៨ស្ថិតនៅចំណាត់ថ្នាក់លេខ៤ស្ទួនជាមួយកីឡាករអាមេរិក Dustin Johnson ។ថ្លែងបន្ទាប់ពីទទួលបានពានជើងឯក Patrick Reed បានបញ្ជាក់ថា ៖ «ខ្ញុំដឹងថា ការប្រកួតរបស់ខ្ញុំ ពិតជាបានល្អតាំងពីដំបូងមកម៉្លេះ។ ខ្ញុំមានអារម្មណ៍ថា អ្វីមួយល្អនឹងពិតជាកើតឡើងជាមិនខាន»។
ចំណែកកីឡាករអាមេរិក Chesson Hadley បានក្លាយជាម្ចាស់ពានកម្មវិធី Puerto Rico Open អមជាមួយប្រាក់រង្វាន់៦៣ម៉ឺនដុល្លារ បន្ទាប់ពីបញ្ចប់៤ជុំប្រកួតធ្វើបានពិន្ទុច្រើនជាងគេដល់ទៅ ២១អាន់ឌ័រ ២៦៧ ។ នៅជុំផ្តាច់ព្រ័ត្រ Chesson Hadley សម្រេចបានពិន្ទុបឺឌីនៅ៣ឡូចុងក្រោយ ទទួលបានពិន្ទុ ៥អាន់ឌ័រ ៦៧នាំមុខកីឡាករ Danny Lee ដែលបញ្ចប់៤ជុំប្រកួតធ្វើបានពិន្ទុ ១៩អាន់ឌ័រ ២៦៩៕
ចែករំលែកព័តមាននេះ