យុទ្ធនាការការពារជើងឯកកម្មវិធី BNP Paribas Open របស់កីឡាករអេស្ប៉ាញរ៉ាហ្វាអែលណាដាល់បានសម្រេចជោគជ័យមួយជំហានហើយខណៈកាលពីថ្ងៃអាទិត្យទី៩ មីនា រូបគេបានឆ្លងចូលទៅជុំទី៣អំឡុងការប្រកួតដែលត្រូវបានរៀបចំធ្វើនៅទីក្រុង Indian Wells រដ្ឋកាលីហ្វ័រនីញ៉ា សហរដ្ឋអាមេរិក ។ Radek Stepanekក្នុងលទ្ធផល ២-៦, ៦-៤ និង ៧-៥ ។
យុទ្ធនាការការពារជើងឯកកម្មវិធី BNP Paribas Open របស់កីឡាករអេស្ប៉ាញរ៉ាហ្វាអែលណាដាល់បានសម្រេចជោគជ័យមួយជំហានហើយខណៈកាលពីថ្ងៃអាទិត្យទី៩ មីនា រូបគេបានឆ្លងចូលទៅជុំទី៣អំឡុងការប្រកួតដែលត្រូវបានរៀបចំធ្វើនៅទីក្រុង Indian Wells រដ្ឋកាលីហ្វ័រនីញ៉ា សហរដ្ឋអាមេរិក ។ Radek Stepanekក្នុងលទ្ធផល ២-៦, ៦-៤ និង ៧-៥ ។
នៅក្នុងការប្រកួតលើកនេះ ណាដាល់បានគ្រប់គ្រងការប្រកួតរបស់ខ្លួនបានល្អគួរសម ជាពិសេសពីរសិតចុងក្រោយ ។ ទោះជាយ៉ាងណា ការធ្វើមិនបានល្អក្នុងសិតទី១ត្រូវកីឡាកររូបនេះបន្ទោសទៅលើចង្វាក់លេងរបស់ខ្លួន ។ គេបានថ្លែងថា៖ «អ្វីដែលយើងចង់បាននៅសិតដំបូងគឺស្វែងរកចង្វាក់ប្រកួតមួយដែលស៊ីគ្នា ។ មួយវិញទៀត ការជួបជាមួយកីឡាករStepanek គឺពិបាកគ្រប់ចំណុចទាំងអស់ » ។
ឡើងទៅជុំទី៣ព្រមពេលជាមួយគ្នានោះ ដែរ គឺកីឡាករស្វ៊ីស Stanislas Wawrinka ។ Wawrinka បានបំបាក់កីឡាករក្រូអាស៊ី Ivo Karlovic ក្នុងលទ្ធផល ៦-៣ និង ៧-៥ ។ គេបានថ្លែងថា ៖ «ជួបជាមួយកីឡាករ Karlovicគឺជាការប្រកួតដ៏លំបាកមួយ ។ គេជាកីឡាករដ៏ស្វិតស្វាញម្នាក់ ។ ប៉ុន្តែ ខ្ញុំពិតជាសប្បាយចិត្តដែលអាចដណ្តើមបានជ័យជម្នះ »។ លទ្ធផលនៃការប្រកួតផ្សេងទៀត កីឡាករអង់គ្លេសអ៊ែនឌី មូរ៉េបំបាក់កីឡាករឆែក Lukas Rosol ក្នុងលទ្ធផល ៤-៦, ៦-៣ និង៦-២ ។
មូរ៉េធ្លាប់បានឈានចូលដល់វគ្គផ្តាច់ព្រ័ត្រកម្មវិធីនេះ ចំនួនមួយលើកគឺនៅឆ្នាំ ២០០៩ ។ ប៉ុន្តែ៣ឆ្នាំចុងក្រោយនេះ គេបានបរាជ័យក្នុងជុំទី១ចំនួន២លើក ។កីឡាករកូឡុំប៊ី Alejandro Fallaបានយកឈ្នះកីឡាករប៉ូឡូញ Jerzy Janowicz ក្នុងលទ្ធផល ៦-៣, ២-៦ និង៧-៦ ។ នៅជុំបន្ទាប់ គេនឹងប៉ះជាមួយកីឡាករកាណាដា Milos Raonic ដែលបានយកឈ្នះកីឡាករបារាំង Edouard Roger-Vasselin ក្នុងលទ្ធផល ៧-៦, ៤-៦ និង៧-៦ ។
លទ្ធផលនៃការប្រកួតផ្នែកនារីវិញ នាងម៉ារីយ៉ា សារ៉ាប៉ូវ៉ា កីឡាការិនីកាពារជើងឯកបំបាក់កីឡាការិនីអាល្លឺម៉ង់ Julia Goerges ក្នុងលទ្ធផល ៦-១ និង៦-៤ ។ កីឡាការិនីរុស្ស៊ីរូបនេះបានថ្លែងថា៖ «ខ្ញុំគិតថា ខ្ញុំធ្វើអ្វីដែលខ្ញុំត្រូវធ្វើ» ៕
ចែករំលែកព័តមាននេះ