ខេត្តបន្ទាយមានជ័យ ៖ ពលករចំណាកស្រុកខុសច្បាប់ដែលភាគីថៃចាប់បញ្ជូនមកប្រគល់ឱ្យសមត្ថកិច្ចកម្ពុជាតាមច្រកទ្វារអន្តរជាតិប៉ោយប៉ែតហាក់មានការកើនឡើងជាងអំឡុងចុងឆ្នាំ២០១៣សម្រាប់ដើមឆ្នាំ២០១៤នេះ។
ខេត្តបន្ទាយមានជ័យ ៖ ពលករចំណាកស្រុកខុសច្បាប់ដែលភាគីថៃចាប់បញ្ជូនមកប្រគល់ឱ្យសមត្ថកិច្ចកម្ពុជាតាមច្រកទ្វារអន្តរជាតិប៉ោយប៉ែតហាក់មានការកើនឡើងជាងអំឡុងចុងឆ្នាំ២០១៣សម្រាប់ដើមឆ្នាំ២០១៤នេះ។
រថយន្តទ្រុងរបស់ថៃពេលដឹកពលករត្រឡប់មកវិញ គេសង្កេតឃើញញាត់ពលករខ្មែរណែនណាន់តាន់តាប់ មានស្រី មានប្រុស ខុសពីពេលចុងឆ្នាំ២០១៣ ដែលពេលខ្លះមានពលករត្រឹមតែកន្លះរថយន្ត ឬពេលខ្លះក្នុងរថយន្តមានពលករតែ៤ទៅ៥នាក់ប៉ុណ្ណោះ ក្នុងនោះរថយន្តខ្លះក៏មានទាំងកុមារតូចៗផងដែរ។
បញ្ហាការឆ្លងដែនខុសច្បាប់នេះមើលទៅហាក់ពុំមានការថមថយសោះ បើទោះជាស្ថានភាពនៅប្រទេសថៃកំពុងជួបវិបត្តិនយោបាយក៏ដោយ។ ពលករខុសច្បាប់ដែលភាគីថៃចាប់បញ្ជូនតាមច្រកទ្វារអន្តរជាតិប៉ោយប៉ែតក្នុងដើមឆ្នាំ២០១៤នេះ បើតាមប្រភពពីអ្នកចាប់ម៉ូយឱ្យរថយន្តឈ្នួលក៏ដូចជាក្រុមអ្នករកស៊ីប្តូរប្រាក់នៅចំណុចក្បែររង្វង់មូលច្រកទ្វារអន្តរជាតិប៉ោយប៉ែតបានឱ្យដឹងថា មានការកើនឡើងជាងកាលពីអំឡុងចុងឆ្នាំ២០១៣។
ក្រុមពលករទាំងនេះនៅពេលវិលត្រឡប់មកវិញមិនព្រមប្រាប់ពីអត្តសញ្ញាណឡើយ ប៉ុន្តែខ្លះប្រាប់ថា ត្រូវគេចាប់ពេលកំពុងវិលត្រឡប់តាមរថយន្តតូច-ធំរបស់ថៃ ឯខ្លះថា ត្រូវគេចាប់តាមបន្ទាត់ព្រំដែនក្រោយពីឆ្លងពីកម្ពុជាដើម្បីទៅរកការងារធ្វើលើទឹកដីថៃ។
ទោះជាយ៉ាងណាជុំវិញបញ្ហាខាងលើ សមត្ថកិច្ចនគរបាលអន្តោប្រវេសន៍នៅច្រកទ្វារអន្តរជាតិប៉ោយប៉ែតមិនអាចទំនាក់ទំនងសុំការបំភ្លឺបានទេ គឺស្ថាប័នមួយនេះតែងតែនិយាយថា មិនអាចប្រាប់បាន ហើយឱ្យសួរទៅថ្នាក់លើ។
ចែករំលែកព័តមាននេះ