រាជធានីភ្នំពេញ ៖ ក្រុមហ៊ុនធានារ៉ាប់រងអាយុជិវិត មេនូឡាយហ្វ៍ កម្ពុជា បានចូលរួមប្រារព្ធពិធីអបអរទិវាសិទ្ធិនារីអន្តរជាតិ តាមរយៈការរៀបចំសិក្ខាសាលាមួយក្រោមប្រធានបទ ការយល់ដឹង និងវិធានការថែទាំសុខភាព ស្ត្រី និងការរៀបចំផែនការហិរញ្ញវត្ថុថ្ងៃនេះសម្រាប់អនាគតដ៏ប្រសើររបស់ក្រុមគ្រួសារអ្នក ។ពិធីនេះបានធ្វើឡើងកាលពីរសៀលថ្ងៃទី៨ មីនា ២០១៤ នៅសណ្ឋាគារ
រាជធានីភ្នំពេញ ៖ ក្រុមហ៊ុនធានារ៉ាប់រងអាយុជិវិត មេនូឡាយហ្វ៍ កម្ពុជា បានចូលរួមប្រារព្ធពិធីអបអរទិវាសិទ្ធិនារីអន្តរជាតិ តាមរយៈការរៀបចំសិក្ខាសាលាមួយក្រោមប្រធានបទ ការយល់ដឹង និងវិធានការថែទាំសុខភាព ស្ត្រី និងការរៀបចំផែនការហិរញ្ញវត្ថុថ្ងៃនេះសម្រាប់អនាគតដ៏ប្រសើររបស់ក្រុមគ្រួសារអ្នក ។ពិធីនេះបានធ្វើឡើងកាលពីរសៀលថ្ងៃទី៨ មីនា ២០១៤ នៅសណ្ឋាគារឡឺរ៉ូយ៉ាល់ រាជធានីភ្នំពេញ ដោយមានការចូលរួមពីស្ត្រីជាង២០០នាក់ ដើម្បីចែករំលែកបទពិសោធន៍ និងទទួលបាននូវចំណេះដឹងបន្ថែមទាក់ទងនឹងវិធីថែរក្សាសុខភាព ស្ត្រី ការបង្ការជំងឺកាចសាហាវផ្សេងៗ ក៏ដូចជាការទទួលបាននូវវិធីសាស្ត្រនៃការរៀបចំផែនការហិរញ្ញវត្ថុសម្រាប់អនាគតរបស់ពួកគេ ក្នុងការទប់ទល់នឹងហេតុការណ៍ចៃដន្យអាក្រក់ណាមួយ ។
នៅក្នុងប្រទេសកម្ពុជា ស្ត្រីមានតួនាទីយ៉ាងសំខាន់ នៅក្នុងសង្គម ក្នុងការរួមចំណែកអភិវឌ្ឍគ្រួសារ និងប្រទេសជាតិដែលកើតចេញពីការធ្វើពលិកម្មដ៏ច្រើនលើសលុបទាំងកម្លាំងកាយចិត្ត ។ ហើយក្រុមហ៊ុនមេនូឡាយហ្វ៍ កម្ពុជា ក៏មានតួទាទីក្នុងការជួយការពារអនាគតក្រុមគ្រួសារប្រជាជនកម្ពុជា ដោយធានាឱ្យបានថា ប្រជាជនកម្ពុជា នឹងទទួលបាននូវចំណេះដឹងគ្រប់គ្រាន់ក្នុងការថែទាំសុខភាព ការការពារ ខ្លួនពីជំងឺកាចសាហាវនានា និងជាពិសេសការការពារការរៀបចំអនាគតហិរញ្ញវត្ថុសម្រាប់ក្រុមគ្រួសារ ។
លោកពន្លឺ តុលា នាយកផ្នែកគ្រប់គ្រងអតិថិជន និងទីផ្សារនៃក្រុមហ៊ុនមេនូឡាយហ្វ៍ កម្ពុជា បានមានប្រសាសន៍ថា សិក្ខាសាលានាពេលនេះ គឺមានអត្ថន័យណាស់សម្រាប់ក្រុមហ៊ុន មេនូឡាយហ្វ៍ កម្ពុជា ពីព្រោះនៅថ្ងៃនេះ យើងមិនត្រឹមតែចូលរួមអបអរទិវាសិទ្ធិនារីអន្តរជាតិលើកទី១៣០ ប៉ុណ្ណោះទេ តែយើងក៏បានឆ្លើយតបទៅនឹងតម្រូវការរបស់ស្ត្រីកម្ពុជា ដោយផ្ដល់ជូនដល់គន្លឹះដ៏ល្អ ប្រសើរ ក្នុងការថែទាំសុខភាព និងការការពារ ហិរញ្ញវត្ថុក្រុមគ្រួសារផងដែរ ។
ចែករំលែកព័តមាននេះ