រាជធានីភ្នំពេញ ៖ ផ្លូវជុំវិញទីលានប្រជាធិបតេយ្យដែលស្ថិតក្នុងសង្កាត់វត្តភ្នំ ខណ្ឌដូនពេញ ត្រូវបានអាជ្ញាធរអនុញ្ញាតឱ្យធ្វើដំណើរជាធម្មតាវិញហើយ បន្ទាប់ពីមានការប្រមូលផ្តុំកម្មករ កម្មការិនីដែលដឹកនាំដោយសហព័ន្ធសហជីព និងសមាគមទាំង១៨ដែលអាជ្ញាធរចាត់ទុកថា បានបំពានទៅនឹងអ្វីដែលបានព្រមព្រៀងជាមួយសាលារាជធានីភ្នំពេញ ។
រាជធានីភ្នំពេញ ៖ ផ្លូវជុំវិញទីលានប្រជាធិបតេយ្យដែលស្ថិតក្នុងសង្កាត់វត្តភ្នំ ខណ្ឌដូនពេញ ត្រូវបានអាជ្ញាធរអនុញ្ញាតឱ្យធ្វើដំណើរជាធម្មតាវិញហើយ បន្ទាប់ពីមានការប្រមូលផ្តុំកម្មករ កម្មការិនីដែលដឹកនាំដោយសហព័ន្ធសហជីព និងសមាគមទាំង១៨ដែលអាជ្ញាធរចាត់ទុកថា បានបំពានទៅនឹងអ្វីដែលបានព្រមព្រៀងជាមួយសាលារាជធានីភ្នំពេញ ។
មន្ត្រីសាលាខណ្ឌដូនពេញបានឱ្យដឹងថា នៅវេលាម៉ោងជាង៥ល្ងាច ថ្ងៃទី៨ មីនា ២០១៤ ដែលជាថ្ងៃទិវាអន្តរជាតិនារី៨ មីនា ២០១៤ បារ៉ាស់នៅជុំវិញទីលានប្រជាធិបតេយ្យត្រូវបានសមត្ថកិច្ចដកចេញទៅវិញអស់ហើយ ហើយក៏បានអនុញ្ញាតឱ្យធ្វើដំណើរជាធម្មតាវិញដែរ។
គួររំលឹកថា ក្រុមសមត្ថកិច្ច កម្លាំងសណ្តាប់ធ្នាប់ខណ្ឌដូនពេញ បានដាក់បារ៉ាសជុំវិញទីលានប្រជាធិបតេយ្យ មិនអនុញ្ញាតឱ្យក្រុមប្រជាពលរដ្ឋ អង្គការសមាគម សហជីពកម្មករ ធ្វើបាតុកម្មទេ ហើយថែមទាំងដេញប្រជាពលរដ្ឋដែលឈរមើល និងអ្នកសារព័ត៌មានចេញពីទីលានប្រជាធិបតេយ្យ កាលពីវេលាព្រឹកថ្ងៃទី០៨ មីនា ។
ចែករំលែកព័តមាននេះ