រាជធានីភ្នំពេញ ៖ ព្រឹត្តិការណ៍រត់ប្រណាំងពាក់កណ្តាលម៉ារ៉ាតុងអន្តរជាតិលើកទី៣ នៅខេត្តព្រះសីហនុ ក្រោមបាវចនា «រត់ប្រណាំងម៉ារ៉ាតុងដើម្បីការពារធម្មជាតិ សង្គ្រោះផែនដី និងសុខុមាលភាពនៃមនុស្សលោក» នឹងត្រូវចាប់ផ្តើមនៅថ្ងៃអាទិត្យ ទី៩ មីនា ឆ្នាំ២០១៤ ស្អែកនេះហើយ ដោយមានអ្នកចូលរួមប្រមាណជាង២.០០០នាក់ ។
រាជធានីភ្នំពេញ ៖ ព្រឹត្តិការណ៍រត់ប្រណាំងពាក់កណ្តាលម៉ារ៉ាតុងអន្តរជាតិលើកទី៣ នៅខេត្តព្រះសីហនុ ក្រោមបាវចនា «រត់ប្រណាំងម៉ារ៉ាតុងដើម្បីការពារធម្មជាតិ សង្គ្រោះផែនដី និងសុខុមាលភាពនៃមនុស្សលោក» នឹងត្រូវចាប់ផ្តើមនៅថ្ងៃអាទិត្យ ទី៩ មីនា ឆ្នាំ២០១៤ ស្អែកនេះហើយ ដោយមានអ្នកចូលរួមប្រមាណជាង២.០០០នាក់ ។
តាមការឱ្យដឹងពីលោកវ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានថ្លែងថា ការប្រកួតរត់ប្រណាំងរយៈពេលមួយថ្ងៃនេះធ្វើឡើងក្រោមកិច្ចសហប្រតិបត្តិការរវាងគណៈកម្មាធិការជាតិអូឡាំពិកកម្ពុជា សហព័ន្ធខ្មែរអត្តពលកម្មស្ម័គ្រចិត្ត និងបណ្តាក្រុមហ៊ុនមួយចំនួននៅក្នុងស្រុក ជាពិសេសក្រុមហ៊ុនស្រាបៀរអង្គរ ជាអ្នកឧបត្ថម្ភធំជាងគេក្នុងការប្រកួតនេះ ។ អ្នកដែលបានចុះឈ្មោះចូលរួមប្រកួតមានជនបរទេសជាង៣០០នាក់មកពី២១ប្រទេស ក្នុងនោះឥណ្ឌូណេស៊ីមានចំនួនច្រើនជាងគេ បន្ទាប់មកអង់គ្លេស និងអូស្ត្រាលី… ។ ការរត់ប្រណាំងពាក់កណ្តាលម៉ារ៉ាតុងលើកទី៣ នៅខេត្តដែលមានឆ្នេរសមុទ្រស្អាតជាងគេនៅលើពិភពលោកនេះរៀបចំឡើងក្នុងគោលបំណងដើម្បីការពារធម្មជាតិ សង្គ្រោះផែនដី និងសុខុុមាលភាពនៃមនុស្សលោក រកមូលនិធិជួយដល់មន្ទីរពេទ្យកុមារជាតិ និងការអប់រំចំណេះដឹងជាមូលដ្ឋានដល់កុមារា កុមារីដែលខ្វះលទ្ធភាពសិក្សា ព្រមទាំងយុវជនផងដែរ ។
គួររំលឹកថា កាលពីឆ្នាំកន្លងទៅ ព្រឹត្តិការណ៍នេះមានអ្នកចូលរួម១.៤០០នាក់មកពី២១ប្រទេសជុំវិញពិភពលោក ហើយឆ្នាំនេះកើនឡើងច្រើនជាងមុន ព្រោះបើគិតពីការចុះឈ្មោះចូលរួមមកដល់ពេលនេះមានចំនួនរហូតដល់ទៅជាង២.០០០នាក់មកពី២១ប្រទេសដូចគ្នា ។ សូមបញ្ជាក់ថា ចំពោះមហាជន, កីឡាករ, កីឡាការិនី ដែលមានបំណងចូលរួមរត់ពាក់កណ្តាលម៉ារ៉ាតុងនៅខេត្តព្រះសីហនុនេះអាចចុះឈ្មោះតាមរយៈគេហទំព័រ www.sihanokville-marathon.org ឬ www.cambodia-events.org ក៏បាន ឬតាមទូរស័ព្ទលេខ ០២៣ ២១៣ ៥២៥, ០២៣ ២១៦ ២៩៦, ០១៦ ៦២៨ ៧៨៨, ០១៦ ៣៥៥ ០០៥ ។ ខេត្តព្រះសីហនុលេខទូរស័ព្ទ ០៣៤ ៩៣៣ ៦៥៦ ។
សម្រាប់តម្លៃចុះឈ្មោះចូលរួមរត់២១គីឡូម៉ែត្រ (បរទេស៤៥ដុល្លារ, ខ្មែរ១៥ដុល្លារ), ១០គីឡូម៉ែត្រកន្លះ (បរទេស៣៥ដុល្លារ, ខ្មែរ១០ដុល្លារ), រត់កម្សាន្តជាលក្ខណៈគ្រួសារ ៣គីឡូម៉ែត្រ (បរទេស២៥ដុល្លារ, ខ្មែរ៥ដុល្លារ) និងដើរកម្សាន្ត៣គីឡូម៉ែត្រ (បរទេស១៥ដុល្លារ, ខ្មែរ៥ដុល្លារ) ៕
ចែករំលែកព័តមាននេះ