រាជធានីភ្នំពេញ ៖ ការប្រកួតបាល់ទាត់ពានរង្វាន់ Hun Sen Cup ២០១៤ វគ្គ១/៤ ផ្តាច់ព្រ័ត្រ កាលពីថ្ងៃទី៥ មីនា នៅពហុកីឡដ្ឋានជាតិអូឡាំពិក ក្រុមចម្ការកៅស៊ូបឹងកេត បានលត់ក្រុមខេត្តស្វាយរៀងយ៉ាងចាស់ដៃ ដោយលទ្ធផល៥-១ ខណៈក្រុមណាហ្គាខបលេងឈ្នះក្រុមគីរីវង់សុខសែនជ័យ១-០ ទាំងលំបាក ។
រាជធានីភ្នំពេញ ៖ ការប្រកួតបាល់ទាត់ពានរង្វាន់ Hun Sen Cup ២០១៤ វគ្គ១/៤ ផ្តាច់ព្រ័ត្រ កាលពីថ្ងៃទី៥ មីនា នៅពហុកីឡដ្ឋានជាតិអូឡាំពិក ក្រុមចម្ការកៅស៊ូបឹងកេត បានលត់ក្រុមខេត្តស្វាយរៀងយ៉ាងចាស់ដៃ ដោយលទ្ធផល៥-១ ខណៈក្រុមណាហ្គាខបលេងឈ្នះក្រុមគីរីវង់សុខសែនជ័យ១-០ ទាំងលំបាក ។ ចំណែកនៅទីលានស្តាតចាស់ដែលមានតែ១ប្រកួតនោះ ក្រុមបៀលប្រាយយូណាយធីតយកឈ្នះក្រុមភ្នំពេញក្រោន១-០ ខណៈនៅទីលានចែងម៉ែង ក្រុមអគ្គស្នងការដ្ឋាននគរបាលជាតិ លេងឈ្នះក្រុមក្រសួងការពារជាតិ ២ទល់១ ។
សម្រាប់ការប្រកួតពេលនេះ គឺសំខាន់ខ្លាំងណាស់ ព្រោះបើក្រុមណាចាញ់ត្រូវចាកចេញតែម្តង ។ ចំពោះក្រុមដែលត្រូវចាកចេញនៅពេលនេះរួមមាន ក្រុមខ្លាំងភ្នំពេញក្រោន ដែលជាក្រុមធ្លាប់គ្រងតំណែងជើងឯក២រដូវកាលកន្លងមក, ក្រុមខេត្តស្វាយរៀង, ក្រុមគីរីវង់សុខសែនជ័យ និងក្រុមក្រសួងការពារជាតិ ។ ចំណែកក្រុមដែលមានសំណាងបានឡើងទៅលេងនៅវគ្គ១/២ ផ្តាច់ព្រ័ត្របន្តមាន ក្រុមចម្ការកៅស៊ូបឹងកេត, ក្រុមបៀលប្រាយយូណាយធីត, ក្រុមណាហ្គាខប និងក្រុមអគ្គស្នងការដ្ឋាននគរបាលជាតិ ។
ការប្រកួតនឹងបន្តធ្វើនៅថ្ងៃអាទិត្យ ទី៩ មីនា ដោយចាប់ផ្តើមពីម៉ោង១៥និង៣០នាទីតទៅ នៅពហុកីឡដ្ឋានជាតិដែលជាការជួបគ្នារវាងក្រុមចម្ការកៅស៊ូបឹងកេត និងក្រុមបៀលប្រាយយូណាយធីត ។ មួយប្រកួតទៀត ក្រុមណាហ្គាខប ជួបប្រកួតជាមួយក្រុមអគ្គស្នងការដ្ឋាននគរបាលជាតិ នៅវេលាម៉ោង៦ល្ងាច ។
សូមរង់ចាំតាមដានទស្សនាទាំងអស់គ្នា តើក្រុមណាមួយអាចទទួលឋានៈជាក្រុមជើងឯកនារដូវកាលនេះ ?
ចែករំលែកព័តមាននេះ