រាជធានីភ្នំពេញ ៖ ការប្រកួតកីឡាប៉េតង់ជ្រើសរើសជើងឯកថ្នាក់ជាតិប្រចាំឆ្នាំ២០១៤ បានចាប់ផ្តើមប្រកួតជាផ្លូវការហើយ កាលពីថ្ងៃទី៦ មីនា ឆ្នាំ២០១៤ នៅពហុកីឡដ្ឋានជាតិអូឡាំពិក ដែលការប្រកួតនេះនឹងត្រូវបញ្ចប់នៅថ្ងៃទី១៤ មីនាខាងមុខ ។
រាជធានីភ្នំពេញ ៖ ការប្រកួតកីឡាប៉េតង់ជ្រើសរើសជើងឯកថ្នាក់ជាតិប្រចាំឆ្នាំ២០១៤ បានចាប់ផ្តើមប្រកួតជាផ្លូវការហើយ កាលពីថ្ងៃទី៦ មីនា ឆ្នាំ២០១៤ នៅពហុកីឡដ្ឋានជាតិអូឡាំពិក ដែលការប្រកួតនេះនឹងត្រូវបញ្ចប់នៅថ្ងៃទី១៤ មីនាខាងមុខ ។
តាមការឱ្យដឹងពីលោកហ៊ុន សាមុត ប្រធាននាយកដ្ឋានអប់រំកាយ និងកីឡាថា ការប្រកួតនេះគឺមានក្លិប និងសមាគមចូលរួមចំនួន២៥ មកពីទូទាំងប្រទេសរួមមាន ក្លិបកីឡាប៉េតង់ មេធាវីអន្តរជាតិ, ក្លិបប៉េតង់ ភូមិឫស្សី, ក្លិបនាគរាជ, ឆ្លាមសមុទ្រ បញ្ជាការដ្ឋានកងទ័ពជើងទឹក, ឆ្លាមសមុទ្រកងពលលេខ៣១ ខេត្តព្រះសីហនុ, ក្រសួងមហាផ្ទៃ, អគ្គភស្តុភារ និងហិរញ្ញវត្ថុក្រសួងមហាផ្ទៃ, មជ្ឈមណ្ឌលកីឡាកងយោធពលខេមរភូមិន្ទ, គ្រឹះស្ថានបោះពុម្ព និងចែកផ្សាយក្រសួងអប់រំ យុវជន និងកីឡា, ក្រសួងការពារជាតិ, វិទ្យាស្ថាន PSE, យោធភូមិភាគពិសេស, មន្ទីរអប់រំ យុវជន និងកីឡា ខេត្តតាកែវ, ក្លិបបាយ័ន, មន្ទីរអប់រំ យុវជន និងកីឡាខេត្តកណ្តាល, ក្លិបប៉េតង់ អនុវិទ្យាល័យទួលស្លែង, អគ្គលេខាធិការដ្ឋានគណៈ កម្មាធិការជាតិអូឡាំពិកកម្ពុជា, មន្ទីរអប់រំ យុវជន និងកីឡាខេត្តព្រៃវែង, មន្ទីរអប់រំ យុវជន និងកីឡាខេត្តស្វាយរៀង, មន្ទីរអប់រំ យុវជន និងកីឡា ខេត្តកំពង់ចាម, អគ្គភស្តុភារ និងហិរញ្ញវត្ថុ ក្រសួងការពារជាតិ, ក្លិបនាគព័ន្ធ, ទីចាត់ការឃោសនាព័ត៌មានអគ្គបញ្ជាការ, ក្លិបឆ្លាមសមុទ្ររាម និងក្លិបសាលាខេត្តកណ្តាល និងមានអត្តពលិកចូលរួមសរុប៣៣៤នាក់ ក្នុងនោះកីឡាករ២៨៦នាក់, កីឡាការិនី៤៨នាក់ ។
វិញ្ញាសាដែលដាក់ឱ្យប្រកួតរួមមាន វិញ្ញាសាវាយយកពិន្ទុឯកត្តជន បុរស-នារី និងសម្រាប់យុវជន ។ វិញ្ញាសាម្នាក់ទល់ម្នាក់, ២នាក់ទល់២នាក់ និង៣នាក់ទល់៣នាក់ យុវជន ។ ចំពោះក្របខ័ណ្ឌក-១ និងក្របខ័ណ្ឌក-២ វិញ្ញាសាប្រកួតមាន ១ទល់១ បុរស, ១ទល់១ នារី, ២នាក់ទល់២នាក់ បុរស, ២នាក់ទល់២នាក់ នារី, ៣នាក់ទល់៣នាក់ បុរស និង៣នាក់ទល់៣នាក់នារី ៕
ចែករំលែកព័តមាននេះ