ក្រសួងបង្រួបបង្រួមកូរ៉េខាងត្បូងថ្លែងកាលពីថ្ងៃទី៥ មីនា ថា ប្រទេសកូរ៉េខាងត្បូងនឹងអាចប្រើប្រាស់កំពង់ផែកូរ៉េខាងជើងរ៉ាសុន ចាប់ពីឆ្នាំ២០១៥ទៅ ។ក្នុងសន្និសីទសារព័ត៌មានមួយនៅមុខអតីតសមាជិកសភាមួយក្រុម រដ្ឋមន្ត្រីក្រសួងនោះ លោក Ryoo Kihl-Jae ថ្លែងថា ការដឹកជញ្ជូនទំនិញទាំងឡាយកាត់តំបន់រ៉ាសុន នឹងអាចធ្វើទៅបាននារដូវក្តៅ ឆ្នាំ២០១៥ ប្រសិនបើអ្វីៗដំណើរការដូចការ
ក្រសួងបង្រួបបង្រួមកូរ៉េខាងត្បូងថ្លែងកាលពីថ្ងៃទី៥ មីនា ថា ប្រទេសកូរ៉េខាងត្បូងនឹងអាចប្រើប្រាស់កំពង់ផែកូរ៉េខាងជើងរ៉ាសុន ចាប់ពីឆ្នាំ២០១៥ទៅ ។ក្នុងសន្និសីទសារព័ត៌មានមួយនៅមុខអតីតសមាជិកសភាមួយក្រុម រដ្ឋមន្ត្រីក្រសួងនោះ លោក Ryoo Kihl-Jae ថ្លែងថា ការដឹកជញ្ជូនទំនិញទាំងឡាយកាត់តំបន់រ៉ាសុន នឹងអាចធ្វើទៅបាននារដូវក្តៅ ឆ្នាំ២០១៥ ប្រសិនបើអ្វីៗដំណើរការដូចការគ្រោងទុក ។
រដ្ឋមន្ត្រីរូបនេះបន្តថា កាលពីដើមខែកុម្ភៈ បណ្តាសហគ្រាសកូរ៉េខាងត្បូង បានទៅធ្វើទស្សនកិច្ចមួយនៅរ៉ាសុន ហើយប្រសិនបើគម្រោងកិច្ចសហប្រតិបត្តិការនោះដើរទៅមុខដោយរលូននោះ គេនឹងឃើញនូវការរីកចម្រើនធំមួយនាខែកញ្ញា ខាងមុខនេះ ។
បណ្តាក្រុមហ៊ុនកូរ៉េខាងត្បូងបានចូលរួមក្នុងគម្រោងរួមនៃការអភិវឌ្ឍ Rason-Khassan រវាងក្រុងព្យុងយ៉ាង និងក្រុងមូស្គូ ។ គម្រោងនោះត្រូវបានលើកឡើងសម្រាប់អភិវឌ្ឍតំបន់ Rason ជាតំបន់មួយស្ថិតនៅភាគឦសានកូរ៉េខាងជើងឱ្យក្លាយជាមជ្ឈមណ្ឌលផ្លាស់ប្តូរទំនិញទៅកាន់តំបន់ស៊ីបេរី រុស្ស៊ី ។
រដ្ឋាភិបាលកូរ៉េខាងត្បូងមានគម្រោងភ្ជាប់កំពង់ផែកូរ៉េខាងជើងនោះទៅនឹងកំពង់ផែ២របស់កូរ៉េខាងត្បូង គឺកំពង់ផែប៉ូហាំង និងកំពង់ផែប៊ូសាន ។រដ្ឋមន្ត្រីបង្រួបបង្រួម កូរ៉េខាងត្បូងក៏សម្តែងការអបអរសាទរផងដែរចំពោះការរីកចម្រើននាពេលថ្មីៗនេះ ក្នុងទំនាក់ទំនងអន្តរកូរ៉េ ។លោកមានប្រសាសន៍ថា ក្រុងសេអ៊ូលនឹងធ្វើការចរចានានា ព្រមទាំងរួមសហការរវាងកូរ៉េទាំង២ ដើម្បីផលប្រយោជន៍ទៅវិញទៅមករបស់ប្រទេសទាំង២ ហើយជួយបង្កើតទំនុកចិត្តគ្នារវាងកូរ៉េទាំង២ ៕
ចែករំលែកព័តមាននេះ