នាយករដ្ឋមន្ត្រីចិនលោកលី កេឈាំង បានថ្លែងកាលពីថ្ងៃពុធថា ប្រទេសចិនបានកំណត់គោលដៅកំណើនGDPសម្រាប់ឆ្នាំ២០១៤នេះត្រឹម៧,៥% ពោលគឺដូចគ្នានឹងឆ្នាំ២០១៣ដែរ ហើយនឹងរក្សាអតិផរណាទំនិញប្រើប្រាស់ត្រឹម៣,៥% ។ នេះបើយោងតាមសារព័ត៌មានរដ្ឋចិនស៊ិនហួ ដែលចេញផ្សាយកាលពីថ្ងៃពុធ ។
នាយករដ្ឋមន្ត្រីចិនលោកលី កេឈាំង បានថ្លែងកាលពីថ្ងៃពុធថា ប្រទេសចិនបានកំណត់គោលដៅកំណើនGDPសម្រាប់ឆ្នាំ២០១៤នេះត្រឹម៧,៥% ពោលគឺដូចគ្នានឹងឆ្នាំ២០១៣ដែរ ហើយនឹងរក្សាអតិផរណាទំនិញប្រើប្រាស់ត្រឹម៣,៥% ។ នេះបើយោងតាមសារព័ត៌មានរដ្ឋចិនស៊ិនហួ ដែលចេញផ្សាយកាលពីថ្ងៃពុធ ។
លោកលីបានថ្លែងថា រដ្ឋាភិបាលនឹងជំរុញកំណែទម្រង់អត្រាប្តូរប្រាក់យន់ ។ ការដោះដូរប្រាក់យន់នៅលើគណនីមូលធននឹងត្រូវបានផ្ទេរហើយកំណើនការផ្គត់ផ្គង់ប្រាក់នឹងរក្សាត្រឹម១៣% ។ រដ្ឋាភិបាលក៏រៀបផែនការថវិកាសម្រាប់ឆ្នាំ២០១៤នេះចំនួន១៥,៣លានលានយន់(២,៥លានលានដុល្លារ) ដែលនឹងបង្កើនឱនភាពប្រហែល២,១%នៃGDP ។
ភ្នាក់ងាររៀបចំផែនការសេដ្ឋកិច្ចកំពូលក្នុងប្រទេសនិយាយនៅក្នុងរបាយការណ៍ទៅកាន់សភាថា រដ្ឋាភិបាលនឹងកំណត់ទិសដៅកំណើនប្រចាំឆ្នាំចំនួន១៧,៥%នៅក្នុងការវិនិយោគទ្រព្យសកម្មជាប់លាប់(Fixed Asset) និងកំណើនការលក់រាយចំនួន១៤,៥%នៅក្នុងឆ្នាំ២០១៤នេះ ។ចិនដែលជាប្រទេសមានសេដ្ឋកិច្ចធំបំផុតទីពីរលើពិភពលោកបានទទួលកំណើនសេដ្ឋកិច្ច៧,៧%កាលពីឆ្នាំ២០១៣ ជាកំណើនមួយថេរបើធៀបនឹងបណ្តាឆ្នាំកន្លងទៅ ហើយនេះជាកំណើនមួយទាបបំផុតដែលចិនមិនដែលធ្លាប់ជួបប្រទះគិតចាប់ពីឆ្នាំ១៩៩៩មក ៕
ចែករំលែកព័តមាននេះ