ប្រេងឆៅបានធ្លាក់ថ្លៃវិញក្រោយពីវិបត្តិនៅប្រទេសអ៊ុយក្រែនបានធូរស្រាលបង្កឲ្យមានក្តីបារម្ភដល់ការអាក់ខានក្នុងការផ្គត់ផ្គង់ ។
តម្លៃប្រេងឆៅប្រភេទWest Texas Intermediate សម្រាប់ចែកចាយខែមេសា នៅទីក្រុងញូវយ៉កបានធ្លាក់ចុះ១,៥៩ដុល្លារបិទបញ្ចប់ត្រឹម១០៣,៣៣ដុល្លារក្នុងមួយបារ៉ែលនៅក្នុងទីផ្សារជួញដូរNew York Mercantile Exchange ។ចំណែកប្រេងឆៅ
ប្រេងឆៅបានធ្លាក់ថ្លៃវិញក្រោយពីវិបត្តិនៅប្រទេសអ៊ុយក្រែនបានធូរស្រាលបង្កឲ្យមានក្តីបារម្ភដល់ការអាក់ខានក្នុងការផ្គត់ផ្គង់ ។
តម្លៃប្រេងឆៅប្រភេទWest Texas Intermediate សម្រាប់ចែកចាយខែមេសា នៅទីក្រុងញូវយ៉កបានធ្លាក់ចុះ១,៥៩ដុល្លារបិទបញ្ចប់ត្រឹម១០៣,៣៣ដុល្លារក្នុងមួយបារ៉ែលនៅក្នុងទីផ្សារជួញដូរNew York Mercantile Exchange ។ចំណែកប្រេងឆៅអង់គ្លេសBrent North Seaសម្រាប់ចែកចាយខែមេសា បានធ្លាក់ចុះ១,៩០ដុល្លារមកនៅត្រឹម១០៩,៣០ដុល្លារក្នុងមួយបារ៉ែលនៅក្នុងទីផ្សារចែកចាយIntercontinen tal Exchange នៅទីក្រុងឡុង ។
កាលពីថ្ងៃចន្ទកន្លងទៅ តម្លៃប្រេងឆៅបានឡើងខ្ពស់ចំពេលមានភាពជាប់គាំងធ្ងន់ធ្ងររវាងប្រទេសរុស្ស៊ី និងលោកខាងលិចស្តីពីប្រទេសអ៊ុយក្រែន ទីដែលកងកម្លាំងគាំទ្រវិមានក្រឹមឡាំងបានគ្រប់គ្រងប្រជុំកោះគ្រីមៀចាប់តាំងពីចុងសប្តាហ៍មុន ។ ប៉ុន្តែកាលពីថ្ងៃអង្គារតម្លៃប្រេងឆៅសម្រាប់ចែកចាយនាពេលអនាគតបានធ្លាក់ថ្លៃវិញនៅគ្រាដែលលោកប្រធានាធិបតីរុស្ស៊ីវ្លាឌីមៀ ពូទីន ប្រកាសថា មិនចាំបាច់មានការបញ្ជូនទ័ពចូលទៅប្រទេសអ៊ុយក្រែនទេ ។
ដោយផលិតប្រេងបានជាង១០លានបារ៉ែលក្នុងមួយថ្ងៃកាលពីខែមករា រុស្ស៊ីបានប្រជែងជាមួយប្រទេសអារ៉ាប៊ីសាអូឌីតក្នុងនាមជាប្រទេសផលិតប្រេងឆៅធំបំផុតនៅលើពិភពលោក ហើយជាប្រទេសផលិតឧស្ម័នធម្មជាតិធំបំផុតទីពីរនៅលើពិភពលោក ។ ប្រេង និងឧស្ម័នរបស់ខ្លួនជាង៧០%ត្រូវបាននាំចេញទៅកាន់អឺរ៉ុបកាត់តាមប្រទេសអ៊ុយក្រែន ៕
ចែករំលែកព័តមាននេះ