ខេត្តកំពង់ឆ្នាំង ៖ បុរសម្នាក់បានរងរបួសធ្ងន់ដោយសារយុវជនម្នាក់ទៀតវាយក្បាលនឹងកូនសោធ្វើរថយន្តលេខ១៩ចំកណ្តាលក្បាលបណ្តាលឱ្យរយះដេរ៧ថ្នេរ ខណៈពួកគេមានជម្លោះគ្នាក្នុងពេលផឹកស៊ី។ ហេតុការណ៍នេះបានកើតឡើងកាលពីវេលាម៉ោង១០ និង៣០នាទីយប់ ថ្ងៃទី៣ មីនា ២០១៤ នៅភូមិបា.ញ់ឆ្គោល ឃុំជ្រៃបាក់ ស្រុករលាប្អៀរ ។
ខេត្តកំពង់ឆ្នាំង ៖ បុរសម្នាក់បានរងរបួសធ្ងន់ដោយសារយុវជនម្នាក់ទៀតវាយក្បាលនឹងកូនសោធ្វើរថយន្តលេខ១៩ចំកណ្តាលក្បាលបណ្តាលឱ្យរយះដេរ៧ថ្នេរ ខណៈពួកគេមានជម្លោះគ្នាក្នុងពេលផឹកស៊ី។ ហេតុការណ៍នេះបានកើតឡើងកាលពីវេលាម៉ោង១០ និង៣០នាទីយប់ ថ្ងៃទី៣ មីនា ២០១៤ នៅភូមិបាញ់ឆ្គោល ឃុំជ្រៃបាក់ ស្រុករលាប្អៀរ ។
យោងតាមរបាយការណ៍ប៉ូលិសមូលដ្ឋានបានឱ្យដឹងថា បុរសរងគ្រោះឈ្មោះវ៉ាន់ អែល ហៅញ៉ អាយុ២៩ឆ្នាំ ចំណែកជនដៃដល់ឈ្មោះរ៉ែន សុខនឿន អាយុ២៥ឆ្នាំ ទាំង២នាក់មានទីលំនៅភូមិបាញ់ឆ្គោលជាមួយគ្នា។
មូលហេតុដែលឈានដល់ការប្រើហិង្សានេះដោយសារជនដៃដល់ខឹងជនរងគ្រោះជេររូបគេរហូតទ្រាំលែងបានក៏ស្ទុះទៅយកកូនសោមួលខ្ចៅរថយន្តលេខ១៩ទៅវាយជនរងគ្រោះចំនួន៣កូនសោ ចំភ្លៅ ចង្កេះ និងក្បាលរយះដេរ៧ថ្នេរ។
នៅព្រឹកថ្ងៃទី៤ មីនា ២០១៤ ជនដៃដល់បានព្យាយាមគេចខ្លួន តែត្រូវមន្ត្រីប៉ូលិសព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ត ស្ទាក់ចាប់បាននៅជិតវិមានឯករាជ្យ ហើយបានកសាងសំណុំរឿងបញ្ជូនទៅតុលាការចាត់ការតាមនីតិវិធី។
តាមព័ត៌មានក្រៅផ្លូវការបាននិយាយថា ជនរងគ្រោះ និងជនដៃដល់ជាបងប្អូនជីដូនមួយសាច់ថ្លៃគ្នា ហើយបានសម្រួលគ្នានៅត្រឹមស្រុកដើម្បីបញ្ចប់រឿង តែដោយសារជនរងគ្រោះទារជំងឺចិត្ត និងថ្លៃព្យាបាលរបួសដល់ទៅ៥ពាន់ដុល្លារទើបរឿងនេះអនុវត្តទៅតាមនីតិវិធីច្បាប់វិញ ៕
ចែករំលែកព័តមាននេះ