កាលពីពេលថ្មីៗកន្លងទៅនេះ សមាគមកីឡាប្រដាល់អន្តរជាតិ (AIBA) បានប្រកាសថាបម្រាមរបស់សហព័ន្ធកីឡាប្រដាល់ឥណ្ឌា (IBF) នឹងនៅតែបន្តសុពលភាព ពោលគឺរហូតដល់សហព័ន្ធនេះអាចរកបានមន្ត្រីស្អាតស្អំ និងស្មោះត្រង់មកធ្វើជាអ្នកដឹកនាំ ។
នៅក្នុងសេចក្តីថ្លែងការណ៍មួយ លោក Ching-Kuo Wu ប្រធានសមាគម AIBA បានបញ្ជាក់ថា ៖ «ក្នុងនាមជាប្រធាន និងតាង
កាលពីពេលថ្មីៗកន្លងទៅនេះ សមាគមកីឡាប្រដាល់អន្តរជាតិ (AIBA) បានប្រកាសថាបម្រាមរបស់សហព័ន្ធកីឡាប្រដាល់ឥណ្ឌា (IBF) នឹងនៅតែបន្តសុពលភាព ពោលគឺរហូតដល់សហព័ន្ធនេះអាចរកបានមន្ត្រីស្អាតស្អំ និងស្មោះត្រង់មកធ្វើជាអ្នកដឹកនាំ ។
នៅក្នុងសេចក្តីថ្លែងការណ៍មួយ លោក Ching-Kuo Wu ប្រធានសមាគម AIBA បានបញ្ជាក់ថា ៖ «ក្នុងនាមជាប្រធាន និងតាងនាមឱ្យសមាជិកសមាគមទាំងអស់ ខ្ញុំសូមសម្តែងនូវការសោកស្តាយ និងក្រៀមក្រំយ៉ាងខ្លាំងដែលយើងបានសម្រេចចិត្តបែបនេះ ។
សមាគមAIBA តែងតែបានចាត់ទុកប្រទេសឥណ្ឌាជាសមាជិកដ៏សំខាន់នៅក្នុងគ្រួសាររបស់យើង ។ ប៉ុន្តែសម្រាប់ពួកយើង វាបានក្លាយទៅរឿងដែលមិនអាចទ្រាំទ្របាន ។ ការឈឺចាប់ និងការរងទុក្ខទោសដែលបណ្តាកីឡាករប្រដាល់ ក៏ដូចជាគ្រួសារប្រដាល់នៅប្រទេសឥណ្ឌាទទួលបានក្នុងរយៈពេលកន្លងមកនៅក្រោមការដឹកនាំពីអតីតកាលក៏ដូចជាបច្ចុប្បន្ន បានបំផ្លាញដល់មុខមាត់ កិត្តិយស រួមទាំងចំណាប់អារម្មណ៍របស់មនុស្សទូទៅលើវិស័យកីឡាប្រដាល់ក្នុងប្រទេសនេះ»។
សូមរំលឹកថា សហព័ន្ធកីឡាប្រដាល់ឥណ្ឌាបានជាប់បម្រាមចាប់តាំងពីខែធ្នូ ឆ្នាំ២០១២ មកម៉្លេះ ពោលគឺបន្ទាប់ពីសហព័ន្ធនេះមិនប្រតិបត្តិតាមនិតិវិធីច្បាប់ឱ្យបានត្រឹមត្រូវអំឡុងការបោះឆ្នោតជ្រើសរើសលោក Abhay Singh Chautalaធ្វើជាប្រធាន ។ មួយវិញទៀត ការបោះឆ្នោតឱ្យលោកChautala ធ្វើជាប្រធានសមាគមកីឡាអូឡាំពិក របស់ឥណ្ឌាក្នុងសប្តាហ៍ជាមួយគ្នាក៏ បាននាំឱ្យគណៈកម្មាធិការអូឡាំពិកអន្តរជាតិព្យួរសមាជិកភាពសមាគមអូឡាំពិកឥណ្ឌា ។ ទោះជាយ៉ាងណា កាលពីខែមុន គណៈកម្មាធិការអូឡាំពិកអន្តរជាតិបានលុបចោលបម្រាមនោះវិញហើយ។
លោក Wu បាននិយាយថា ៖ «វាត្រូវបានគេជឿថា មធ្យោបាយតែមួយគត់ដើម្បីស្តារមុខមាត់ និងប្រជាប្រិយភាពកីឡាប្រដាល់នៅប្រទេសឥណ្ឌាឡើងវិញ គឺត្រូវតែស្វែងរកមនុស្សស្អាតស្អំ ស្មោះត្រង់គួរឱ្យជឿជាក់បាន ជាពិសេសអ្នកដែលស្រឡាញ់វិស័យកីឡានេះមកគ្រប់គ្រង និងដឹកនាំ»។ ដោយឡែក សម្រាប់បណ្តាគ្រូបង្ហាត់ និងកីឡាករ/កីឡាការិនីប្រដាល់ឥណ្ឌាទាំងអស់នៅតែអាចទៅចូលរួមប្រកួតជាលក្ខណៈអន្តរជាតិបាន ប៉ុន្តែស្ថិតនៅក្រោមទង់របស់សមាគមកីឡាប្រដាល់អន្តរជាតិ (AIBA) ៕
ចែករំលែកព័តមាននេះ