ហ្វ្លយ មេវេដឌ័របាននិយាយថា ខ្លួននឹងឡើងសង្វៀនប្រកួតជាមួយ អាមៀ ខាន់ ប្រសិនជាកីឡាករអង់គ្លេសរូបនេះអាចផ្តួលកីឡាករអាមេរិក Adrien Broner នៅខែឧសភាខាងមុខ ។ តាមរយៈគេហទំព័រ Twitter មេវេដឌ័រ បានបញ្ជាក់ថា ៖ «ប្រសិនបើអ្នកឯង (អាមៀ ខាន់) និងកីឡាករ Broner បញ្ចប់ការប្រកួតក្នុងថ្ងៃជាមួយខ្ញុំ ដោយអ្នកឯងជាអ្នកដណ្តើមបានជ័យជម្នះ ច្បាស់ណាស់ ខ្ញុំនឹង
ហ្វ្លយ មេវេដឌ័របាននិយាយថា ខ្លួននឹងឡើងសង្វៀនប្រកួតជាមួយ អាមៀ ខាន់ ប្រសិនជាកីឡាករអង់គ្លេសរូបនេះអាចផ្តួលកីឡាករអាមេរិក Adrien Broner នៅខែឧសភាខាងមុខ ។ តាមរយៈគេហទំព័រ Twitter មេវេដឌ័រ បានបញ្ជាក់ថា ៖ «ប្រសិនបើអ្នកឯង (អាមៀ ខាន់) និងកីឡាករ Broner បញ្ចប់ការប្រកួតក្នុងថ្ងៃជាមួយខ្ញុំ ដោយអ្នកឯងជាអ្នកដណ្តើមបានជ័យជម្នះ ច្បាស់ណាស់ ខ្ញុំនឹងឡើងសង្វៀនប្រកួតជាមួយអ្នកឯង»។
អាមៀ ខាន់ វ័យ២៧ឆ្នាំ សង្ឃឹមទទួលបានឱកាសឡើងប្រកួតដណ្តើមតំណែងអ្នកខ្លាំងលើខ្លាំងលំដាប់ទី១ ជាមួយកីឡាករ Broner នៅថ្ងៃទី៣ ខែឧសភាខាងមុខនាសង្វៀនក្រុងឡាសវេហ្គាស បន្ទាប់ពីរូបគេត្រូវក្រុមអ្នកគាំទ្រវិស័យកីឡាប្រដាល់បោះឆ្នោតជ្រើសរើសជាគូប្រកួតបន្ទាប់របស់ ហ្វ្លយ មេវេដឌ័រ ។ ទោះជាយ៉ាងណា មេវេដឌ័រ បានជ្រើសរើសយកកីឡាករម៉ាកូស មេដាណា ជំនួសរូបគេ ។ បញ្ហានោះបាននាំឱ្យ អាមៀ ខាន់ រិះគន់មេវេដឌ័រ ថា ជ្រើសយកជម្រើសងាយស្រួល ។
កាលពីខែធ្នូឆ្នាំកន្លងទៅ អាមៀ ខាន់ បានចុះហត្ថលេខាលើកុងត្រាមួយ និងសង្ឃឹមថា ខ្លួនគេអាចទទួលបានឱកាសជួបប្រកួតជាមួយ មេវេដឌ័រ ។ យ៉ាងណាក៏ដោយ ក្តីរំពឹងនោះត្រូវបានរលាយបាត់បន្ទាប់ពីរូបគេត្រូវបានផ្គូផ្គងឱ្យជួប Broner ក្នុងថ្ងៃ និងលើសង្វៀនតែមួយជាមួយមេវេដឌ័រ ។ ក្រុមមេវេដឌ័របានដាក់លក្ខខណ្ឌទៅអាមៀ ខាន់ថា មុននឹងនិយាយពីការជួបជាមួយមេវេដឌ័រ រូបគេត្រូវតែយកឈ្នះការប្រកួតនៅថ្ងៃទី៣ ខែឧសភាជាមុនសិន ។
មើលលើឯតទគ្គកម្មប្រកួតវិញ អាមៀ ខាន់នៅក្នុងការប្រកួត៣១លើក គឺគេឈ្នះ២៨ ចាញ់៣ មិនដែលស្មើ និងធ្លាប់ផ្តួលដៃគូឱ្យសន្លប់បានចំនួន២០លើក ។ ចំណែកមេវេដឌ័រ វិញ នៅក្នុង៤៥ប្រកួតគឺមិនដែលចាញ់ម្តងណាឡើយ និងធ្លាប់ផ្តួលដៃគូឱ្យសន្លប់បានចំនួន២៦លើកផងដែរ៕
ចែករំលែកព័តមាននេះ