រាជធានីភ្នំពេញ ៖ មេតុងទីនម្នាក់ឈ្មោះ សៅ សុគន្ធា ហៅភាព ភេទស្រី អាយុ២៩ឆ្នាំ មានទីលំនៅក្នុងភូមិចំពុះក្អែក សង្កាត់ព្រែកថ្មី ខណ្ឌមានជ័យ ត្រូវបានសមាជិកតុងទីនម្នាក់ឈ្មោះ អុឹង សុធារូ ភេទស្រី អាយុជាង៥០ឆ្នាំ ដាក់ពាក្យបណ្តឹង ហើយត្រូវនគរបាលព្រហ្មទណ្ឌក្រសួងមហាផ្ទៃ ហៅមកដើម្បីដោះស្រាយ ដោយមានទាំងសមាជិកតុងទីន ដែលគាំទ្រមកជាមួយជាង១០នាក់ផង ។
រាជធានីភ្នំពេញ ៖ មេតុងទីនម្នាក់ឈ្មោះ សៅ សុគន្ធា ហៅភាព ភេទស្រី អាយុ២៩ឆ្នាំ មានទីលំនៅក្នុងភូមិចំពុះក្អែក សង្កាត់ព្រែកថ្មី ខណ្ឌមានជ័យ ត្រូវបានសមាជិកតុងទីនម្នាក់ឈ្មោះ អុឹង សុធារូ ភេទស្រី អាយុជាង៥០ឆ្នាំ ដាក់ពាក្យបណ្តឹង ហើយត្រូវនគរបាលព្រហ្មទណ្ឌក្រសួងមហាផ្ទៃ ហៅមកដើម្បីដោះស្រាយ ដោយមានទាំងសមាជិកតុងទីន ដែលគាំទ្រមកជាមួយជាង១០នាក់ផង ។ ហេតុការណ៍នេះ កើតឡើងកាលពីវេលាម៉ោង១០ និង៣០នាទីព្រឹក ថ្ងៃទី៣ មីនា នៅខាងមុខក្រសួងមហាផ្ទៃ ក្នុងសង្កាត់ទន្លេបាសាក់ ខណ្ឌចំការមន ។
ស្ត្រីឈ្មោះ សៅ សុគន្ធា ហៅភាព ដែលជាមេតុងទីនរូបនេះ មានសមាជិកលេងរាប់ពាន់នាក់ ត្រូវបានសមាជិកម្នាក់ ដាក់ពាក្យបណ្តឹង និងកោះហៅមកកាន់ការិយាល័យព្រហ្មទណ្ឌក្រសួងមហាផ្ទៃ ដើម្បីដោះស្រាយរឿងប្រាក់តុងទីនដែលនៅជំពាក់ ។ ប្រភពព័ត៌មានពីម្តាយរបស់ស្ត្រីមេតុងទីនឈ្មោះ គង់ ឆេង អាយុ៥២ឆ្នាំ ឱ្យដឹងថា កូនរបស់គាត់បានប្រកបរបរជាមេតុងទីននេះជាច្រើនឆ្នាំមកហើយ មិនដែលមានបញ្ហាអ្វីកើតឡើងទេ ដោយមានការដេញជាប្រចាំថ្ងៃក៏មានជាប្រចាំសប្តាហ៍ក៏មាន និងមានជាច្រើនក្បាលទៀត ។ ហេតុដែលកូនស្រីរបស់គាត់ត្រូវសមាជិកតុងទីនម្នាក់ប្តឹងនៅពេលនេះ ដោយសារតែសមាជិកតុងទីនជាច្រើននាក់ បានបោកប្រាក់កូនស្រីគាត់រត់ទៅបាត់ មិនព្រមបង់បន្ត ទើបបានជាខ្វះប្រាក់បង្វិលឱ្យសមាជិកមិនទាន់ពេលវេលា ហើយតុងទីននេះដែរ មានអ្នកលេងរហូតជាង១ពាន់នាក់ ជាច្រើនក្បាល គឺចាប់ពីមួយក្បាល៣.០០០រៀល ដល់៤ម៉ឺនរៀល និងធ្វើការបង់រៀងរាល់ថ្ងៃ និងរាល់សប្តាហ៍ រហូតដល់២០ដុល្លារ បង់ក្នុង១ខែម្តងក៏មានដែរ ។
ស្ត្រីជាម្តាយមេតុងទីនរូបនេះបន្តថា ចំណែកសមាជិកតុងទីនដែលប្តឹងនេះ លេងប្រមាណជា១០ក្បាល និងបានទិញយកឈ្មោះអ្នកដែលលេងមុនៗច្រើនក្បាលទៀត ហើយទទួលបានការប្រាក់ចំនួនជាង១លាន៨០ម៉ឺនរៀលក្នុងមួយថ្ងៃជាប្រចាំ ឬក៏អាចលើសពីនេះទៅទៀត ។
ប្រភពព័ត៌មានពីម្តាយស្ត្រីជាមេតុងទីន និយាយទៀតថា ស្ត្រីម្នាក់ជាសមាជិកតុងទីនដែលដាក់ពាក្យបណ្តឹងរូបនេះ បានរឹបអូសយកប្លង់ដីរបស់គាត់ដែលមានតម្លៃប្រមាណ៥ម៉ឺនដុល្លារ ហើយតាមពិតទៅ សមាជិកតុងទីនក៏បានជំពាក់មេប្រមាណ២០ម៉ឺនដុល្លារដែរ ។
ដោយឡែក សមាជិកតុងទីនដែលតាមគាំទ្រមេតុងទីនមកដល់មុខក្រសួងមហាផ្ទៃ និយាយថា បានជាពួកគេតាមមកដល់ទីនេះ ដោយសារតែមានការភ័យខ្លាចចាប់ខ្លួនមេតុងទីន ដែលធ្វើឱ្យពួកគាត់ខាតបង់យ៉ាងច្រើន ព្រោះតុងទីនដែលពួកគាត់លេងនោះមិនទាន់បានដេញ១ក្បាលណាទេ ។ នៅវេលាម៉ោងជាង១រសៀល មេតុងទីនក៏ត្រូវបានអនុញ្ញាតឱ្យត្រឡប់ទៅផ្ទះវិញ តែក៏តម្រូវឱ្យមកបំភ្លឺសមត្ថកិច្ចម្តងទៀតនៅថ្ងៃស្អែក៕
ចែករំលែកព័តមាននេះ