សន្និសីទពិគ្រោះនយោបាយរបស់ប្រជាជនចិន CCPPC បានសន្យាកាលពីថ្ងៃទី២ មីនា ដើរតួនាទីកាន់តែធំមួយក្នុងការជំរុញដំណើរការកែទម្រង់បច្ចុប្បន្នរបស់ប្រទេស ។លោក LYU XINHUA អ្នកនាំពាក្យនៃសម័យប្រជុំប្រចាំឆ្នាំនៃគណៈកម្មាធិការជាតិរបស់ CCPPC ក្នុងសន្និសីទសារព័ត៌មានមួយកាលពីថ្ងៃទី២ មីនា នៅក្រុងប៉េកាំងគូសបញ្ជាក់ថា គណៈកម្មាធិការជាតិនៃ CCPPC គាំទ្រពេញទំហឹង
សន្និសីទពិគ្រោះនយោបាយរបស់ប្រជាជនចិន CCPPC បានសន្យាកាលពីថ្ងៃទី២ មីនា ដើរតួនាទីកាន់តែធំមួយក្នុងការជំរុញដំណើរការកែទម្រង់បច្ចុប្បន្នរបស់ប្រទេស ។លោក LYU XINHUA អ្នកនាំពាក្យនៃសម័យប្រជុំប្រចាំឆ្នាំនៃគណៈកម្មាធិការជាតិរបស់ CCPPC ក្នុងសន្និសីទសារព័ត៌មានមួយកាលពីថ្ងៃទី២ មីនា នៅក្រុងប៉េកាំងគូសបញ្ជាក់ថា គណៈកម្មាធិការជាតិនៃ CCPPC គាំទ្រពេញទំហឹងចំពោះការខិតខំប្រឹងប្រែងទាំងឡាយរបស់ក្រុមថ្នាក់ដឹកនាំកណ្តាល ដើម្បីការកែទម្រង់ជាសាកលដឹកនាំដោយប្រធានាធិបតីចិនលោកស៊ី ជីនពីង ។
លោក LYU XINHUA ថ្លែងថា គណៈកម្មាធិការជាតិនៃ CCPPC នឹងផ្តល់សារសំខាន់ដ៏ធំមួយចំពោះបណ្តាសំណើដាក់ដោយបណ្តាគណៈកម្មាធិការជាតិពិសេស ដែលរួមមានបណ្តាអ្នកជំនាញការល្បីៗក្នុងវិស័យផ្សេងៗដើម្បីជួយប្រទេសឱ្យប្រកាន់យកបណ្តាផែនការកែទម្រង់ពេញលេញ ដែលលើកឡើងក្នុងឱកាសសន្និបាតពេញអង្គលើកទី៣ របស់គណៈកម្មាធិការកណ្តាលបក្សកុំមុយនីស្តចិននីតិកាលទី១៨ ។
លោក LYU XINHUA បញ្ជាក់ថា ការកែទម្រង់គឺជាភារកិច្ចមួយសម្រាប់សង្គមទាំងមូល ហើយទាក់ទិនដល់ផលប្រយោជន៍របស់ផ្នែកជាច្រើន ។ CCPPC នឹងបំពេញបណ្តាកាតព្វកិច្ចរបស់ខ្លួន ហើយនឹងជួយលើកទឹកចិត្តដល់បណ្តាសមាជិកឱ្យស្វែងយល់ច្បាស់ ហើយជួយទ្រទ្រង់ដល់ការកែទម្រង់ ។ សម័យប្រជុំប្រចាំឆ្នាំនៃគណៈកម្មាធិការជាតិរបស់ CCPPC ចាប់ផ្តើមពីរសៀលថ្ងៃទី៣ មីនា ទៅ ៕
ចែករំលែកព័តមាននេះ