កីឡាការិនីអាមេរិក Paula Creamer បានក្លាយជាអ្នកវាយបំបែកកញ្ចប់ថវិកា១លាន និង៤សែនដុល្លារអាមេរិករបស់កម្មវិធី HSBC Women’s Champions ក្រោយពីសម្រេចបានដោយជោគជ័យនូវការវាយបញ្ចូលរន្ធយកពិន្ទុ Eagle ចម្ងាយ ៧៥ហ្វូ៊តនៅឡូទី២ក្នុងវគ្គកាត់សេចក្តីចុងក្រោយឬ Playoff កាលពីថ្ងៃអាទិត្យទី២ខែមីនាម្សិលមិញ ។ ការប្រកួតត្រូវបានរៀបចំធ្វើនៅទីលានវាយកូន
កីឡាការិនីអាមេរិក Paula Creamer បានក្លាយជាអ្នកវាយបំបែកកញ្ចប់ថវិកា១លាន និង៤សែនដុល្លារអាមេរិករបស់កម្មវិធី HSBC Women’s Champions ក្រោយពីសម្រេចបានដោយជោគជ័យនូវការវាយបញ្ចូលរន្ធយកពិន្ទុ Eagle ចម្ងាយ ៧៥ហ្វូ៊តនៅឡូទី២ក្នុងវគ្គកាត់សេចក្តីចុងក្រោយឬ Playoff កាលពីថ្ងៃអាទិត្យទី២ខែមីនាម្សិលមិញ ។ ការប្រកួតត្រូវបានរៀបចំធ្វើនៅទីលានវាយកូនគោលស្ថិតក្នុងប្រទេសសិង្ហបុរី ។
Creamer វ័យ២៧ឆ្នាំដែលនឹងចូលរោងការក្នុងពេលឆាប់ៗខាងមុខនេះបញ្ចប់ជុំផ្តាច់ព្រ័ត្រក្នុងលទ្ធផលពិន្ទុ ៣អាន់ឌ័រ ប៉ា ៦៩ ។ សរុបលទ្ធផលទាំង៤ជុំប្រកួត នាងធ្វើបាន១០អាន់ឌ័រ ២៧៨ ។ សូមបញ្ជាក់ថា នេះគឺជាជ័យជម្នះពានជើងឯកសមាគម LPGA Tour លើកទី៩ នៅក្នុងអាជីពរបស់នាងហើយ ។ មួយវិញទៀត ជ័យជម្នះនេះគឺជាការបើកផ្លូវជ័យជម្នះរបស់នាងសាជាថ្មីផងដែរ បន្ទាប់ពីបានអាក់ខានតាំងពីព្រឹត្តិការណ៍ US Women’s Open ឆ្នាំ ២០១០មក ។
ជាមួយនឹងប្រាក់រង្វាន់២១ម៉ឺនដុល្លារអាមេរិក Creamerបានថ្លែងដោយក្តីរីករាយថា ៖«ខ្ញុំសប្បាយចំពោះបច្ចេកទេសប្រកួតរបស់ខ្លួនឯងនៅរដូវកាលនេះ ។ ខ្ញុំបានយកឈ្នះពានរង្វាន់ធំម្តងទៀតហើយនៅពេលនេះ ។ ខ្ញុំញ័រខ្លួនខ្លាំងណាស់ ។ នេះជាអ្វីមួយដែលខ្ញុំបានរង់ចាំអស់ពេលជាយូរមកហើយ ។ ពិតណាស់ ខ្ញុំទទួលបានសំណាងដ៏តិចតួច តែយ៉ាងណា វាបានជួយឱ្យខ្ញុំឈ្នះពានជើងឯកនាពេលនេះ»។
ចំណែកកីឡាការិនីអេស្ប៉ាញ Azahara Munoz ដែលសង្ឃឹមថា នឹងដណ្តើមបានពាន LPGA Tour លើកទី២ក្នុងអាជីពនោះបានបញ្ចប់ការប្រកួតក្នុងចំណាត់ថ្នាក់លេខ២ប៉ុណ្ណោះក្រោយពីធ្វើមិនបានល្អក្នុងវគ្គកាត់សេចក្តីចុងក្រោយ ។ ឆ្លងកាត់ការប្រកួត៤ជុំ កីឡាការិនីវ័យ២៦ឆ្នាំរូបនេះ ធ្វើបានលទ្ធផលពិន្ទុ ១០អាន់ឌ័រ ២៧៨នាំមុខ១សត់លើកីឡាការិនីអូស្ត្រាលី Karrie Webb ដែលធ្វើបានលទ្ធផលសរុប ៩អាន់ឌ័រ ២៧៩ ។
ឯកីឡាការិនីកូរ៉េខាងត្បូង Inbee Park បញ្ចប់ជុំផ្តាច់ព្រ័ត្រក្នុងលទ្ធផល៤អាន់ឌ័រប៉ា៦៨។ ប៉ុន្តែ សរុបលទ្ធផលទាំង៤ជុំប្រកួតគឺនាងធ្វើបាន ៧អាន់ឌ័រ ២៨១ប៉ុណ្ណោះ ។ ជាមួយនឹងលទ្ធផលនេះនាំឱ្យនាងឈរនៅចំណាត់ថ្នាក់លេខ៤ស្ទួនជាមួយបណ្តាកីឡាការិនី៤នាក់ផ្សេងទៀត ដោយក្នុងនោះក៏មានកីឡាការិនីមិត្តរួមជាតិរបស់នាងម្នាក់ផងដែរ ។ ឯការបែងចែកទឹកប្រាក់រង្វាន់វិញ នាង Creamer ជ័យលាភីលេខ១ទទួលបាន២១ម៉ឺនដុល្លារ ខណៈនាង Munozជ័យលាភីលេខ២ទទួលបានជាង ១៣ម៉ឺន ។ ចំណែកនាង Karrie Webb ទទួលបានជាង៩ម៉ឺនដុល្លារ ៕
ចែករំលែកព័តមាននេះ