នៅរាជធានីភ្នំពេញ មានវត្តចំនួន១៤៩វត្ត (មហានិកាយចំនួន១៤២វត្ត ធម្មយុត្តិកនិកាយចំនួន៧វត្ត) ហើយខណ្ឌដង្កោ គឺជាខណ្ឌដែលមានវត្តច្រើនជាងគេបំផុត ។ នេះបើតាមការអះ អាងរបស់អតីតប្រធានមន្ទីរធម្មការ និងសាសនារាជធានីភ្នំពេញ ។
លោក ផន ដាវី អតីត ប្រធានមន្ទីរធម្មការ និងសាសនារាជធានីភ្នំពេញបានអោយដឹងថា នៅខណ្ឌដង្កោមានវត្តចំនួន២៦វត្ត ដោយមានចំនួនច្រើនជាងគេបំផុត ហើយបន្ទាប់មកទៀតនោះគឺខណ្ឌច្បារអំពៅមាន២៤វត្ត ។ ចំពោះខណ្ឌដទៃទៀតរួមមានខណ្ឌព្រែកព្នៅមាន២៣វត្ត ខណ្ឌជ្រោយចង្វារ មានចំនួន១៩ ខណ្ឌសែនសុខ មាន១៥វត្ត ខណ្ឌពោធិសែនជ័យ មានចំនួន១៣វត្ត ខណ្ឌកំបូលមានចំនួន១៥វត្ត ខណ្ឌដូនពេញ មានចំនួន០៧វត្ត ខណ្ឌចំការមន មាន០៤វត្ត ខណ្ឌឬស្សីកែវ មាន០៥វត្ត ខណ្ឌបឹងកេងកងមាន០២វត្ត ខណ្ឌ៧មករា មាន០៣វត្ត ខណ្ឌទួលគោក មានចំនួន០៤ ។
លោកក៏បានអោយដឹងផងដែរថា ព្រះសង្ឃចំនួន៨៦១០អង្គ (ភិក្ខុចំនួន៣៨២៩អង្គ សាមណេរចំនួន៤៧៨១អង្គ) អាចារ្យ និងគណៈកម្មាការវត្តចំនួន១៦៤៩នាក់ យាយជី តាជី ចំនួន១០៦០ និងនិស្សិតស្នាក់នៅរៀនសូត្រមានចំនួន២៨២១នាក់ ៕ កែសម្រួលដោយ ៖ សុឃាក់
ចែករំលែកព័តមាននេះ