កីឡាករលំដាប់ទី៨ពិភពលោកសញ្ជាតិស្វ៊ីស រ៉ូជើ ហ្វេដឺរ័រ បានក្លាយទៅជាម្ចាស់ពានវាយកូនបាល់កម្មវិធី Dubai Tennis Championshipsទីក្រុងឌូបៃ ប្រទេសអារ៉ាប់រួមជាលើកទី៦បន្ទាប់ពីបានយកឈ្នះគូប្រកួតរបស់ខ្លួនគឺកីឡាករឆែក Tomas Berdych ក្នុងវគ្គផ្តាច់ព្រ័ត្រកាលពីថ្ងៃសៅរ៍ ទី០១ ខែមីនា ម្សិលមិញ ។
កីឡាករលំដាប់ទី៨ពិភពលោកសញ្ជាតិស្វ៊ីស រ៉ូជើ ហ្វេដឺរ័រ បានក្លាយទៅជាម្ចាស់ពានវាយកូនបាល់កម្មវិធី Dubai Tennis Championshipsទីក្រុងឌូបៃ ប្រទេសអារ៉ាប់រួមជាលើកទី៦បន្ទាប់ពីបានយកឈ្នះគូប្រកួតរបស់ខ្លួនគឺកីឡាករឆែក Tomas Berdych ក្នុងវគ្គផ្តាច់ព្រ័ត្រកាលពីថ្ងៃសៅរ៍ ទី០១ ខែមីនា ម្សិលមិញ ។
ហ្វេដឺរ័របានបំបាក់កីឡាករ Berdychក្នុងលទ្ធផល ៣-៦ ,៦-៤និង៦-៣ទទួលបានឱកាសលើកពានជាលើកទី១ប្រចាំឆ្នាំ ។ បើនិយាយក្នុងអាជីពវិញ នេះគឺជាពានជើងឯកលើកទី៧៧ហើយ ។
ហ្វេដឺរ័រ ឆ្លងកាត់ការប្រកួតពេញមួយសប្តាហ៍នៅអារ៉ាប់រួមនេះ គឺមិនបានចាញ់សូម្បី១សិតឡើយ ។ គេបាននិយាយថា ៖«នេះពិតជាល្អខ្លាំងណាស់ គឺជាជ័យជម្នះដ៏អស្ចារ្យបំផុត ។ គ្រប់ពានជើងឯកទាំងអស់គឺសុទ្ធតែល្អ ។ ជ័យជម្នះតែងតែជារឿងមួយល្អបំផុត ។ វាបានដោះស្រាយការជាប់ជំពាក់គ្រប់យ៉ាងនៅក្នុងចិត្ត ។ នេះជាសប្តាហ៍យ៉ាងពិសេសមួយសម្រាប់ខ្ញុំ» ។
ឯ Berdych បាននិយាយថា៖«បរិយាកាសក្នុងពេលនេះពិតជាល្អខ្លាំងណាស់ ។ ខ្ញុំគិតថាមនុស្សនៅទីនេះភាគច្រើនបំផុតចង់ឱ្យកីឡាករហ្វេដឺរ័រឈ្នះ» ។ គេបានបន្តថា៖«ពិតប្រាកដណាស់ក្នុងសិតទី១ ខ្ញុំធ្វើបានល្អ តែសិតបន្ទាប់បានធ្វើឱ្យមានកំហុសមួយចំនួន ។ តែការប្រកួតរបស់ខ្ញុំគឃ្លើនជាងក្នុងសិតទី១» ។
សម្រាប់ Berdych ការបរាជ័យក្នុងវគ្គផ្តាច់ព្រ័ត្របានកើតឡើងជាញយដង និងចង់ក្លាយជាទម្លាប់មួយទៅហើយ ។ ការប្រកួតក្នុងកម្មវិធីនានាមិនថា ជាក្របខ័ណ្ឌធំ គេកម្រជួបការបរាជ័យក្នុងជុំដំបូងនោះឡើយ ។
ទោះជាយ៉ាងណា សម្រាប់ការប្រកួតលើកនេះ Berdych ហាក់មានបញ្ហាផ្លូវចិត្ត ដ្បិតរាល់កំហុសដែលកើតមានក្នុងសិតទី២និង ទី៣គឺមិនបណ្តាលមកពីបច្ចេកទេសទាំងស្រុងនោះឡើយ។ អាចនិយាយបានថា ការប្រកួតនេះរូបគេមានចិត្តច្របូកច្របល់ ស្មុគស្មាញ អារម្មណ៍មិនប្រមូលផ្តុំលើការប្រកួត ។
ក្នុងពេលដំណាលគ្នានេះ កីឡាការិនីឆែក ក្លារ៉ា ហ្សាកូប៉ាឡូវ៉ា បានយកឈ្នះពានជើងឯកកម្មវិធី Brazil Cup ដែលរៀបចំធ្វើនៅក្រុង Florianopolis ប្រទេសប្រេស៊ីលបន្ទាប់ពីបានបំបាក់គូប្រជែងក្នុងវគ្គផ្តាច់ព្រ័ត្រមកពីប្រទេសអេស្ប៉ាញ Garbine Muguruza ក្នុងលទ្ធផលពិន្ទុ ៦-៤និង៥-២ ។ នេះជាពានលើកទី១ហើយបើគិតពីឆ្នាំ២០០៥មក ។ ដោយឡែកក្នុងអាជីពវិញគឺជាពានលើកទី៣ ។ គួរកត់សម្គាល់ថា មួយរយៈពេលកន្លងមកនេះ ហ្សាកូប៉ាឡូវ៉ាបានឈានចូលដល់វគ្គផ្តាច់ព្រ័ត្រចំនួន៦លើក ប៉ុន្តែគ្មាន១លើកណាដែលនាងដណ្តើមបានពានជើងឯកឡើយ ៕
ចែករំលែកព័តមាននេះ