រាជធានីភ្នំពេញ ៖ ព្រឹត្តិការណ៍ Metfone Cambodian League 2014 ជើងទី១ កាលពីរសៀលថ្ងៃទី១ មីនា មានចំនួន៤ប្រកួត ដែល២ប្រកួតលេងនៅទីលានស្តាតចាស់ ហើយ២ប្រកួតទៀតលេងនៅពហុកីឡដ្ឋានជាតិអូឡាំពិក ។ ចំពោះ២ប្រកួតនៅពហុកីឡដ្ឋានជាតិ ក្រុមសាកលវិទ្យាល័យអាស៊ីអឺរ៉ុប បានយកឈ្នះលើក្រុមបៀលប្រាយយូណាធីតក្នុងលទ្ធផល៣ទល់២។
រាជធានីភ្នំពេញ ៖ ព្រឹត្តិការណ៍ Metfone Cambodian League 2014 ជើងទី១ កាលពីរសៀលថ្ងៃទី១ មីនា មានចំនួន៤ប្រកួត ដែល២ប្រកួតលេងនៅទីលានស្តាតចាស់ ហើយ២ប្រកួតទៀតលេងនៅពហុកីឡដ្ឋានជាតិអូឡាំពិក ។ ចំពោះ២ប្រកួតនៅពហុកីឡដ្ឋានជាតិ ក្រុមសាកលវិទ្យាល័យអាស៊ីអឺរ៉ុប បានយកឈ្នះលើក្រុមបៀលប្រាយយូណាធីតក្នុងលទ្ធផល៣ទល់២។
សម្រាប់ការប្រកួតនៅក្នុងតង់ទី១ ក្រុមសាកលវិទ្យាល័យអាស៊ីអឺរ៉ុប បានធ្វើការវាយសម្រុកទៅកាន់ដៃគូប្រកួតរបស់ខ្លួនរហូតរកបាន៣គ្រាប់ជាប់ៗគ្នាតែម្តង ហើយក៏ជាលទ្ធផលជ័យជម្នះផងដែរ ។ ៣គ្រាប់នេះរកបានដោយកីឡាករពាក់អាវលេខ៤៤ Mohamed Hamza នៅនាទីទី២៣ ។ ១គ្រាប់ទៀតរកបានដោយកីឡាករពាក់អាវលេខ២៣ ឆាង ហៃ នៅនាទីទី៣១ ។ នាទីទី៣៧ កីឡាករពាក់អាវលេខ៤០ George Kelechi រកបាន១គ្រាប់ឱ្យក្រុមចុងក្រោយ ។
ចូលតង់ទី២ បៀលប្រាយយូណាធីតបានផ្លាស់ប្តូរទម្រង់លេងរបស់ខ្លួន ហើយបានវាយតបតរកគ្រាប់បាល់បានចំនួន២គ្រាប់វិញ ដោយនៅនាទីទី៥៥ កីឡាករពាក់អាវលេខ១០ Omokafe រកបាន១គ្រាប់ឱ្យក្រុម, ១គ្រាប់ទៀតរកបានដោយកីឡាករពាក់អាវលេខ៧ ចាន់ ឆាយា ។ លទ្ធផលបែបនេះធ្វើឱ្យសាកលវិទ្យាល័យអាស៊ីអឺរ៉ុបប្រុងជើងការខ្ពស់ជាងមុន ដោយឡើងមកទប់ច្រើនជាងប្រកួតដើម្បីកុំឱ្យគូប្រកួតរកបានគ្រាប់បាល់បន្តទៀត ។ ចប់ការប្រកួតក្រុមសាកលវិទ្យាល័យអាស៊ីអឺរ៉ុប បានយកឈ្នះលើក្រុមបៀលប្រាយយូណាធីតក្នុងលទ្ធផល៣ទល់២ ។ សម្រាប់៦ប្រកួតរបស់ក្រុមសាកលវិទ្យាល័យអាស៊ីអឺរ៉ុបពេលនេះទទួលបាន៦ពិន្ទុ ឈ្នះ១ ស្មើ៣ និងចាញ់២ប្រកួត ។ ចំណែកបៀលប្រាយយូណាធីតលេងបាន៦ប្រកួតទទួលបាន៥ពិន្ទុ ឈ្នះ១ ស្មើ២ ចាញ់៣ប្រកួត ។
ចំណែក១ប្រកួតទៀត ក្រុមភ្នំពេញក្រោនកំពុងតែឈរនៅលំដាប់កំពូលតារាងដដែល បន្ទាប់ពីបានយកឈ្នះក្រុមចំណូលថ្មី Albirex Niigata Phnom Penh ក្នុងលទ្ធផល៤ទល់១ ។ ដោយលេងបាន៦ប្រកួត ក្រុមភ្នំពេញក្រោនទទួលបាន១៣ពិន្ទុ ឈ្នះ៤ ស្មើ១ និងចាញ់១ប្រកួត ។ ចំពោះ៦ប្រកួតរបស់ Albirex Niigata Phnom Penh មិនទទួលបានលទ្ធផលល្អទាល់តែសោះ គឺចាញ់ទាំង៦ប្រកួត ពិន្ទុ០ ។
សម្រាប់ទីលានស្តាតចាស់ដែលមាន២ប្រកួតនោះ ក្រុមណាហ្គាខប បានយកឈ្នះក្រុមចំណូលថ្មីត្រាយអាស៊ី ក្នុងលទ្ធផល១ទល់០ យ៉ាងលំបាក ។ ពេលនេះ៦ប្រកួតរបស់ក្រុមណាហ្គាខបបាន១៣ពិន្ទុ ឈ្នះ៤ ស្មើ១ ចាញ់១ប្រកួត ។ ចំណែកក្រុមត្រាយអាស៊ីវិញបាន១០ពិន្ទុ ឈ្នះ៣ ស្មើ១ ចាញ់២ប្រកួត ។
មួយប្រកួតទៀត ក្រុមក្រសួងការពារជាតិប្រកួតស្មើជាមួយក្រុមគិរីវង់សុខសែនជ័យ ក្នុងលទ្ធផល០ទល់០ ។ ៦ប្រកួតរបស់ក្រសួងការពារជាតិបាន៧ពិន្ទុ ឈ្នះ១ ស្មើ៤ ចាញ់១ប្រកួត ។ ចំណែកក្រុមគិរីវង់សុខសែនជ័យ ៦ប្រកួតមិនដែលឈ្នះ ស្មើ៤ ចាញ់២ប្រកួត បាន៤ពិន្ទុ ។
សម្រាប់ការប្រកួតបន្តនៅថ្ងៃអាទិត្យ ទី២ មីនា គឺមានតែ២ប្រកួតប៉ុណ្ណោះ ដោយធ្វើឡើងនៅពហុកីឡដ្ឋានជាតិ ចាប់ពីម៉ោង១៥និង៣០នាទីតទៅ គឺក្រុមវេស្ទើនយូនីអែហ្វស៊ី ជួបប្រកួតជាមួយក្រុមចំការកៅស៊ូបឹងកេត និងមួយប្រកួតទៀត ក្រុមខេត្តស្វាយរៀង ប្រកួតជាមួយក្រុមអគ្គស្នងការដ្ឋាននគរបាលជាតិ ៕
ចែករំលែកព័តមាននេះ