ប្រទេសស៊ីរី ៖ ពួកជីហាដ និងពួកឧទ្ទាមស៊ីរីកាលពីថ្ងៃទី២០ សីហា បានបង្ខំចិត្តដកចេញពីបណ្ដាតំបន់គន្លឹះនៃខេត្តអុីដលីបនា ភាគពាយ័ព្យស៊ីរី ប្រឈមមុខនឹងការវាយរុលទៅមុខរបស់កងទ័ពក្រុងដាម៉ាស់ គាំទ្រដោយក្រុងមូស្គូ ខណៈមានភាពតានតឹងរវាងស៊ីរី…
ប្រទេសស៊ីរី ៖ ពួកជីហាដ និងពួកឧទ្ទាមស៊ីរីកាលពីថ្ងៃទី២០ សីហា បានបង្ខំចិត្តដកចេញពីបណ្ដាតំបន់គន្លឹះនៃខេត្តអុីដលីបនា ភាគពាយ័ព្យស៊ីរី ប្រឈមមុខនឹងការវាយរុលទៅមុខរបស់កងទ័ពក្រុងដាម៉ាស់ គាំទ្រដោយក្រុងមូស្គូ ខណៈមានភាពតានតឹងរវាងស៊ីរី និងតួកគី ។
យោងតាមអង្គការសិទ្ធិមនុស្សស៊ីរី OSDH មានប្រភពព័ត៌មានច្រើនក្នុងប្រទេសថា បណ្ដាក្រុមប្រឆាំងលោក អាសាដ បានចាកចេញពីទីក្រុងយុទ្ធសាស្ត្រ KHAN CHEIKHOUN ខេត្តអុីដលីប ព្រមទាំងពីតំបន់នានានៃភាគខាងជើងខេត្តជាប់ជិតខាងហាម៉ា ។
ផ្នែកមួយធំនៃខេត្តអុីដលីប និងតំបន់មួយចំនួននៃខេត្តជិតខាងអាឡែប ហាម៉ា និងឡាតាគីយ៉េនៅគេចផុតពីការត្រួតត្រារបស់របបស៊ីរីក្រោយរយៈពេល៨ឆ្នាំនៃជម្លោះ ក៏ទោះបីកងទ័ពស៊ីរីវាយដណ្ដើមយកបានដែនដីភាគច្រើនរបស់ប្រទេសក្ដី ។
តំបន់ទាំងនោះគ្របដណ្ដប់ដោយក្រុមជីហាដ HAYAT TAHRIR AL CHAMអតីតសាខាអាល់កៃដានៅស៊ីរីក៏មានបណ្ដាក្រុមឧទ្ទាមឯទៀតៗដែរ ដោយចាប់តាំងពីដំណាច់ខែមេសា មករងការទម្លាក់គ្រាប់បែកស្ទើររាល់ថ្ងៃ ដោយកងទ័ពស៊ីរី និងសម្ព័ន្ធមិត្តរុស្សុី សម្លាប់ជនស៊ីវិលប្រមាណជាជាង៨៨០នាក់ ។ រួចនាថ្ងៃទី២០ សីហា ជនស៊ីវិល១២នាក់ទៀតក្នុងនោះមានកុមារ៣នាក់ បានត្រូវស្លាប់ដោយសារការវាយប្រហារតាមអាកាស ប្រឆាំងមូលដ្ឋានជាច្រើននាភាគអាគ្នេយ៍ខេត្តអុីដលីប ។
ការដកថយរបស់ពួកឧទ្ទាមនិងពួកជីហាដនោះកើតមានបន្ទាប់ពីកងទ័ពស៊ីរីវាយដណ្ដើមយកបានក្រុង KHAN CHEIKHOUN ពាក់កណ្ដាល និងអាចរាំងខ្ទប់ផ្លូវថ្នល់អាឡែប-ដាម៉ាស់ ប្រឈមមុខនឹងការមកដល់នៃក្បួនរថយន្តយោធាតួកគី ។ ប៉ុស្តិ៍សង្កេតការណ៍សំខាន់មួយរបស់តួកគីក្នុងទីក្រុងម៉ូរេក ប្រមាណជា១០គីឡូម៉ែត្រខាងត្បូងក្រុង KHAN CHEIKHOUNពេលនេះត្រូវឡោមព័ទ្ធដោយកងទ័ពស៊ីរីហើយកងទាហានតួកគីមិនអាចដកថយកាត់តាមផ្លូវថ្នល់នានា ស្ថិតក្រោមការត្រួតត្រារបស់រដ្ឋាភិបាលក្រុងដាម៉ាស់ឡើយ ។
កាលពីថ្ងៃទី១៩ សីហា តួកគីបានបញ្ជូនកងយោធាមានរថយន្តប្រមាណជា៥០គ្រឿងមកកាន់ទឹកដីស៊ីរីក្រោយការលុកចូលរបស់កងទ័ពក្រុងដាម៉ាស់ក្នុងទីក្រុង KHAN CHEIKHOUN ។ ក្បួនរថយន្តនោះត្រូវឈប់ បន្ទាប់ពីការទម្លាក់គ្រាប់បែករបស់រុស្ស៊ី និងស៊ីរី ដែលតាមក្រុងអង់ការ៉ាថា សម្លាប់ជនស៊ីវិល៣នាក់ តែតាម OSDH ថាអ្នកស្លាប់ទាំង៣នាក់នោះជាយុទ្ធជនរបស់ពួកឧទ្ទាមស្និទ្ធស៊ីរី ៕
កែសម្រួលដោយ ៖ សំណាង
ចែករំលែកព័តមាននេះ