សហរដ្ឋអាមេរិក ៖ សហរដ្ឋអាមេរិកប្រកាស នាថ្ងៃទី១៨ ធ្នូ ពីការដាក់ទណ្ឌកម្មប្រឆាំងចៅក្រម២រូបទៀតនៃតុលាការឧក្រិដ្ឋកម្មអន្តរជាតិCPI ដែលស៊ើបអង្កេតលើអ៊ីស្រាអែល។ បែបនេះ ជាការពង្រឹងការគាបសង្កត់កាន់តែខ្លាំងថែមទៀត លើតុលាការនោះដែលភ្លាមៗបដិសេធយ៉ាងម៉ឺងម៉ាត់ការសម្រេចចិត្តនោះ…
សហរដ្ឋអាមេរិក ៖ សហរដ្ឋអាមេរិកប្រកាស នាថ្ងៃទី១៨ ធ្នូ ពីការដាក់ទណ្ឌកម្មប្រឆាំងចៅក្រម២រូបទៀតនៃតុលាការឧក្រិដ្ឋកម្មអន្តរជាតិCPI ដែលស៊ើបអង្កេតលើអ៊ីស្រាអែល។ បែបនេះ ជាការពង្រឹងការគាបសង្កត់កាន់តែខ្លាំងថែមទៀត លើតុលាការនោះដែលភ្លាមៗបដិសេធយ៉ាងម៉ឺងម៉ាត់ការសម្រេចចិត្តនោះ ។
ក្នុងសេចក្ដីប្រកាសមួយរដ្ឋមន្ត្រីការបរទេសអាមេរិក លោកម៉ារកូរូប៊ីយ៉ូ បានលើកហេតុផលនៃទណ្ឌកម្មនោះដោយពន្យល់ជាពិសេសថា ចៅក្រមទាំង២រូបនោះ នាពេលថ្មីៗនេះ បានចូលរួមបោះឆ្នោតអនុម័តក្នុងតុលាការនេះ ដើម្បីបដិសេធការតវ៉ារបស់អ៊ីស្រាអែលឲ្យបញ្ចប់ការស៊ើបអង្កេតពីបទឧក្រិដ្ឋកម្មសង្គ្រាមនៅជ្រោយហ្គាហ្សា។
តុលាការCPI ដែលមានទីស្នាក់ការនៅក្រុងឡាអេ កាលពីខែវិច្ឆិកា ឆ្នាំ២០២៤ បានចេញដីកាចាប់ខ្លួនប្រឆាំងនាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូ និងអតីតរដ្ឋមន្ត្រីការពារប្រទេសលោកយ៉ាវហ្គាឡង់ ។ អ្នកទាំង២ជាប់សង្ស័យពីបទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិនៅជ្រោយហ្គាហ្សា កន្លែងដែលអ៊ីស្រាអែលធ្វើសង្គ្រាមដ៏បំផ្លិចបំផ្លាញមួយ ក្រោយការវាយប្រហារបង្ហូរឈាមរបស់ក្រុមហាម៉ាស់នៅអ៊ីស្រាអែល កាលពីថ្ងៃទី៧ តុលា ឆ្នាំ២០២៣ ។
ក្នុងឯកសារមួយចេញផ្សាយកាលពីថ្ងៃទី១៥ ធ្នូ បណ្ដាចៅក្រមនៃតុលាការ CPI បានសម្រេចរក្សាទុក ការសម្រេចស៊ើបអង្កេតលើបណ្ដារឿងហេតុដែលកើតមាននៅជ្រោយហ្គាហ្សា ក្នុងពេលមានជម្លោះ។ រដ្ឋមន្ត្រីការបរទេសអាមេរិកថ្លែងថា យើងនឹងមិនអត់ឱនឡើយការរំលោភបំពានអំណាចរបស់CPIដែលបំពានលើអធិបតេយ្យភាពរបស់អាមេរិក និងអ៊ីស្រាអែលហើយចោទប្រកាន់ទាំងទទឹងទិសលើបណ្ដាជនជាតិអាមេរិក និងអ៊ីស្រាអែល។
ចៅក្រមទាំង២រូបថ្មីដែលជាប់ទណ្ឌកម្មអាមេរិក គឺលោកGOCHA LORDKIPANIDZE អតីតរដ្ឋមន្ត្រីយុត្តិធម៌ហ្ស៊កហ្ស៊ី និងចៅក្រមERDEBALSUREN DAMDINជនជាតិម៉ុងហ្គោលី ។ ទណ្ឌកម្មនោះធ្វើឡើងបន្ទាប់ពីទណ្ឌកម្មប្រកាសរួចហើយ ប្រឆាំងចៅក្រម៩រូបនិងបណ្ដារដ្ឋអាជ្ញារបស់CPI ខណៈប្រធានាធិបតីអាមេរិកលោកដូណាល់ត្រាំ ធ្វើយុទ្ធនាការធំមួយប្រឆាំងតុលាការអន្តរ
ជាតិនោះ៕
ចែករំលែកព័តមាននេះ